Johan 15:1 - Tedim Bible

¹ “Keimah in leenggah gui ka hi a, ka Pa in leenggah gui locingpa ahi hi.

Tedim Bible Revision 2017

¹ Tua ciangin Jesu in, “Kei pen leenggui taktak ka hi a, ka Pa pen leenggui lo nei pa ahi hi.

Johan 15:1 Iomraidhean Croise

Solomon la 7:12

Zingsangin tho baihin, leengguite a sel nai hiam, leengguite a pak nai hiam, mangkawlsing kungte a pak nai hiam, i en ding hi. Tua lai munah kong itna letsong ka hong pia ding hi.

Isaiah 4:2

Tua ni ciangin Topa’ bulsel pen mel hoihin minthang ding a, leitung pan-a a piang gahte pen, a suakta Israel mite’ kiphatsakna leh minthan’na hi ding hi.

Isaiah 60:21

Na mihingte khempeuh thuman ding hi; keima min a than’ nadingin keima suansa kung, ka khut tawh ka sepsa ahi gam pen amaute in nei pai suak ding uh hi.

Isaiah 61:3

amaute pen a thuman mite kici-in, amah a kiminthan’sak theih nadingin Topa’ suan kungte a kicih theih nadingin, Zion ah a om a dah mite tungah vut tawh kibuak a, lukhu khuk tangin a hoih kumpi lukhu khuksak nading, tauna tangin lungdamna sathau nilhsak theih nading, a lunggimna tangin Pasian phatna puan a silh theih nadingun amah in kei hong sawl zo hi.

Jeremiah 12:10

Tuucing dang tampi in ka lenggah lo hong suksiat sak uh a, kei aa teng hong tuatcilsak uh hi. A hoih mahmah ka lenggah lo pawn lak, gamlak suaksak uh hi.

Jeremiah 2:21

A kiteelteel leenggah gui ci hoihte bangin nang kong suan khin zo-a, ahih hangin nang kisia kik-in bang hangin leenggah gui a hoihlote na suak kik tazen hiam?

Ezekiel 19:10

Na nu uh, lui tui gei-a a kisuan, leenggui tawh kibang hi. Tui tampi ngah a, a teh, a gah, pha hi.

Hosea 10:1

Israel mite ahih leh a gah pha mahmah leenggui tawh kibang hi. Cithei semsem leh biakna tau tam semsem lam uh hi. A gam sung uh cithei semsem leh biakna khuampi hoih bawl semsem uh hi.

Zekhariah 3:8

Tua ahih ciangin siampi lian Joshua aw, ngai in; ama siampi pih ahi no adangte in zong ngai un. Note in mai lam thu hoih nadingin lim na hi uh hi. Sing bangin A Sel ka nasempa khat kong paisak ding hi.

Mattiu 15:13

Zeisu in, “Vantungah a om ka Pa in a suan loh kung khempeuh kibotkhia ding hi.

Mattiu 20:1

“Vantung Gam in leenggah lo sungah nasem dingte cial dingin zingsanga a kuankhia inn teekpa tawh kibang hi.

Mattiu 21:33

“Adang thugentehna khat na ngai un: Inn neipa khat in lo lai-ah leenggah kungte suan a, gawlin a um khit ciangin, leenggah cil nading to a, tausang buk khat a lam khit ciangin, lo khote khawh lawhsakin khual a zin san hi.

Marka 12:1

Tua lai takin Zeisu in thugentehna tawh thu a hilh-inah, “Mi khat in lo lai-ah leenggah kungte suan a, gawlin uum a, leenggah cil nading to a, tausang buk khat a lam khit ciangin, lo khote khawhlawhsakin gamdangah a pai hi.

Luka 13:6

Zeisu in hih thugentehna a gen-inah, “Mi khat in a lo lai-ah theikung khat a suan hi. Theigah zong dingin tua kung kiangah a pai hangin, gah a om kei hi.

Johan 1:17

Bang hang hiam i cih leh, Thukhamna Moses khut tungah kipia hi; ahih hangin hehpihna leh thuman thutak in Zeisu Khazih khut tungah a hong piang hi.

Johan 1:9

Khuavak taktak a om hi. Tua khuavakna in leitung a, piang mi khempeuh a vaksak hi.

Johan 15:2

Kei tungah a gahlo hiangte khempeuh a sattan ding hi. A gah thei hiang khempeuh in a gah semsem nadingin a hahsiang ding hi.

Johan 6:32

Tua ahih ciangin, Zeisu in, “Ke’n aman takpi kong cih-inah, vantung pan khomun a piapa in Moses ahi kei hi; ka Pa in vantung khomun taktak note hong pia hi.

Johan 6:55

Bang hang hiam na cih uh leh, ka sa in an taktak ahi hi; ka si in dawn ding taktak ahi hi.

ROM (Romans) 11:17

A hiang kimkhat in a kitan khit ciangin gamlak oliv hiang ahi nangmah in, amau pum tungah pehin kibulh a, hiangte tawh kibangin oliv sing thazung tui zomin na neek leh,

1 KORIN MASA 3:9

Bang hang hiam na cih uh leh, kote in Pasian tawh nasem khawm mi ka hi uh a, note in Pasian’ huan, Pasian’ inn na hi uh hi.

1 JOHAN MASA 2:8

Khat vei thupiakna thak note kiangah kong gelh hi. Tua thupiakna in tua Topa sungah ahi zongin, note sungah ahi zongin thuman thutak ahi hi. Bang hang hiam na cih uh leh, khuamialna mangthang zo a, a maan khuavak a tan’ laitak ahi hi.