Johan 15:24 - Tedim Bible

²⁴ Midangte in a bawl ngei loh nalamdangte amaute lakah bawl lo hi leng, mawhna a nei kei ding uh hi. Ahih hangin tu-in amaute in hih nalamdangte mu khin napi-in kei leh ka Pa hong mudah veve uh hi.

Tedim Bible Revision 2017

²⁴ Kuamah in a bawl ngei loh nalamdangte amaute lakah a bawl lo hi leng amaute in mawh pua lo ding uh hi. Ahi zongin amaute in ka nalamdang bawlte mu khin uh ahih manin kei le ka Pa a hong mudah khawm uh ahi hi.

Johan 15:24 Iomraidhean Croise

Late 81:15

Topa a mudahte in amah mai-et ding a, amaute’ dantuahna, kip paisuak ding hi.

Paikhiatna 20:5

amaute' mai-ah kun loin, amaute na bia kei ding hi; bang hang hiam cih leh keimah Topa na Pasian in a aam Pasian ka hi a, kei hong mudahte' tungah pate’ mawhna tate tungah khang thum khang lina dongin thukin,

Paunak 8:36

Ahi zongin kei hong mu lopa in amahmah a kisusia hi a, kei hong mudah peuhmah, a si nuam ahi hi,” hong ci hi.

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Mattiu 21:32

Bang hang hiam cih leh, Johan in thuman lam tawh na kiang uhah hong pai hangin, ama thu na um kei uh hi. Siahdongte leh numei gilote in ama thu a um uh hi. Note in tua thu na muh uh ciangin, Johan’ thu um dingin na kisik kei uh hi,” ci-in a gen hi.

Mattiu 9:33

Zeisu in dawi a hawlkhiat leh, pau theilopa in kam a gen thei pah hi. Mihonte in lamdang a sa uh a, “Israel pawlte sungah hih bang thu kimu ngei lo hi,” a ci uh hi.

Marka 2:12

Amah thoin thakhatin a lupna pua a, amau khempeuh mai pan a paikhia hi. Tuate khempeuh in lamdang a sa uh a, “Hih bang khatvei beek ka mu ngei kei uh hi,” ci-in Pasian a phat uh hi.

Luka 24:19

Zeisu in, “Bang thu ahi hiam?” ci-a a dot leh, tua pa in, “Nazareth mi Zeisu’ thu ahi hi. Tua pa in Pasian mai-ah ahi zongin, mite mai-ah ahi zongin, kam siamna leh khut siamna tawh a dim kamsangpa ahi hi.

Johan 10:32

Zeisu in, “Pasian kiang pan ka ngah thupha tampi kong lak zo hi. Tua thu lakah bang thu hangin suang tawh deeng dingin hong kipan na hi uh hiam?” ci-in a dong hi.

Johan 10:37

Kei in ka Pa’ ut bangin ka gamtat kei leh, hong um kei un.

Johan 12:10

Ahih hangin siampi liante in Lazaras zong thah dingin a vaihawm uh hi.

Johan 12:45

Kei hong sawlpa zong a um hi. Kei hong mu mi in kei hong sawlpa zong a mu hi.

Johan 14:9

Zeisu in, “Filip aw, kei in note tawh hih tanvei ka omkhawm hangin hong thei lo na hi hiam? Kei hong mu mi in Pa zong a mu zo hi. ‘Pa hong lak in,’ bang hangin na ci hiam?

Johan 15:21

Amau in kei hong sawlpa thei lo uh ahih ciangin, ka min hangin tua thu khempeuh no tungah hong bawl ding uh hi.

Johan 15:22

Kei hong pai loin amau kiangah thu hilh lo hi leng, amaute in mawhna a nei kei ding uh hi. Tu-in ahih leh, amau mawhna pan suahtak theih nading a nei kei uh hi.

Johan 15:23

Kei hong mudah mi in ka Pa zong a mudah hi.

Johan 16:9

Amau in kei hong um lo uh ahih ciangin, a mawhna uh a pulak ding hi.

Johan 3:2

Tua pa zan lai takin Zeisu kiangah pai a, “Rabbi aw, nangmah in Pasian kiang pan hong pai thuhilhpa na hi cih kote in ka thei uh hi. Bang hang hiam na cih leh, na bawl nalamdangte Pasian in nangmah tawh a omkhawm kei leh, kuamah in a bawl thei kei ding hi,” a ci hi.

Johan 5:36

Ahih hangin Johan’ teci pan’na sangin teci pan’na a lianzaw ka nei hi. Bang ahi hiam na cih uh leh, nasepna ka zawh nading ka Pa in hong piak tu-a ka sepna thute in, Pa in kei hong sawl ahihna thu keima ading teci hong pang uh hi.

Johan 6:36

Ahih hangin note in kei hong mu napi-in nong um kei uh hi kong ci zo hi.

Johan 7:31

Mihonpi lakah mi tampite in amah um uh a, “Khazih hong pai ciangin hih pa’ lah sangin nalamdang zaw a lak ding hiam?” a ci uh hi.

Johan 9:32

Lei piancil akipanin kuamah in suahpih mittaw khua a musak kik hi ci-in a kiza ngei kei hi.

Johan 9:41

Zeisu in, “Note mittaw na hih uh leh, mawhna na nei kei ding uh hi. Ahih hangin ‘Khua ka mu uh hi,’ ci na hih uh ciangin na mawhna uh a om lai hi,” ci-in a gen hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Sawltak 2:22

“No Israel mite aw, hih thu na ngai ta un. No na theih uh mah bangin Pasian in Nazareth mi Zeisu tungah vangliatnate leh nalamdangte leh lungman’nate, note lakah hong hih theihna tawh Pasian in note kiangah tua Zeisu a dik hi ci-in a lak hi.

ROM (Romans) 1:30

Amaute in mi gendai thei mi, hangsan mi, Pasian mudah mi, kheltat mi, kisathei mi, kiphasak mi, mi’ gitlohna a piangsak mi, a nute a pate’ thu a ngai lo mi,

Thu-hilhkikna 5:9

amaute mai-ah kun loin, amau’na na sem kei ding hi; bang hang hiam cih leh keimah Topa na Pasian in a aam Pasian ka hi a, kei hong mudahte tungah a pate’ mawhna a tate tungah khang thum khang lina dongin thuk-in,

2 TIMOTI NIHNA 3:4

thuciam a siasak mi, thuhilh a ngai nuam lo mi, kisaktheihna tawh a hai thei mi, Pasian sangin leitung nopsakna a it zaw mi,

Jeim 4:4

Apangtatte aw, leitung tawh kipawlna in Pasian tawh kilem lohna ahih lam thei lo na hi uh hiam? Tua ahih leh, leitung tawh a kipawl mi peuhmah in Pasian’ gal a suak hi.