Johan 15:2 - Tedim Bible

² Kei tungah a gahlo hiangte khempeuh a sattan ding hi. A gah thei hiang khempeuh in a gah semsem nadingin a hahsiang ding hi.

Tedim Bible Revision 2017

² Amah in gah a nei lo ka hiang khempeuh sat khia a, gah a nei hiangte ahihleh a gah semsem theih nadingin a puah hi.

Johan 15:2 Iomraidhean Croise

JOB (Job) 17:9

Mite’ zahtak-a kinei mite in, amau’ ngaihsutna man sa semsem uh hi. Thuman sem mite in thahat semsem ding hi.

Late 92:14

Topa thutang hi ci-a a lah nadingin amaute teek napi-in gah lailai uh a, amaute tui kiuhkeuh-in hing sitset uh hi; amah ka Suangpi hi a, ama sungah thuman lohna om lo hi.

Paunak 4:18

Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

Isaiah 27:9

Amah in suang tawh kibawl biakna tau khempeuh suangkang satvui a bat sak ciangin Asherah milimte leh paknamtui taute a ding lai om nawn lo hi; hih thu hangin Jakob’ mawhna kimaisakin, a mawhna kilakkhiat sak hi.

Isaiah 29:19

Lungniamkhiat mite in Topa sungah lungdamna thak ngah ding uh a, Israelte’ Siangtho Pa’ sungah mizawngte lungdam ding uh hi.

Daniel 11:35

Mi pawlkhat in thahna a thuak ding uh hi. Tua banga a pian’na thu in, beina a tun’ mateng sian’tho sakna leh mipha leh misia khentelna, Pasian’ sehsa hun a tun’na ahi hi.

Hosea 6:3

Topa i theih zawh nadingin hanciam ni. Zingsang sialin pel loin khua a vak mah bangin pel loin eite kiangah amah hong pai ding a, lei a kawtsak khuapi guah a pelh loin hong zuk bangin eite kiangah amah hong pai hamtang ding hi,” a ci ding uh hi.

Malakhi 3:3

A ninte kangtumsakin, ngunte a siangsakpa bangin thukhen dingin hong pai ding hi. Ngun leh khamte a kisian’sak bangin amah in Levi’ suan-le-khak ahi siampite siangsak ding hi. Tua ciangin Topa tungah a kilawm biakna pia ding uh hi.

Mattiu 13:12

A neite kipia beh ding a, a hauzaw ding hi. A neilote kiang pan a neihsa nangawn kilakhia ding hi.

Mattiu 13:33

Thugentehna adang a geninah, “Vantung Gam in numei khat in buhnel seeng thum a tawk khit matengin a sawh, silngo tawh kibang hi,” a ci hi.

Mattiu 15:13

Zeisu in, “Vantungah a om ka Pa in a suan loh kung khempeuh kibotkhia ding hi.

Mattiu 21:19

Lampi geiah theikung khat a muh ciangin a kiangah a va pai leh, a teh longal bangmah a mu kei hi. Zeisu in, “Tu-a kipan gah loin om tawntung in,” a cih ciangin theikung dinggaw pah hi.

Mattiu 25:29

Bang hang hiam na cih uh leh, a neite khempeuh kipiak beh ding a, a hau ding hi. A nei lote kiang pan a neihsa nangawn kilakhia ding hi.

Mattiu 3:10

Tu-in zong sing phungah hei a om hi. A gah hoihte a gah lo kung khempeuh phuk paii-in mei sungah kikhul ding hi.

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Mattiu 7:19

A gah hoih lo kung khempeuh kiphuk tan a, mei sungah kikhul ding hi.

Marka 4:20

Lei hoihna ah a kiate in thu a zak uh ciangin mang uh a, a zah sawmthum, a zah sawmguk, a zah zakhat a gah thei ahi uh hi,” a ci hi.

Luka 8:13

Suang lakah a kiate in, thu a zak ciangin lungdamin a mang pahte ahi uh hi. Amaute in zung kip nei lo uh a, tawlkhat kikal a up uh hangin khemna a thuak uh ciangin a tawp kik uh hi.

Johan 15:1

“Keimah in leenggah gui ka hi a, ka Pa in leenggah gui locingpa ahi hi.

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Johan 15:3

Ka thuhilhna hangin note tu-in na siangtho uh hi.

Johan 15:6

Kei sungah a om lote in a kipaiikhia hiangte bangin a kikeusak hi. Tua ciangin mite in khawm uh a, mei sungah khulin mei in a kangtum hi.

Johan 15:8

Note in tampi na gah uh leh, ka Pa’ minthan’na na kilangsak ding uh a, note in ka nungzuite na hi takpi ding uh hi.

Johan 17:12

Amaute tawh ka omkhawm lai takin nong piaksa mite nangma min tawh ka kipsak zo a; amaute ka kem zo hi. Lai Siangtho a tun’ nadingin, amaute lakah kisiatna’ tapa khat longal kuamah a kisia kei hi.

ROM (Romans) 11:17

A hiang kimkhat in a kitan khit ciangin gamlak oliv hiang ahi nangmah in, amau pum tungah pehin kibulh a, hiangte tawh kibangin oliv sing thazung tui zomin na neek leh,

ROM (Romans) 11:22

Tua ahih ciangin a puk mite tungah a thukhenna ahi zongin, ama hehpihna sungah na kip leh, nangmah tungah Pasian’ hehpihna ahi zongin, hih thu nih na ngaihsun in. Ama hehpihna sungah na kip kei leh, phuk tanna na thuak ding hi.

ROM (Romans) 8:28

Pasian a it mite ahi uh, a geelna banga a sap mite adingin na khempeuh in hoih nadingin a piang uh hi cih i thei hi.

1 KORIN MASA 13:1

Keimah in leitungmite’ kam ahi zongin, vantungmite’ kam ahi zongin ka gen theih hangin itna ka neih kei leh, a ging thei dak, a ging thei daltuah tawh kibang ka hi ding hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Hebru 12:15

Note lakah khatpeuh mah in Pasian’ hehpihna thupha ngah loin a om loh nading ahi zongin, a kha kung a zung poin, note hong bawlsia-in mi tampi hong ninsak ding ahi zongin,

1 JOHAN MASA 2:19

Tua mite in eite kiang pan a paikhiat uh hangin nidang lai-inah eite tawh a kipawl kei uh hi. Bang hang hiam na cih uh leh, eite tawh kipawl uh hi leh, eite tawh a omkhawm ding uh hi. Tua mite in eite tawh a kipawl loh thu a kilat nading eite kiang pan a paikhia uh hi.

Mangmuhna 3:19

Ka it khempeuhte a mawhna uh lakin ka hilh thei hi. Tua ahih ciangin lungsim citak-in kisikkik in.