Johan 16:21 - Tedim Bible

²¹ Numei in ta a suah lai takin a hun tung ahih ciangin a dah hi. Ahih hangin ta a suah khit ciangin leitungah mi khat suak ahih ciangin lungdam a, a gimna a phawk nawn kei hi.

Tedim Bible Revision 2017

²¹ Numei in a ta a suah hun a tun ciangin na sa ahih manin a dah hi. Ahi zongin a ta a suah khit ciangin leitungah naungek khat a piangsak khin ahihna hangin lungdamin a natna teng a mangngilh ta hi.

Johan 16:21 Iomraidhean Croise

Piancilna 3:16

Tua ciangin numei' kiangah, “Naupaina-ah na gimna nakpi takin ka khangsak ding a, gimna tawh nau na suak ding hi. Ahi zongin na pasal mah na deih ding a, amah in nang' tungah hong uk ding hi,” ci hi.

JOB (Job) 11:16

Na lungkhamnate veng ding a, tuikhang pak bangin na phawk kha nawn kei ding hi.

Late 113:9

Amah in tasel numei inn guan a, ta a nei nu lungdamin a bawl hi. Topa phat un!

Isaiah 13:8

amaute lau ding uh hi. Amaute in gim mahmahna leh nat velvalna thuak ding uh a, numei nausuak ding bangin na sa ding uh hi. Amaute khat leh khat lamdang sakna tawh ki-en ding uh a, a maitangte uh meikuang bang ding hi.

Isaiah 21:3

Tua ahih ciangin ka pumpi na hi; nausuak numei in na a sak bangin na ka sa hi; khuaza thei lo zah dongin a kuncip-in ka om a, ka muh nate hangin lamdang sa in ka om hi. khua mu thei lo zah dongin lungkia-in ka om hi.

Isaiah 66:7

Ka khuapi siangtho pen nausuak natna a thuak ma-in nau a suak nupi tawh kibang hi; nausuak gimna a tun’ ma-in amah in tapa khat nei hi.

Micah 4:10

Jerusalem khuamite aw, numei nausuak ding bangin tha saan un. Tu-in khuapi nusia-in, gam sung khua-ah a teeng ding na hi ta uh a, Babilon khuapi a zuan ta ding na hi uh hi. Ahi zongin tua lai-ah note hong kihonkhia-in, na galte uh khut sung panin Topa in hong tankhia ding hi.

Micah 4:9

Bang hangin tu-in nakpi-in kap a, numei nausuak ding bangin na sa na hi hiam? Kumpi nei lo a, na thulamlakte si ahi hiam?

Galati 4:27

Lai Siangtho sungah: “Ta suak ngei lo a ciing numei aw, na lungdam in! Nausuak gimna a thuak ngei lo numei aw, kiko in! Bang hang hiam na cih uh leh, pasal a nei numei’ tate sangin, A kipaaikhia numei in ta tamzaw a nei hi,” ci-in a kigelh hi.

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.