Johan 15:8 - Tedim Bible

⁸ Note in tampi na gah uh leh, ka Pa’ minthan’na na kilangsak ding uh a, note in ka nungzuite na hi takpi ding uh hi.

Tedim Bible Revision 2017

⁸ Gah tampi gah le-uhcin ka Paʼ minthanna a kilangsak na hi ding uh a, keima nungzui na hihna uh kilang ding hi.

Johan 15:8 Iomraidhean Croise

Isaiah 60:21

Na mihingte khempeuh thuman ding hi; keima min a than’ nadingin keima suansa kung, ka khut tawh ka sepsa ahi gam pen amaute in nei pai suak ding uh hi.

Isaiah 61:3

amaute pen a thuman mite kici-in, amah a kiminthan’sak theih nadingin Topa’ suan kungte a kicih theih nadingin, Zion ah a om a dah mite tungah vut tawh kibuak a, lukhu khuk tangin a hoih kumpi lukhu khuksak nading, tauna tangin lungdamna sathau nilhsak theih nading, a lunggimna tangin Pasian phatna puan a silh theih nadingun amah in kei hong sawl zo hi.

Haggai 1:8

Tu-in mual tungah kuanto un la, sing sui un. Tua singte tawh biakinn lamkik le uh cin, kei ka lungdam ding a, nong biak ding uh akilawm bangin kei nong bia thei ding uh hi.

Mattiu 5:16

Tua mah bangin, midangte in na gamtatna phate a muh uh ciangin, vantungah a om na Pa uh Pasian’ min a phat nadingun, na khuavak uh mite mai-ah na tangsak un.”

Mattiu 5:44

Ke’n kong cih-inah vantungah a om na Pa uh Pasian’ tate na suah nadingun na galte na it un. Hong bawlsiate ading thu na ngetsak un.

Mattiu 9:8

Mihonte in a muh uh ciangin a lau uh a, hih bang bawl theih nading thu mi tungah a pia Pasian a phat uh hi.

Luka 6:35

Note na hih uh leh, na galte na it un, amaute tungah thupha na bawl un. Na khatpeuh ka ngah ding hi ci-in lamen loin na leitawisak un. Tua bang na hih uh leh, na noptuamna uh lian ding a, Sang Bel Pasian’ tate na hi ding uh hi. Bang hang hiam na cih uh leh, amah in hehpihna a thukkik lo mi leh migilote a hehpih hi.

Johan 13:35

Note khat leh khat na ki-it uh leh, mite khempeuh in note ka nungzuite na hih lam uh a thei ding uh hi,” a ci hi.

Johan 15:5

Keimah in leenggah gui ka hi hi. Note in a hiang na hi uh hi. Keima sungah om a, ama sungah ka om leh, tua mi in tampi a gah thei hi. Bang hang hiam na cih uh leh, kei sungah na om kei uh leh, bangmah na hih thei kei ding uh hi.

Johan 8:31

Tua ahih ciangin Zeisu in amah a um Judah mite kiangah, “Ka thuhilhna na zuih uh leh ka nungzui taktakte na hi ding uh hi.

1 KORIN MASA 10:31

Tua ahih ciangin note in anneek tuidawn akipan na khempeuh na bawl uh ciangin Pasian’ minthan’ nading ngaihsunin na hih un.

1 KORIN MASA 6:20

Bang hang hiam na cih uh leh, man tawh a kilei zo na hi uh hi. Tua ahih ciangin na pumpi sung uhah Pasian na phat un.

Titu 2:5

a khuaval zulhtat loh ding, mi siangtho hi ding, a inn sung khempeuh a keem ding, migi ding, a pasal’ ukna a mang ding, thu a hilh theih nadingun na hilh in.

1 PETER MASA 2:12

Gentailte in gitlohna a bawl mite ci-in note hong kosiat uh hangin Pasian in hong en a, thu a khen ni ciangin na gamtatna uh a pha amaute in a muh uh ciangin Pasian’ min a phat nadingun, amaute mai-ah a kilawm a kituakin na gamta un.

1 PETER MASA 4:11

Pasian in na khempeuhah Topa Zeisu hangin phatna a ngah theih nadingin, mi khatpeuh in thu a hilh leh, Pasian’ thupiak bangin hilh ta hen; mi khatpeuh in na a sep leh, Pasian piak tha bangin sem ta hen. Tua Pasian in a tawntungin minthan’na leh vangliatna nei ta hen. Amen.