Johan 15:5 - Tedim Bible

⁵ Keimah in leenggah gui ka hi hi. Note in a hiang na hi uh hi. Keima sungah om a, ama sungah ka om leh, tua mi in tampi a gah thei hi. Bang hang hiam na cih uh leh, kei sungah na om kei uh leh, bangmah na hih thei kei ding uh hi.

Tedim Bible Revision 2017

⁵ “Kei pen leenggui ka hi a, note pen a hiang na hi uh hi. Note in kei tawh loin bangmah hih thei lo ding na hih manun kei tawh a kizomte in gah tampi na gah ding uh hi.

Johan 15:5 Iomraidhean Croise

Paunak 11:30

Midikte’ gah in nuntakna singkung hi a, nuntakna Khate a man mi in mipil ahi hi.

Hosea 4:8

Ka mite’ mawhna hangin amaute in hauh lawh uh a, ka mite a mawh semsem uh ut uh hi.

Mattiu 13:21

A thu hangah gimna ahi zongin, bawlsiatna ahi zongin a thuak ciangin, thakhatin a pukte ahi hi.

Johan 12:24

Ke’n aman takpi kong cih-inah, buhhum khat in lei tungah kia-a a sih kei leh, amah bek a om ding hi. Ahih hangin a sih leh, tampi a gah thei ding hi.

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Johan 5:19

Tua ahih ciangin Zeisu in, “Ke’n aman takpi kong cih-inah, Tapa in ama deih bangin a hih thei kei hi. Pa’ hihna a muh bangin a bawl thei hi. Pa in a bawl mah bangin Ta in zong a bawl hi.

Johan 9:33

Hih pa in Pasian kiang pan hong pai kei leh, bangmah a hih thei kei ding hi,” a ci hi.

Sawltak 4:12

Tua mi simloh midang tungah gupna thu a om kei hi. Bang hang hiam na cih uh leh, ama min simloh eite’ gupna ngah nadingin hong kipia mindang khat beek van nuai mite lakah a om kei hi,” ci-in a gen hi.

ROM (Romans) 12:5

a tampi ahi eite in Khazih sungah pum khat bek i hi a, i vekpi-in pumpi’ nate i hi hi.

ROM (Romans) 6:22

Tu-in mawhna’ khut sung pan na suakta uh a, Pasian’ sila suak khin na hih ciangun siangtho nadingin phattuamna na ngah uh a, a tawpna-ah nuntak tawntungna na ngah ding uh hi.

ROM (Romans) 7:4

Tua mah bangin ka ute ka naute aw, note in zong midang a kici sihna pan a thokik mi’ zi na hi uh a, Pasian’ deihna bangin gah na gah nadingun Khazih’ pumpi hangin na si uh a, Thukham tawh na kikhen uh hi.

1 KORIN MASA 10:16

Eite in hehpihna i phatna thupha’ hai in Khazih’ si tawh kizopna hilo ahi hiam? Eite balnen khomun in Khazih’ pumpi tawh kizopna hilo ahi hiam?

1 KORIN MASA 12:12

Pumpi in khat bek hi-in na tampi nei a, tua pumpi khat tungah nate tampi a om napi-in pumpi khat bek a om mah bangin Khazih in ahi hi.

1 KORIN MASA 12:27

Note in Khazih’ pumpi na hi uh hi. Na vekpi-un a nate na hi uh hi.

2 KORIN NIHNA 13:8

Kote in thuman lang khatah bangmah ka hih thei kei uh hi, thuman lamah ka hih thei bek uh hi.

2 KORIN NIHNA 9:10

Khaici vawhte’ khaici ahi zongin, nek theih an ahi zongin a piapa in note vawh ding khaici hong pia a, a khangsak ding a, note dikna’ gahte a tamsak ding hi.

Galati 5:22

Kha Siangtho’ gah in: itna, lungdamna, kilemna, lungduaina, mi hehpihna, gitna, diktatna,

Efesa 5:9

Bang hang hiam na cih uh leh, khuavak’ gah in a hoihna khempeuh, dikna khempeuh, thuman thutak ahi hi.

Filippi 4:13

Hong thahatsakpa Khazih hangin na khempeuh ka hih thei hi.

Filippi 4:17

Tua bang ka cih ciangin huhna sumpi a zong ka hi hi, a ci ka hi kei hi. Note ading a gah a khan’na bek ka zong hi.

Kolose 1:10

Ka thungetna un: note in gamtat hoihna apawlpawl ahi gah gahin, Pasian theihna pilna khan’ tohna nei-in ahi zongin, lungdamna tawh na khempeuh thuakin lungduai nadingin ama minthan’na, vangliatna bangin,

Kolose 1:6

Tua thu in leitung khempeuh ah a kizelh khit mah bangin, note kiangah zong hong tung zo hi; note’ sungah hih Lungdamna Thu in a gah gahin, a khan’ toh mah bangin mi khempeuh tungah zong a piang thei hi.

Jeim 1:17

A pha a kicing hong piak thupha a om khempeuh in khuavakna’ Pa kiang vantung panin hong pai uh hi. Tua pa in kikheel lo tham loin, kihei-in a lim zong a kiasak kei hi.

1 PETER MASA 2:4

Mite in a nilkhiat hangin Pasian’ teel nuntakna suangpi ahi, tua Topa kiangah pai-in,

2 PETER NIHNA 3:18

Hehpihna thupha ah ahi zongin, i Topa leh Honpa Zeisu Khazih theihtelna ah ahi zongin na khangto un. Tua Topa tungah tu-a kipan a tawntungin minthan’na om ta hen. Amen.