Johan 15:7 - Tedim Bible

⁷ Kei sungah na om uh a, ka thu in note sungah a om leh, na ngetpeuh peuh uh na ngah ding uh hi.

Tedim Bible Revision 2017

⁷ Kei tawh na hong kizop uh a, note sungah ka thu a om nakleh na deih peuhpeuh uh hong ngen le-uhcin hong kipia ding hi.

Johan 15:7 Iomraidhean Croise

1 KUMPI MASATE 3:5

Gibeon ah zanin a mang sungah Solomon tungah Topa kilang hi; Pasian in, “Nang kong piak ding hong ngen in,” a ci hi.

JOB (Job) 22:26

Pasian na muang tawntung ding a, na lungdamna bulpi in amah ahih lam na thei ding hi.

JOB (Job) 23:12

Pasian’ thupiakna bangin ka gamta ngitnget a, keima utna zui loin, ama deihna ka zui hi.

Late 119:11

Nang tungah kong khialh loh nadingin ka lungsim sungah nangma thu ka khol hi.

Late 37:4

Topa sungah lungkim in, amah in na lungsim deihna nang hong pia ding hi.

Paunak 10:24

Migilote tungah a kihtaktak uh tung a, mihoihte in a deihdeih uh ngah uh hi.

Paunak 4:4

ka pa in thu hong hilh a, “Ka thugente ciamteh in la mangngilh ngei kei in. Kong gen bangin gamta in, tua hi leh na nungta ding hi.

Isaiah 58:8

Tua ciangin ka maipha pen phalvak tung bangin note tungah hong taang khia ding a, manlang takin na liamnate uh hong dam ding hi. Note dikna na mai uh ah om ding a, note hong honin, na nung uh kong dal ding hi.

Jeremiah 15:16

Na thute in kei hong kem a, an bangin ka ne hi. Na thute kei adingin kipahna leh lungdamna ahi hi. Bang hang hiam cih leh nangma’ min-in kei hong kilo hi, Aw, Topa, a vanglian Pasian aw,

Mattiu 7:7

“Ngen un. Na nget uh leh, hong pia ding hi. Zong un. Na zon’ uh leh, na mu ding uh hi. Kongkhak na kiu un. Na kiuh uh leh, hong hon’ ding hi.

Johan 14:13

Note in keima min suangin thu na nget khempeuh uh Ta tungah Pa’ minthan’na a kilat nadingin ka hih ding hi.

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Johan 16:23

Tua ni ciangin kei kiangah bangmah nong dong kei ding uh hi. Ke’n aman takpi kong cih-inah, note in keima min tawh Pa kiangah thu na nget khempeuh uh a hong pia ding hi.

Johan 8:31

Tua ahih ciangin Zeisu in amah a um Judah mite kiangah, “Ka thuhilhna na zuih uh leh ka nungzui taktakte na hi ding uh hi.

Johan 8:37

Note in Abraham’ suante na hih uh ka thei hi. Ahih hangin, ka thuhilhna in note sungah om nading ngah lo ahih ciangin note in thah dingin kei nong zong uh hi.

Galati 4:2

A pa thuciamna a hun a tun’ matengin amah in a cingte leh a keemte’ khut nuai-ah a om hi.

Galati 5:16

Ke’n kong cihinah, Kha Siangtho hangin na nungta un. Na nuntak uh leh, na si-le-sa uh deihna zui loin na om ding uh hi.

Thu-hilhkikna 6:6

Tu ni-a no kong piak hih thute in na lungsim uhah om ding hi;

Kolose 3:16

Khazih’ thu in pilna apawlpawl tawh note sungah om ta hen. Late-a kipan biakna la leh Kha Siangtho tawh kipawl la apawlpawl tawh note khat leh khat kihilhin, kitai-in, hehpihna thupha lungsim nei-in, Pasian tungah lasa-in phat un.

1 JOHAN MASA 2:14

Pate aw, a cil pan a om mi na theih manunah note kiangah lai kong gelh hi. Tangvalte aw, na thakhauh uh a, note sungah Pasian’ thu om a, a gilopa na zo uh ahih ciangin note kiangah lai kong gelh hi.

1 JOHAN MASA 2:27

Note na hih uh leh, ama khut pan na ngah uh Kha Siangtho sathau nilhna in note sungah kipin a om a, kuamah in note thu hong hilh ding na kisam kei uh hi. Ama’ Kha Siangtho sathau nilhna in note na khempeuh hong hilh a, tua Kha Siangtho sathau nilhna in thuman thutak hi a, thuzuau hi lo ahih ciangin note hong hilh mah bangin ama sungah kipin na om un.

1 JOHAN MASA 3:22

A piak thupiaknate zui-in, amah a lungdamsak ding nate i bawl maninah i ngetna peuhmah ama kiang pan i ngah hi.

1 JOHAN MASA 5:14

Ama mai-ah eite in i ngah lau loh nading thu in, ama deihna bangin na khempeuh thuumin i nget leh, a hong ngaih nading thu ahi hi.