Johan 16:26 - Tedim Bible

²⁶ Tua ni ciangin note in ka min suangin thu na ngen ding uh hi; note ading Pa kiangah ke’n ngen ning ka ci kei hi.

Tedim Bible Revision 2017

²⁶ Tua hun hong tun ciangin, Pa Pasian kiangah ka hong ngetsak ding hi, ka hong ci nawn kei dinga, nomau mahmah in ka min suangin Pa kiangah na ngen pah ding uh hi.

Johan 16:26 Iomraidhean Croise

Johan 14:16

Keimah in Pa kiangah thu ka ngen ding a, note tawh a omkhawm tawntung dingin Kha Siangtho ahi adang Huhpa hong pia ding hi.

Johan 14:20

Pa sungah kei om a, kei sungah note na om uh leh, note sungah kei ka om tua ni ciangin na thei ding uh hi.

Johan 16:19

Amaute in a dot nop uh Zeisu in a theih ciangin, “Tawlkhat khit ciangin note in kei nong mu nawn kei ding uh hi. Tawlkhat khit ciangin, note in kei nong mu kik ding uh hi ka cihna thu note na kidong tek uh hiam?

Johan 16:23

Tua ni ciangin kei kiangah bangmah nong dong kei ding uh hi. Ke’n aman takpi kong cih-inah, note in keima min tawh Pa kiangah thu na nget khempeuh uh a hong pia ding hi.

Johan 16:30

Na khempeuh na thei khin a, kuamah in nang hong dot nading thu a om kei hi ci-in tu-in ka thei uh hi. Tua ahih ciangin nangmah in Pasian’ kiang pan hong pai na hi ci-in ka um uh hi.” a ci uh hi.

Johan 17:19

Amaute zong thutak tawh a kisian’thosak nadingun, keimah ka kisiangthosak hi.”

Johan 17:24

“Pa aw, kei nong piak mite in zong nong piaksa minthan’na a muh nadingun ka omna-ah na omkhawmsak dingin ka deih hi. Bang hang hiam na cih leh, lei pian’ ma-inah nong it hi.

Johan 17:9

Amaute ading thu ka ngen hi. Leitung mite ading thu ka ngen kei hi. Na hong piak mite in nangma mi ahih man-unah amau ading thu ka ngen hi.

ROM (Romans) 8:34

Mawhsakna thu a khenpa in kua ahi hiam? Sihna a thuak tham loin, sihna pan thokik a, Pasian’ ziat lamah omin, eite ading thu hong ngetsakpa in Khazih ahi hi.