Johan 15:22 - Tedim Bible

²² Kei hong pai loin amau kiangah thu hilh lo hi leng, amaute in mawhna a nei kei ding uh hi. Tu-in ahih leh, amau mawhna pan suahtak theih nading a nei kei uh hi.

Tedim Bible Revision 2017

²² Kei hong pai kei-in amaute tungah thu a gen lo hi leng amaute in mawh pua lo ding uh hi. Ahi zongin tu-in ahihleh a mawhna thu uh ah kiphel nading a paulap ding uh bangmah om nawn lo hi.

Johan 15:22 Iomraidhean Croise

Ezekiel 2:5

Amaute in nangma thu hong mang a, hong mang kei zongin, amaute lakah kamsang khat a om khit lam tak thei ding uh hi.

Luka 12:46

a lamet loh ni leh a theih loh kalin a topa hong tung ding a, tua nasempa vua-in, a diktat lote tawh a omkhawm sak ding hi.”

Johan 12:48

Kei hong nolh a, ka thu a ngai lo mi in thukhen ding mi khat a nei hi. Ka hilhna thu in ni tawp Ni ciangin tua mi tungah thu a khen ding hi.

Johan 15:23

Kei hong mudah mi in ka Pa zong a mudah hi.

Johan 15:24

Midangte in a bawl ngei loh nalamdangte amaute lakah bawl lo hi leng, mawhna a nei kei ding uh hi. Ahih hangin tu-in amaute in hih nalamdangte mu khin napi-in kei leh ka Pa hong mudah veve uh hi.

Johan 16:9

Amau in kei hong um lo uh ahih ciangin, a mawhna uh a pulak ding hi.

Johan 19:11

Zeisu in, “Tung lam pan thu na ngah kei leh, kei tungah bangmah na hih thei kei ding hi. Tua ahih ciangin nangma khut sungah kei a hong piapa in khialhna golzaw a nei hi,” ci-in a thuk hi.

Johan 9:41

Zeisu in, “Note mittaw na hih uh leh, mawhna na nei kei ding uh hi. Ahih hangin ‘Khua ka mu uh hi,’ ci na hih uh ciangin na mawhna uh a om lai hi,” ci-in a gen hi.

Sawltak 17:30

Pasian in mihingte’ theih nai loh hun bang mahin a sim loh hangin tu-in amau mawhna kisik kik nadingun mun khempeuh mite kiangah thu a pia zo hi.

ROM (Romans) 1:20

Bang hang hiam na cih uh leh, ama tawntung vangliatna leh siangthona ahi, mit tawh kimu thei lo nate, lei apian’cil a kipan kilangin a kimu hi. Tua ahih ciangin amaute in a kisuahtak thei kei ding uh hi.

ROM (Romans) 2:1

Tua ahih ciangin midangte thukhenpa aw, na kisuahtak thei kei ding hi. Bang hang hiam na cih leh, midangte tungah thu na khen bangin nangmah in na hih ahih ciangin midangte thu na khenna in nangma mawhna om hi cih thukhen na suak hi.

Jeim 4:17

Tua ahih ciangin gamtatna hoih thei napi-in a gamta lo mi tungah mawhna a om hi.

1 PETER MASA 2:16

To neilo na hih uh hangin to nei lo na hihna uh tawh gitlohna a seel mite bangin na gamta kei un; Pasian’ sila bangin na gamta un.