Johan 15:16 - Tedim Bible

¹⁶ Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Tedim Bible Revision 2017

¹⁶ Note in kei na hong teel kei uh a, ahi zongin keimah in note ka hong teel a, note va pai-in a kimang tawntung ding gah a gah dingin ka hong seh hi. Tua ahih manin keima min suangin Pa kiangah na nget peuhpeuh uh hong pia ding hi.

Johan 15:16 Iomraidhean Croise

Piancilna 18:18

Topa in a lungsimah, “Abraham a lian a thahat minam suakin, leitung minam khempeuh in ama' tung tawnin thupha ngah ahih manin, tu-a ka hih ding thu Abraham’ tungah im ding ka hi hiam?

Late 145:4

A khang a khangin nangma nasepnate kiphatphat ding a, a vanglian na bawl nate kigengen ding hi.

Late 71:18

Tua ahih ciangin Pasian aw, hong piang lai ding mite khempeuh tungah nangma hatna ka gen khit matengin, teek-a ka sam a kaan’ hun ciang dong nangawn-in kei hong nusia kei in.

Paunak 11:30

Midikte’ gah in nuntakna singkung hi a, nuntakna Khate a man mi in mipil ahi hi.

Isaiah 27:6

Hong pai ding hunte sungah Jakob in zung kha ding a, Israel palhin dawnkhia ding a, leitung khempeuh gah tawh dimsak ding hi.

Micah 5:7

Tua ciangin a om lai Israel mite pen, Topa in minam tampite’ adingin a piak, zing daitui, lopate a khangsak guahtui bang ding uh hi. Amaute in mihing muanin nei loin Pasian bek muang ding uh hi.

Mattiu 21:22

Upna tawh thu na nget uh leh, na nget khempeuh uh na ngah ding uh hi,” a ci hi.

Mattiu 7:7

“Ngen un. Na nget uh leh, hong pia ding hi. Zong un. Na zon’ uh leh, na mu ding uh hi. Kongkhak na kiu un. Na kiuh uh leh, hong hon’ ding hi.

Luka 6:13

Khua a vak ciangin a nungzuite sam a, Sawm-le-nihte teelin, ‘Sawltakte’ ci-in a phuak hi.

Johan 13:18

Note khempeuh kong ci nuam kei hi. Ka teel mite ka thei hi. ‘Keima an a ne mi in a khetul tawh hong peek hi,” ci-a Lai Siangtho thu a tun’ nading ahi hi.

Johan 15:19

Note in leitung mite tawh na kipawl uh leh, leitung mite in amau mipawl note hong it ding uh hi. Ahih hangin leitung mite lak pan note kong teelkhia hi; leitung mite tawh na kipawl kei uh a, tua ahih ciangin leitung mite in no hong mudah uh hi.

Johan 15:5

Keimah in leenggah gui ka hi hi. Note in a hiang na hi uh hi. Keima sungah om a, ama sungah ka om leh, tua mi in tampi a gah thei hi. Bang hang hiam na cih uh leh, kei sungah na om kei uh leh, bangmah na hih thei kei ding uh hi.

Johan 6:70

Zeisu in, “sawm-le-nihte hong teel hilo ka hi hiam? Ahih hangin note lakah khat in dawi hilo ahi hiam?” a ci hi.

Sawltak 1:24

“Mi khempeuh’ lungsim a thei Topa aw,

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Sawltak 10:41

mi khempeuh’ mai hi lo, Pasian’ teel kholhsa a teci, kote bek mai-ah hong kilat nadingin thu a pia hi. Sihna pan a thawhkik khit ciangin amah tawh an ka nekhawm uh hi.

Sawltak 22:14

Amah in zong, ‘I pu i pate’ Pasian in ama deihna na theih ding ahi zongin, ama Mi Siangtho na muh ding ahi zongin, ama kam sung pan aw na zak ding ahi zongin, nangmah hong koih zo hi.

Sawltak 9:15

Topa in, “Pai ta in. Bang hang hiam na cih leh, amah in Gentailte mai-ah ahi zongin, kumpite mai-ah ahi zongin, Israelte mai-ah ahi zongin, ka min a puak dingin ka teelsa beel ahi hi.

ROM (Romans) 1:13

Ute naute aw, Gentail adangte lakah gah ka ngah mah bangin nomau lakah zong ka ngah nadingin nomau kiangah pai ning ci-in tamveipi ka hanciam ci-in note in na theih loh ding uh ka deih kei hi. Ahih hangin tu dongin, hong kham a om hi.

ROM (Romans) 15:4

Eite in Lai Siangtho pan i ngah thuakzawhna leh hehnepna hangah lawpna i neih nadingin, Lai Siangtho-ah nidang lai-a a kigelhsa thu in eite hong thu hilhna-in a kigelh hi.

ROM (Romans) 9:21

Beel seekpa in beel lei uk hilo ahi hiam? Beel lei lom khat tawh beel manpha ahi zongin, beel manpha lo ahi zongin bawl thei hilo ahi hiam?

1 KORIN MASA 10:11

Tua thu khempeuh in limlahna ahih nadingin tuate tungah a na tung hi. Leitung khang a nunung bela piang eite hong kihilh nadingin a kigelh hi.

Galati 1:15

Ahih hangin ka nu’ gil sung pan hong teelkhia a, ama hehpihna thupha tawh hong sam Pasian in,

Efesa 2:10

Bang hang hiam na cih uh leh, eite in gamtat hoih i gamtat nadingin Khazih Zeisu sungah a pian’sak ama bawlsa i hi hi. Tua gamtatna pha eite in i gamtat nadingin Pasian in tua gamtatna a na siam khol zo hi.

Kolose 1:6

Tua thu in leitung khempeuh ah a kizelh khit mah bangin, note kiangah zong hong tung zo hi; note’ sungah hih Lungdamna Thu in a gah gahin, a khan’ toh mah bangin mi khempeuh tungah zong a piang thei hi.

1 TIMOTI MASA 2:7

Keimah in tua teci pang mi za-ah ahi zongin, sawltak za-ah ahi zongin, upna thu leh thuman thutak thu Gentailte kiangah a hilh za-ah ahi zongin hong koih hi, ka cih ciangin thuzuau ka gen kei hi, thuman thutak ka gen hi.

2 TIMOTI NIHNA 1:11

Tua thu hilh ding za-ah ahi zongin, sawltak za-ah ahi zongin, laihilh za-ah ahi zongin kei hong koih zo hi.

2 TIMOTI NIHNA 2:2

Teci tampi mai-ah keima kiang pan na zaksa nate, dikna tawh dimin midangte a hilhsawn thei ding mite’ tungah na ap in.

Titu 1:5

Keimah in nang kong vaikhak mah bangin Krete gamah a kisam lai nate vaihawm kikin, khua khempeuh ah pawlpi upa koih nading tua gamah nang kong nusia zo hi.

Hebru 11:4

Abel in Kain’ biakna sangin a hoihzaw biakna, upna tawh Pasian a bia hi. Tua ahih ciangin dik hi ci-in teci pan’na a ngah hi. Bang hang hiam na cih uh leh, ama piaknate Pasian in a sang hi. Tua ahih ciangin Abel in a si napi-in a upna hangin thu a hilh lai hi.

Jeim 3:18

Kilemna a piangsak thei mite ading dikna thu khaici kilemna tawh kivawhin a om hi.

1 PETER MASA 3:15

Na lungsim sung uhah Khazih in Topa ahi ci-in zahtakna nei un. Note’ lametna thu hong dong mi khempeuh kiangah lungnemna tawh, thusimna lungsim tawh na genkik theih nadingun, a kigingsa-in om tawntung un.

1 JOHAN MASA 4:10

Eite in Pasian i itna hang hi lo hi, Pasian in eite hong it a, eite mawhna hong tat nadingin ama Tapa hong sawlna ah itna hong kilang hi.

1 JOHAN MASA 4:19

Pasian in eite hong it masak maninah eite in amah i it hi.