Johan 16:23 - Tedim Bible

²³ Tua ni ciangin kei kiangah bangmah nong dong kei ding uh hi. Ke’n aman takpi kong cih-inah, note in keima min tawh Pa kiangah thu na nget khempeuh uh a hong pia ding hi.

Tedim Bible Revision 2017

²³ “Tua hun ciangin kei kiangah bangmah nong ngen nawn kei ding uh hi. A mantakin kong genin ah, keima min suangin na nget peuhpeuh uh Pa in hong pia ding hi.

Johan 16:23 Iomraidhean Croise

Isaiah 65:24

Amaute in hong sap ma-in ke’n ka dawng ding a, thu a gen laitakun ka za ding hi.

Mattiu 21:22

Upna tawh thu na nget uh leh, na nget khempeuh uh na ngah ding uh hi,” a ci hi.

Mattiu 7:7

“Ngen un. Na nget uh leh, hong pia ding hi. Zong un. Na zon’ uh leh, na mu ding uh hi. Kongkhak na kiu un. Na kiuh uh leh, hong hon’ ding hi.

Johan 14:20

Pa sungah kei om a, kei sungah note na om uh leh, note sungah kei ka om tua ni ciangin na thei ding uh hi.

Johan 14:22

Judas Iskariot hi lo adang Judas in, “Topa ko kiangah na kilat hangin, leitung mite kiangah bang hang kilang lo ding na hi hiam?” a ci hi.

Johan 14:5

Thomas in, “Topa aw, na pai nading thei lo ka hih uh ciangin, lampi bangci theih ding ka hi uh hiam?” a ci hi.

Johan 15:7

Kei sungah na om uh a, ka thu in note sungah a om leh, na ngetpeuh peuh uh na ngah ding uh hi.

Johan 16:19

Amaute in a dot nop uh Zeisu in a theih ciangin, “Tawlkhat khit ciangin note in kei nong mu nawn kei ding uh hi. Tawlkhat khit ciangin, note in kei nong mu kik ding uh hi ka cihna thu note na kidong tek uh hiam?

Johan 16:26

Tua ni ciangin note in ka min suangin thu na ngen ding uh hi; note ading Pa kiangah ke’n ngen ning ka ci kei hi.

Johan 16:30

Na khempeuh na thei khin a, kuamah in nang hong dot nading thu a om kei hi ci-in tu-in ka thei uh hi. Tua ahih ciangin nangmah in Pasian’ kiang pan hong pai na hi ci-in ka um uh hi.” a ci uh hi.

Efesa 2:18

Bang hang hiam na cih uh leh, Khazih hangin ei pawl nihte in Kha Siangtho khat tawh Pa kiangah nai-in lut theih nading thu i ngah hi.

1 JOHAN MASA 2:1

Ka ta neute aw, note in na mawh loh nadingun hih thute lai sungah kong gelh hi. Mi khat peuhmah in a mawh leh, midik Zeisu Khazih ahi, eite hong huhpa Pasian kiangah i nei hi.