Johan 16:16 - Tedim Bible

¹⁶ “Tawlkhat khit ciangin nong mu kei ding uh hi. Tawlkhat khit ciangin na hong mu kik ding uh hi,” a ci hi.

Tedim Bible Revision 2017

¹⁶ “Tawl khat khit ciangin na hong mu nawn kei ding uh a, tawl khat khit ciangin na hong mukik ding uh hi,” a cih ciangin,

Johan 16:16 Iomraidhean Croise

Marka 16:19

Tua ciangin Topa Zeisu in amaute kiangah a gen khit ciangin, vantungah kila to a, Pasian’ ziat lamah a tu hi.

Johan 12:35

Tua ciangin Zeisu in, “Khuavakna in note kiangah tawlkhat a om lai ding hi. Khuamial in no hong lap loh nadingin khuavak a om lai takin na pai un. Khuamial lakah a pai mi in a tun’na ding a thei kei hi.”

Johan 13:3

Pa in na khempeuh ama khut tungah a apna thu ahi zongin, amah in Pasian kiang pan a hong paina thu ahi zongin, Pasian kiangah a paikik nading ahi zongin a theih ciangin,

Johan 13:33

Ka tanote aw, keimah in note tawh tawlkhat bek ka omkhawm ding hi. Note in kei nong zong ding uh hi. ‘Ka paina munah nong tung zo kei ding uh hi,’ ci-in Judah mite kiangah ka cih mah bangin, tu-in note kiangah kong ci hi.

Johan 16:10

Pa kiangah kei ciah ding a, note in kei hong mu nawn lo ding na hih uh ciangin, sian’thona a pulak ding hi.

Johan 16:22

Tua ahih ciangin tu-in na dah uh hangin a nung ciangin keimah in note kong mukik ding a, no na lungdam ding uh hi. Note lungdamna kuamah in hong sut zo kei ding hi.

Johan 16:28

Keimah in Pa kiang pan pusuakin leitungah kong kumsuk a; khatvei leitung pan pusuakin Pa kiangah ka pai kik ding hi,” ci-in a gen hi.

Johan 16:5

Ahih hangin tu-inah kei hong sawlpa kiangah pai ding ka hih ciangin, ‘Koi lai-ah pai ding na hi hiam?’ ci-in note lakah kuamah in nong dong kei uh hi.

Johan 17:13

Tu-in keimah in nangma kiangah kong pai ding hi. Keima lungdamna hih mite sungah a dim nadingin hih thute leitungah ka om lai-in ka gen hi.

Johan 17:5

Pa aw, leitung a om ma-in nangma kiangah ka neihsa minthan’na tawh tu-in nangma kiangah kei hong minthangsak in.”

Johan 7:33

Tua ahih ciangin Zeisu in, “Note tawh tawlkhat bek ka om khit ciangin kei hong sawlpa kiangah ka ciahkik ding hi.

Sawltak 1:3

Tua Zeisu in gimna a thuak khit ciangin amau kiangah ni sawmli tawntung kilangin, hihna tampi tawh a nungta taktak ahihna lak a, Pasian’ Gam thu a hilh hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.