Johan 14:26 - Tedim Bible

²⁶ Ahih hangin ka min tawh Pa in hong sawl ding Huhpa a kici Kha Siangtho in na khempeuh hong hilh ding a, no kiangah kong gen khempeuh hong phawkkik sak ding hi.

Tedim Bible Revision 2017

²⁶ Ahi zongin Pa in keima tangin a hong sawl ding Huhpa Kha Siangtho a hong tun ciangin note tungah thu khempeuh hong hilh dinga, note tungah ka hong gen sa thu khempeuh zong hong phawksakkik ding hi.

Johan 14:26 Iomraidhean Croise

Late 51:11

Na omna panin kei hong paikhia kei in la, kei kiang panin na Kha Siangtho la kei in.

Isaiah 54:13

Topa in na tapate khempeuh hilh ding a, na tapate daupai mahmah ding hi.

Isaiah 63:10

Ahih hangin amaute in amah lehdo uh a, a Kha Siangtho dahsak uh hi; tua ahih ciangin amah pen amaute’ gal suak a, amahmah in amaute a do hi.

Mattiu 1:18

Zeisu Khazih’ suahna thu in hih bang ahi hi. A nu Mari in Josef tawh kingai a, a kiten’ ma-in Kha Siangtho in a gaisak hi.

Mattiu 1:20

Tua banga a lungngaih lai takin a mang sungah Pasian’ vantungmi khat kilang a, “David’ suan Josef aw, na lawmnu Mari na ten’pih dingin lunghimawh kei in. Ama gaina in Kha Siangtho in a gaisak hi.

Mattiu 28:19

Tua ahih ciangin, note vak kawikawi un la; mi khempeuh nungzuite na suahsak khit uh ciangin, Pa’ min, Tapa’ min leh Kha Siangtho’ min tawh na baptaiz ta un.

Mattiu 3:11

Keimah in na mawhna na kisikkikna uh hangin tui sungah ka hong baptaiz hi. Ahih hangin ka nungah hong paipa in kei sangin a lianzaw hi. Ama khedap tawi ding nangawn ka kilawm kei hi. Amah in Kha Siangtho leh mei sungah note hong baptaiz ding hi.

Marka 12:36

David in: ‘Topa in, Na galte na khe nuai-ah ka koih matengin, Ka ziat lamah na tu in, ci-in ka Topa kiangah a ci hi,’ ci-in Kha Siangtho tawh a gen hi.

Marka 13:11

Amaute in zum innah note hong paipih, hong piak uh ciangin bang thu ka gen ding hiam ci-in lunghimawh khol kei un. Tua hun lai taka na ngah uh bangin na gen un. Bang hang hiam na cih uh leh, a gen ding no na hi kei uh hi. Kha Siangtho in a gen ding hi.

Luka 1:15

Bang hang hiam na cih leh, tua tapa in Topa mai-ah milian ahi ding hi. Amah in leenggahtui leh zu neukha beek dawn loin, a nu gil sung pan akipan Kha Siangtho tawh a kidim ding hi.

Luka 1:35

Vantungmi in zong, “Kha Siangtho in nangma tungah hong tung a, Sang Bel Pasian’ vangliatna in nang hong liah ding hi. Tua ahih ciangin, tua siangtho a piang ta in Pasian’ Tapa a kici ding hi.

Luka 1:41

Mari hopihna thu Elisabeth in a zak ciangin, a gil sunga om naungeek diang a, amah in Kha Siangtho tawh kidim hi.

Luka 1:67

Tua naungeek’pa Zekhariah in Kha Siangtho tawh kidim a, kamsan’na tawh a gen-inah:

Luka 11:13

Note in mi gilo na hi napi-un na tate uh a hoih na piak uh leh, tua sangin vantungah a om na Pa un a ngen mite Kha Siangtho hong pia zaw ding hilo ahi hiam?” ci-in a gen hi.

Luka 2:25

Tua lai takin Simeon kici mi khat Jerusalem khuapi ah a om hi. Tua pa dik a, Pasian zahtak a, Israel mipawlte’ nopsak nading a lamen hi. Kha Siangtho in ama tungah a om hi.

Luka 24:49

Pa’ thuciamna kong pia ding hi. Ahih hangin vantung pan vangliatna na ngah matengun, hih khua-ah na ngak lai un,” a ci hi.

Luka 3:22

Kha Siangtho pum nei-in vakhu bangin ama tungah kumsuk a, “Nangmah in ka lung hong damsak ka it, ka Tapa na hi hi,” ci-in vantung panin aw khat a ging hi.

Johan 1:33

Tua pa ka thei kei hi. Ahih hangin tui sungah baptaiz dingin kei hong sawlpa in, ‘Mi khat tungah Kha Siangtho hong kumsuka, a tuang na muh leh, tuapa in Kha Siangtho sungah baptaizpa ahi hi,’ ci-in thu hong pia hi.

Johan 12:16

Tua thute a cilin a nungzuite in a theih loh uh hangin, Zeisu in minthan’na a ngah khit ciangin Topa thu tua bangin kigelh a, ama tungah tua bangin a bawl ding hi a cihna thu a phawk uh hi.

Johan 14:16

Keimah in Pa kiangah thu ka ngen ding a, note tawh a omkhawm tawntung dingin Kha Siangtho ahi adang Huhpa hong pia ding hi.

Johan 14:25

“Note tawh ka omkhawm lai takin hih thu kong hilh zo hi.

Johan 15:26

“Pa kiang pan a pusuak, thuman thutak Kha Siangtho ahi Pa kiang pan no kiangah kong sawl ding Huhpa in a hong tun’ ciangin, keima ading teci a pang ding hi.

Johan 16:7

Ke’n aman takpi kong cih-inah, kei ka ciah leh, note’ ading a pha zaw ding hi. Bang hang hiam na cih uh leh, kei ka ciah kei leh, Huhpa in note kiangah hong pai lo ding hi. Ahih hangin ka ciah leh, tua pa note kiangah kong sawl ding hi.

Johan 2:22

Tua ahih ciangin, sihna pan a thawhkik ciangin hih thute a nungzuite in phawkkik uh a, Lai Siangtho leh Zeisu thu a um uh hi.

Johan 20:22

Tua ciangin amaute tungah mut a, “Kha Siangtho na sang ta un.

Johan 6:45

‘Pasian in tuate a hilh ding hi,’ ci-in Pasian’ kamsangte’ lai sungah a kigelh hi. Pa kiangah thu ngai a, a kisin mite khempeuh keima kiangah hong pai uh hi.

Johan 7:39

Tua bang a cihna in a umte’ ngah ding Kha Siangtho a cihna ahi hi. Bang hang hiam i cih leh, Zeisu in minthan’na ngah nai lo ahih ciangin Kha Siangtho a kipia nai kei hi.

Sawltak 1:2

a tunglam a kilaktoh ni dong matengin a bawlsa leh a thuhilh khempeuh, a masa lai sungah ka gelh zo hi.

Sawltak 1:4

Tua sawltakte tawh a omkhawm lai takin, Jerusalem khuapi panin paikhia loin, “Keimah kiangah na zaksa uh Pa’ kamciamna letsong na ngak un.

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Sawltak 11:16

‘Johan in tui sungah hong baptaiz hangin note in Kha Siangtho sungah na kibaptaiz ding uh hi,’ ci-in Topa’ thugenna ka phawk hi.

Sawltak 13:2

Topa’ na sem uh a, an a tan’ lai takun Kha Siangtho in “Barnabas leh Saul keima nasem ding ka sapsa bangin hong khenkhiat un,” a ci hi.

Sawltak 13:4

Tua bangin Kha Siangtho in amaute pai sak a, Seleukia khua-ah a paisuk uh hi. Tua khua panin teembaw tuangin Saipras gamah a tung uh hi.

Sawltak 15:28

Bang hang hiam na cih uh leh, milim biakna ganhing sa ahi zongin, si ahi zongin, a gawl meek kithat sa ahi zongin, numei tawh khiahlna ahi zongin

Sawltak 15:8

Lungsim a thei Pasian in Kha Siangtho kote hong piak mah bangin amaute kiangah pia-in,

Sawltak 16:6

Frigia gam leh Galati gamah a paisuak khit uh ciangun Asia gamah Pasian thu hilh lo dingin Kha Siangtho in a kham hi.

Sawltak 2:33

Tua ahih ciangin amah in Pasian’ ziat lamah pahtawina ngah a, Pa kiangah Kha Siangtho kiciamna a ngah khit ciangin, no na muh na zak uh nate hong bua zo hi.

Sawltak 2:4

amaute khempeuh in Kha Siangtho tawh kidimin, Kha Siangtho in thu a piak bangin kam tuamtuam tawh thu a hilh uh hi.

Sawltak 20:28

Tua ahih ciangin Topa in a si tawh a lei pawlpi vaak dingin Kha Siangtho in note a hong koih, tuunote leh nomau pumpi uh pha takin na kem un.

Sawltak 20:35

Tua bangin note in na nasep uh a, thahat lo mite na huh ding uh a, ‘Ngahna sangin piakna-ah thupha lianzaw hi,’ ci-in Zeisu in a genna kammal na ngaihsut dingun na khempeuh ah note kiangah thugentehna kong lak zo hi,” ci-in a gen hi.

Sawltak 28:25

Tua mah bangin khat leh khat thu kituak loin, Paul in thu khat a gen khit ciangin a paikhia uh hi. Paul in, “Kha Siangtho in kamsangpa Isaiah tungah na pute na pate kiang uh ah a kituakin a gen hi.

Sawltak 5:3

Piter in, “Ananias aw, nang in Kha Siangtho kheem a, lei na zuak a man kimkhat na seel nadingin Satan in nang lungsim bang tawh hong dimsak hiam?

Sawltak 7:51

“Lungkhauh a, lungsim leh bil tawh vunat loh mite aw, note in Kha Siangtho a tawntungin na nial uh hi. Na pute na pate uh a gamtat bangin na gamta uh hi.

Sawltak 7:55

Amah in Kha Siangtho tawh dim a, vantung a ettoh ciangin Pasian’ vangliatna leh Pasian’ ziat lamah a ding Zeisu a muh ciangin,

ROM (Romans) 14:17

Bang hang hiam na cih uh leh, Pasian’ Gam in an nekna, tui dawnna-ah a kip kei hi. Kha Siangtho hanga kingah dikna, kilemna leh lungdamna-ah a kip hi.

ROM (Romans) 15:13

Note in Kha Siangtho’ vangliatna hangah lametna pha tawh na dim nadingun, upna nei-in lungdamna, noptuamna a pawlpawlte tawh na dim nadingun, muan’na hong pia Pasian in hong pia ta hen.

ROM (Romans) 15:16

keimah in Pasian’ Lungdamna Thuhilh na semin Gentailte tungah Khazih’ nasem ka hih nading, Pasian in kei hong piak hehpihna thupha hanginah ute naute aw, note hong phawksak kikin, lau loin lai ka gelh hi.

ROM (Romans) 5:5

Lawpna in hong zumsak lo ding hi. Bang hang hiam na cih uh leh, hong piak Kha Siangtho in Pasian’ itna eite sin sungah hong sung zo hi.

1 KORIN MASA 12:3

Tua ahih ciangin Pasian’ Kha Siangtho tawh, “Zeisu in hamsiatna a thuak hi,” ci-in kuamah in a gen theih loh mah bangin, “Zeisu in Topa hi,” ci-in kuamah in Kha Siangtho suang loin a pulak thei kei hi, ci-in kong theisak hi.

1 KORIN MASA 6:19

Note pumpi in Pasian hong piak, na sung uhah a teeng Kha Siangtho’ biakna inn ahi zong, na pumpi uh no’ aa ahi lo ahi zongin thei lo na hi uh hiam?

2 KORIN NIHNA 13:14

Topa Zeisu Khazih’ hehpihna thupha ahi zongin, Pasian hong itna ahi zongin, Kha Siangtho’ kihotheihna ahi zongin note khempeuh tawh omkhawm ta hen.

2 KORIN NIHNA 6:6

lungsim siangthona, pilna, lungduaina, hehpihna bawlna, Kha Siangtho ngahna, it kheem lo it takpina,

Efesa 1:13

Note in zong note hong gupna thu tawh kipawl Lungdamna Thu ahi thuman thutak ngai-in, tua Khazih na up khit uh ciangin thuciamna tawh kipawl Kha Siangtho-a ciamtehna na ngah zo uh hi.

Efesa 1:17

Ka thungetna in: eite Topa Zeisu Khazih’ Pasian, vangliatna Pa in amah theihtel nadingin pilna ahi zongin, theih baihna lungsim ahi zongin hong piak nadingin,

Efesa 4:30

Tatna’ Ni a tun’ dongin note hong ciamtehna ahi Pasian’ Kha Siangtho na dah sak kei un.

1 THESALONIKA MASA 4:8

Tua ahih ciangin hih thu a nial mi in mi bek nial ahi kei hi, note Kha Siangtho a hong pia Pasian nial ahi hi.

2 TIMOTI NIHNA 1:14

Nangma kiangah hong kipia a pha na, eite sungah a om Kha Siangtho huhna tawh na kem in.

Titu 3:5

eite gamtatna pha hang hi loin ama hehpihna bangin nihvei suahna tawh kipawl sawp siangna tawh ahi zongin, Kha Siangtho’ hong bawlphat thakna tawh hong gum hi.

Hebru 10:15

Kha Siangtho in zong eite kiangah teci hong pan’na in:

Hebru 2:4

Tua teci a pang mite tawh Pasian in lim tawh ahi zongin, a lamdang nate tawh ahi zongin, nalamdang tuamtuamte tawh ahi zongin, ama deihna bang a hawmsak Kha Siangtho piak thupha tawh ahi zongin teci a pang khawm hi.

Hebru 3:7

Tua ahih ciangin Kha Siangtho in a gen mah bangin “Tuni-in ama aw na zak uh leh, na lungsim uh na khuahsak kei un. Keimah hong dong hong ze-etin, Keima hih theih nate, kum sawmli tawntung mu-in, gampa lakah kei tawh kilem lohna bawlin, hong hehsak huna a om bangin om kei un.

Hebru 9:8

A masa dei a om lai tengin Siangtho Bel Munah paina lampi a kilang nai kei hi ci-in Kha Siangtho in hih thu tawh a lak hi.

1 PETER MASA 1:12

Amaute’ thuhilh nasepnate in amaute ading hi lo, note ading ahi ci-in amaute kiangah a kilang hi. Vantung pan hong sawl Kha Siangtho tawh note kiangah Lungdamna Thu hong hilh mite in tua nate note kiangah tu-in hong hilh uh hi. Tua nate vantungmite in zong a en nuam uh hi.

2 PETER NIHNA 1:21

Bang hang hiam na cih uh leh, Pasian’ kamsangte’ thu in mi’ deih bangin hong tung ngei kei hi, Kha Siangtho hansuahna ngahin mite in Pasian kiang pan a gen sawn uh hi.

1 JOHAN MASA 2:20

Note in Siangtho Pa’ Kha Siangtho sathau nilhsa na hi uh a, na khempeuh na thei uh hi.

1 JOHAN MASA 2:27

Note na hih uh leh, ama khut pan na ngah uh Kha Siangtho sathau nilhna in note sungah kipin a om a, kuamah in note thu hong hilh ding na kisam kei uh hi. Ama’ Kha Siangtho sathau nilhna in note na khempeuh hong hilh a, tua Kha Siangtho sathau nilhna in thuman thutak hi a, thuzuau hi lo ahih ciangin note hong hilh mah bangin ama sungah kipin na om un.

1 JOHAN MASA 5:7

Kha Siangtho in teci hong pang hi. Bang hang hiam na cih uh leh, Kha Siangtho in thuman thutak ahi hi.

Juda 1:20

Ka itte aw, note in na hih uh leh, a siangtho mahmah upna tungah na pumpi uh lamin, Kha Siangtho tawh thungenin,

Mangmuhna 2:11

Kha Siangtho in pawlpite a thupiakna bil nei mi in ngai ta hen. A zo mi nihvei sihna in a su kha kei ding hi.”