Johan 15:15 - Tedim Bible

¹⁵ Tu-a kipanin note sila kong ci nawn kei ding hi. Bang hang hiam na cih uh leh, silate in a topa bawlna thu a thei kei uh hi. Lawmte kong ci ding hi. Bang hang hiam na cih uh leh, ka Pa kiangah thu ka zakte no kong theisak zo hi.

Tedim Bible Revision 2017

¹⁵ Nasemte in a toteʼ nasepna bangmah thei lo ahih manin note pen nasemte ka hong ci nawn kei ding hi. Ka Paʼ tung panin ka zak thu khempeuh note kiangah hong gen khin ka hih manin note, lawm, ka hong ci zaw ding hi.

Johan 15:15 Iomraidhean Croise

Late 25:14

Topa tawh kilawmtatna in amah a zahtakte’ ading hi a, a thuciamna amau tungah kitheithang sak hi.

Paunak 18:24

Lawm pawlkhatte, sauvei kimang lo a, lawm pawlkhatte, sanggam sangin kipzaw hi.

Amos 3:7

Topa Pasian in ama nasem kamsangte tungah, ama geelna theisak lopi-in bangmah hih het lo hi.

Mattiu 13:11

Zeisu in, “Note in Vantung Gam thu theih hakte na theih nadingun thu hong pia hi. Amaute ahih uh leh, a theih nadingun thu kipia lo hi.

Luka 10:23

Zeisu in a nungzuite lamah kihei a, “No na muh nate a mu mittangte in thupha a ngah ding uh hi.

Johan 12:26

Ka na hong semte in ka nung hong zui ta hen. Keima omna munah ka nasemte zong a om ding hi. Ka na hong semte Pa in a pahtawi ding hi.”

Johan 13:16

Ke’n aman takpi kong cih-inah, sila in a topa sangin a lianzaw kei hi. Sawltak in a sawlpa sangin a lianzaw kei hi.

Johan 15:20

‘Sila in a topa sangin lianzaw kei,’ ci-in ka gensa thu na ngaihsun un. Amau in kei hong bawlsia uh ahih manin note zong hong bawlsia ding uh hi. Amau in kei thu zui le-uh, note thu zong a zui ding uh hi.

Johan 16:12

“Note kiangah gen ding thu tampi a om hangin tu-in na sang zo kei ding uh hi.

Johan 17:26

Kei nong it bang itna amaute sungah om a, keimah in amaute sungah ka om nadingin, nangma min amaute kiangah ka lak zo a, ka lak lai ding hi,” ci-in thu a ngen hi.

Johan 20:17

Zeisu in, “Hong len kei in. Bang hang hiam na cih leh, ka Pa kiangah ka kahto nai kei hi. Ka sanggamte kiangah pai in la, ‘Ka Pa ahi note’ Pa, ka Pasian ahi note’ Pasian kiangah ka kahto ding hi,’ ci-in amaute kiangah va gen in,” ci-in a sawl hi.

Johan 4:19

Numei in, “Topa aw, nangmah in Pasian’ kamsangpa na hih lam ka thei hi.

Johan 8:26

Note tungah gen ding leh khen ding thu tampi ka nei hi; ahih hangin kei hong sawlpa in thumanpa ahi hi. Ama kiang pan ka zak bang bekin leitung mite kiangah ka hilh hi,” a ci hi.

Sawltak 20:27

Bang hang hiam na cih uh leh, Pasian’ thu buppi note kiangah gen dingin ka pelh kei hi.

ROM (Romans) 7:15

Bang hang hiam na cih uh leh, ka gamtatna ka thei kei hi. Ka gamtat nop bangin ka gamta kei hi. Ka muhdah gamtatna ka hih hi.

1 KORIN MASA 2:16

Topa a hilh dingin ama lungsim a thei kua ahi hiam? Eite in ahih leh, Khazih’ lungsim i nei hi.

Galati 4:6

Tua bangin note in tate na suak uh ahih ciangin,“Abba, Pa,” cisakin a Tapa’ Kha Siangtho eite lungsim sungah Pasian in hong sawl hi.

Efesa 1:9

Pasian in a ngimsa bangin hih a, Khazih hanga a sepsawm a sehsa thuthuk eite hong thei sak hi.

Efesa 3:5

Tua thuthukte in a siangtho sawltakte leh Pasian’ kamsangte kiangah tu lai taka Kha Siangtho hangin a kilat mah bangin, nidang lai-inah mihingte kiangah a kilang ngei kei hi.

Filemon 1:16

Tua bang ka cih ciangin sila bangin ngaihsun nawn loin, tham loin kei in ka it taktak ka nau hi a, nang adingin pumpi sungah ahi zongin, Pasian sungah ahi zongin bang zahin a it huai semsem naupa bangin na ngaihsut nading ka cihnopna hi.

Jeim 1:1

Pasian leh Topa Zeisu Khazih’ sila ahi keimah Jeim in mun khempeuh ah kikhen thangin a om, pawl sawm leh pawl nihte kong hopih hi.

Jeim 2:23

‘Abraham in Pasian um a, ama upna in amah adingin dikna-in kiciamteh hi,’ ci-in a genna a kicing tham loin, ‘Pasian’ lawmpa,’ hi,’ cihna zong a ngah hi.

1 PETER MASA 1:11

Khazih’ thuak gimnate ahi zongin, tua gimna a thuak khit ciangin a kilang ding minthan’na ahi zongin, amaute sungah a om Khazih’ Kha Siangtho in teci a pan’ kholh ciangin a bang ci, a bang hun a cihnopna ci-in a zong uh hi.

2 PETER NIHNA 1:1

Zeisu Khazih’ sila leh sawltak keimah Simon Piter in, eite Pasian leh Honpa Zeisu Khazih’ dikna hangin kote thu-up bangin a manpha upna a ngah mite ka hong zasak hi.

Juda 1:1

Zeisu Khazih’ sila leh Jeim’ sanggampa keimah Juda in, Pa Pasian hangin itna ngahin, Zeisu Khazih adingin kikemin, sapna a ngah mite kiangah ka hong zasak hi.

Mangmuhna 1:1

A sawt loin a piang ding nate ama silate tungah lah dingin Pasian in a piaksa Zeisu Khazih’ mangmuhna lai ahi hi. Tua Topa in ama vantungmi khat sawl a, ama silapa Johan kiangah hilh hi.