Johan 16:20 - Tedim Bible

²⁰ Ke’n aman takpi kong cih-inah, note kapin na kiko ding uh hi. Leitung mite ahih leh, a lungdam ding uh hi. Note na dah ding uh hangin, na dahna uh lungdamna a suak ding hi.

Tedim Bible Revision 2017

²⁰ A taktakin ka hong genin ah, note dahin na kap ding uh a, ahi zongin leitung mite lungdam ding uh hi. Note na dah ding uh a, ahi zongin na dahna uh lungdamna hong suak ding hi.

Johan 16:20 Iomraidhean Croise

JOB (Job) 20:5

migilote’ nopsak hun a tomna thu, Pasian a thudon lote’ lungdam hun a tomna thu thei lo na hi hiam?

Late 30:11

Topa ka Pasian aw, nangma tungah lungdamna kong koh tawntung theih nading, ka lungsim in nang hong phat theih nading, a dai om mawk loh nadingin, ka thuumna ka taunate lamna tawh nong heisak a, dahna lim ahi ka puanhampi hong suahsakin nuamna nong guan hi.

Late 30:5

Ama hehna tomno sung bek hi a, ama deihsakna in khang tawntung ading ahi hi. Zan sung teng kahna om kha mah ding a, ahih hangin zing khuavak tawh nuamna hong pai hi.

Late 97:11

Thuman mite’ tungah khuavak hong taang a, lungsim thutang mite’ tungah lungdamna hong tung hi.

Isaiah 12:1

Ni khat ni ciangin mite in, “Topa aw, kei’ tungah na heh hangin na hehna dam a, nangmah in kei hong hehnem na hih manin nang kong phat ding hi.

Isaiah 61:3

amaute pen a thuman mite kici-in, amah a kiminthan’sak theih nadingin Topa’ suan kungte a kicih theih nadingin, Zion ah a om a dah mite tungah vut tawh kibuak a, lukhu khuk tangin a hoih kumpi lukhu khuksak nading, tauna tangin lungdamna sathau nilhsak theih nading, a lunggimna tangin Pasian phatna puan a silh theih nadingun amah in kei hong sawl zo hi.

Isaiah 66:5

Ama thu ah lau-in a liing mite aw, Topa’ thu za un: Kei tungah note nong cihtakna hangun na mipihte pawlkhat un note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

Jeremiah 31:25

Bang hang hiam cih leh a gim mite ka tawldam sak ding a, gil kial a, a tha zawm mite khempeuh an ka vak kham ding hi,” a ci hi.

Mattiu 21:38

Ahih hangin, lo khawh lawhte in a tapa a muh uh ciangin, ‘Hihpa in a inn luah dingpa ahi hi. Hong pai un, amah thatin a sum luah ding teng eite in tang ni,’ ci-in khat leh khat a kikum uh hi.

Mattiu 5:4

“A dahte in thupha a ngah ding uh hi. Bang hang hiam na cih uh leh, amau in lungdamna a ngah ding uh hi.”

Marka 14:72

Tua phetin nihveina aak a khuang hi. Piter in, “Aak nihvei a khuan’ ma-in thumvei nong nial ding hi,” Zeisu in a cihna thu phawk a, a ngaihsut ciangin a kap hi.

Marka 16:10

Tua Mari pai a, Zeisu tawh kipawlte dah a, a kah laitakun amaute kiangah tua thu a hilh hi.

Luka 22:45

Thu a nget khit ciangin tho a, a nungzuite kiangah a paikik ciangin, amaute dahna tawh ihmu a om uh a mu hi.

Luka 22:62

Amah pusuak a, nakpi-in a kap hi.

Luka 23:27

Mi tampi leh Zeisu hangin nakpi a thuum numei tampite in a nung a zui uh hi.

Luka 24:17

Zeisu in, “Note in lam na pai lai takun na kikup uh thu in bang thu ahi hiam?” ci-in a dot leh, maikhingin a khawl uh hi.

Luka 24:21

Tua pa in Israel pawlte tan dingpa ahi hi ci-in kote in ka lamen uh hi. Tua tham loin, hih thu khempeuh a pian’ zawh ni thum pha zo hi.

Luka 6:21

Tu lai taka gilkial note in, thupha na ngah ding uh hi. Bang hang hiam na cih uh leh, gilvahna na ngah ding uh hi. Tu lai taka a kap note in thupha na ngah ding uh hi. Bang hang hiam na cih uh leh, na nui ding uh hi.

Johan 16:33

Note in keima sungah nopna na neih nadingun hih thute kong genkhol hi. Note in leitungah gimna na thuak ding uh hi. Ahih hangin lunghimawh kei un, leitung ka zozo hi,” ci-in a gen hi.

Johan 16:6

Ahih hangin hih thute note kiangah kong gen ciangin, note lungsung uh dahna tawh a kidim zo hi.

Johan 20:20

Tua bang a cih khit ciangin a khut leh a pang a lak hi. Tua nungzuite in Topa a muh uh ciangin a lungdam uh hi.

Sawltak 5:41

Tua ciangin sawltakte in Zeisu’ min hanga zumhuaina thuak dinga kilawm a kisak manun ah lungdamin, upa vaihawmna pan a paikhia uh hi.

ROM (Romans) 5:11

Tua tham loin, i Topa Zeisu Khazih hangin kilemna thu i ngah zo ahih ciangin, tua Zeisu hangin Pasian kiangah i lungdam hi.

2 KORIN NIHNA 6:10

a dahte bang ahi zongin a nuam tawntung mi hi-in, a zawng mite bang ahi zongin a ngah a hau mite hi-in, sum khat beek a nei lo mi bang ahi zongin na khempeuh a nei mite hi-in Pasian’ nasemte ka hi takpi uh a, na khempeuh tawh kilangin ka lak uh hi.

Galati 5:22

Kha Siangtho’ gah in: itna, lungdamna, kilemna, lungduaina, mi hehpihna, gitna, diktatna,

1 THESALONIKA MASA 1:6

Note in gimna lian na thuak uh hangin Kha Siangtho tawh akipawl lungdamna tawh, Pasian thu sangin kote tawh Topa ngeina bangin a gamta mite na hi uh hi.

Jeim 1:2

Ka u ka naute aw, ze-etna apawlpawl na thuak uh ciangin lungdam nading bek a hi ci-in na ciamteh un.

Juda 1:24

Note na kipuk loh nadingun hong kemin, mawhna om loin, lungdam mahmahin note ama’ minthan’na mai-ah hong koih thei, i Topa Zeisu Khazih hangin eite’ Honpa Pasian khat bek tungah minthan’na, thupitna, vangliatna leh ukzawhnate tu-ma hun khempeuh, tu laitak leh a tawntungin om ta hen! Amen.

Mangmuhna 11:10

Leitungah a om mite in zong tua kamsang nihte in a bawlsia ngei ahih manin, tua a luangte hangin lungdamin khat leh khat nuamna nate a kipia ding uh hi.

Mangmuhna 18:7

Amah in ama pumpi pahtawi-in nopsakna a khan’ mah bangin, nakpi-a bawlsiatna leh kahna kikona thuaksak in. Bang hang hiam na cih uh leh, amah in, “Kei kumpinu ka hi hi, meigongnu ka hi kei hi. Cikmah hunin ka kap ngei kei ding hi,” ci-in a lungsim sungah a kingaihsun hi.