Johan 15:21 - Tedim Bible

²¹ Amau in kei hong sawlpa thei lo uh ahih ciangin, ka min hangin tua thu khempeuh no tungah hong bawl ding uh hi.

Tedim Bible Revision 2017

²¹ Ahi zongin amaute in kei hong sawl pa thei lo uh ahih manin keima mi na hihna uh hangin amaute in hih bangin hong bawl ding uh ahi hi.

Johan 15:21 Iomraidhean Croise

Late 69:7

Bang hang hiam cih leh nangma hangin kona ka thuak a, maizumna in ka maitang hong tuam khin hi.

Isaiah 66:5

Ama thu ah lau-in a liing mite aw, Topa’ thu za un: Kei tungah note nong cihtakna hangun na mipihte pawlkhat un note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

Mattiu 10:18

Tuate akipan Gentailte mai-ah teci-in na pan’ nadingun, mangte leh kumpite mai-ah keima hangin note hong paipih ding uh hi.

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

Mattiu 10:39

Ama nuntakna a ngahte in, a nuntakna a mangthang ding hi. Keimah hanga nuntakna a mangsakte in, nuntakna a ngah ding uh hi.”

Mattiu 24:9

“Tua ciangin amaute in note hong bawlsiat nadingun hong pia ding uh a, hong that ding uh hi. Keima min hangin mi khempeuh in note hong mudah ding uh hi.

Mattiu 5:11

Kei hanga note in gensiatna, bawlsiatna, ahi lo kimawhsakna na thuak uh leh, thupha na ngah ding uh hi.

Marka 13:13

Keima min hangin mi khempeuh in note hong mudah ding uh hi. A tawp dongin a thuak zote in gupna a ngah ding uh hi.”

Luka 21:12

Tua thu khempeuh a pian’ ma-in, keima min hangin amaute in hong man ding uh a, kikhopna inn sung leh thong sungah hong pia ding uh a; kumpite leh mangpite mai-ah hong paipih ding uh a, hong bawlsia ding uh hi.

Luka 21:17

Keima min hangin mi khempeuh in note hong mudah ding uh hi.

Luka 6:22

Mite in Mihing Tapa hangin note muhdah uh a, hong hawlkhiat uh a, hong kosiat uh a, na min uh hong siatsak ciangin, thupha na ngah ding uh hi.

Johan 15:24

Midangte in a bawl ngei loh nalamdangte amaute lakah bawl lo hi leng, mawhna a nei kei ding uh hi. Ahih hangin tu-in amaute in hih nalamdangte mu khin napi-in kei leh ka Pa hong mudah veve uh hi.

Johan 16:3

Amaute in ka Pa thei loin kei zong hong thei lo uh ahih ciangin, tua thu a bawl ding uh hi.

Johan 17:25

A siangtho ka Pa aw, leitung mite in nang a hong theih loh uh hangin, kei in kong thei hi. Hih mite in kei nong sawlpa ka hihna a thei uh hi.

Johan 8:19

Tua hi-a amaute in, “Na Pa koi lai-ah om hiam?” ci-a a dot uh ciangin Zeisu in, “Note in kei nong theih kei uh leh, ka Pa zong na thei kei ding uh hi. Kei nong theih uh leh, ka Pa zong na thei ding uh hi,” a ci kik hi.

Johan 8:54

Zeisu in, “Keima minthan’na kong lah leh, ka minthan’na a mawkna ahi ding hi. Ka min a thangsakpa in ka Pa ahi hi. Tua Pa in, ‘Kote Pasian ahi hi,’ na cihpa uh ahi hi.

Johan 8:55

Note in tua Pasian na thei kei uh hi. Ahih hangin ke’n ahih leh, ka thei hi. Ka thei kei hi ci leng, note bangin zuauthu gen ka hi ding hi. Ahih hangin tua Pasian thei-in ama thu ka ngai hi.

Sawltak 17:23

Bang hang hiam na cih uh leh, lampi-ah ka pai lai takin, na biaknate uh ka et ciangin, ‘Kithei-lo Pasian Ading,’ ci-a kigelh biakna tau khat ka mu hi. Note in na theih lohpi uh a, na biak uh Pasian’ thu kong hilh ding hi.

Sawltak 26:9

“Nazareth khua mi Zeisu’ min langpanin ahi thei zahzaha sep ding mah hi ci-in ka kizo khin a,

Sawltak 3:17

“Tu-in ute naute aw, note akipan no hong ukte in thei loin ahih uh ka thei hi.

Sawltak 4:17

Ahih hangin mite lakah a kizelh semsem loh nadingin tu nung ciangin tua min tawh kuama kiangah thu hilh nawn lo dingin amaute tawngin thu pia ni,” ci-in khat le khat a kikum uh hi.

Sawltak 5:41

Tua ciangin sawltakte in Zeisu’ min hanga zumhuaina thuak dinga kilawm a kisak manun ah lungdamin, upa vaihawmna pan a paikhia uh hi.

Sawltak 9:14

Hi san takah zong na min tawh thungen khempeuh khau tawh hen nadingin siampi liante kiangah thu a ngah hi,” a ci hi.

Sawltak 9:16

Keima min hangah bangzah takin a thuak nading ke’n ka lak ding hi,” ci-in a gen hi.

ROM (Romans) 1:28

Amaute in Pasian thei nuam lo uh ahih ciangin a kituak lo nate ahih nading Pasian in amaute gitlohna lungsim sungah a piak mah bangin,

1 KORIN MASA 15:34

Note kimkhat in Pasian kitheih mawhbawl na hih uh ciangin kilehkik un, mawhna hih nawn kei un – tua bang ka cih ciangin note zum nadingin kong ci hi.

1 KORIN MASA 2:8

Tua pilna pen leitung ukte khat beek in a thei kei uh hi. Thei uh hi leh, minthan’na Topa singlamteh tungah a that kei ding uh hi.

1 JOHAN MASA 3:1

Eite in Pasian’ tate cihna i ngah nadingin Pa in eite tungah bang zah itna hong pia hiam ci-in ngaihsun un. Eite in tate taktak i hi hi. Tua hangin leitungmite in amah a theih loh manunah eite zong hong thei kei uh hi.

3 JOHAN THUMNA 1:7

Bang hang hiam na cih leh, amaute in Topa’ min hangin Gentailte lakah huhna la loin a pai uh hi.

Mangmuhna 2:3

nang in thuakzawhna nei-in ka min hangin zong, gim lo cim loin na thuak thu ahi zongin ka thei hi.