Johan 14:23 - Tedim Bible

²³ Zeisu in, “Kei hong it mi in ka thu zui ding a, ka Pa in amah a it ding a, ama kiangah hawhin, amah tawh ka omkhawm ding uh hi.

Tedim Bible Revision 2017

²³ Jesu in, “Kei hong itte in ka thu zui ding uh hi. Ka Pa in zong it dinga, ka nihun tua mite kiangah pai-in amaute tawh ka om khawm ding uh hi.

Johan 14:23 Iomraidhean Croise

Piancilna 1:26

Tua ciangin Pasian in, “Eima' lim, eimah hong suunin mihing bawl ni; tuipi ngasate' tung, huih lak vasate' tung, ganhingte' tung, leitung khempeuh' tung, leitunga a bokvakte khempeuh' tungah ukna neisak ni,” ci hi.

Piancilna 11:7

Hong pai un, amaute khat leh khat’ thugen a kitheih loh nadingun eite paisukin amau’ kampau va kitukalhsak ni,” ci hi.

Late 90:1

Topa aw, nangmah in khang tawntunga kote omna mun na hi hi.

Late 91:1

Sang Penpa’ liahna sungah a om mi, Vanglianpa’ liim sungah a om mi in,

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Johan 10:30

Keimah in ka Pa tawh pumkhat ka hi uh hi,” ci-in a gen hi.

Johan 14:15

“Kei nong it uh leh, ka thupiakna na mang ding uh hi.

Johan 14:17

Tua Kha Siangtho leitung mite in mu loin thei lo uh ahih ciangin a sang zo kei uh hi. Tua Kha Siangtho in note tawh omkhawmin, note sungah om ding ahih ciangin amah na thei ding uh hi.”

Johan 14:21

Ka thupiakna nei a, a zui mi in kei hong it hi. Kei hong it mi ka Pa in a it ding hi. Keimah in zong amah ka it ding a, ama kiangah ka kilang ding hi,” a ci hi.

Johan 14:24

Kei hong it lo mi in ka thu a zui kei hi. Note zak thute in kei thu hi lo kei hong sawl Pa’ thu ahi hi.”

Johan 15:10

Keimah in ka Pa’ thupiaknate zui a, hong itna sungah ka om mah bangin, note in ka thupiaknate na zuih uh leh, kei sungah na om ding uh hi.

Johan 16:27

Bang hang hiam na cih uh leh, note in kei nong it uh a, Pa kiang pan kong pai hi cih um na hih uh ciangin, Pa in zong note hong it ding hi.

Johan 6:56

Ka sa ne a, ka si a dawnte in kei sungah om a, ama sungah kei ka om ding hi.

Johan 8:51

Ke’n aman takpi kong cih-inah, mi khatpeuh in ka thu a ngaih leh, sihna tawh a tawntungin a kipelh ding hi,” a ci hi.

Johan 8:52

Judah mite in, “Nang dawilawm nei na hi ci-in tu-in ka thei uh hi. Abraham akipan kamsangte a si khin zo uh hi. Nang in, ‘Mi khatpeuh in keima thu a ngaih leh, sihna a thuak kei ding hi,’ na ci hi.

2 KORIN NIHNA 6:16

Pasian’ biakinnpi in milimte tawh bangci kizom thei ding hiam? Bang hang hiam cih leh, eite in a nungta Pasian’ biakinnpi i hi hi. Pasian’ thupiakna in: “Amaute sungah ka teeng ding a, amau sungah ka vak kawikawi ding hi; Amau Pasian ka hi ding a, amaute in zong keima mi ahi ding uh hi,” a ci hi.

Efesa 3:17

upna hangin Khazih in note lung sungah a om nadingin, minthan’na tawh a dim mah bangin note hong pia-in, itna thu-ah zungkha-in, khuam zong kiphut kipin note in,

1 JOHAN MASA 2:24

Note na hih uh leh, a cil panin na zak uh thuhilhna note sungah na kipsak un. Note in a cil pan na theih uh thuhilhna in note sungah a om leh, note in Pa sungah ahi zongin, Tapa sungah ahi zongin na kip ding uh hi.

1 JOHAN MASA 2:5

Ama thu a ngai mi sungah Pasian’ itna in a kicing taktak hi. Ama sungah i om thu hih bangin i thei hi:

1 JOHAN MASA 4:4

Ka ta neute aw, note in Pasian tawh kipawlin tua khate na zozo uh hi. Bang hang hiam na cih uh leh, note sungah a om mi in leitungmite sungah a om mi sangin a lianzaw hi.

1 JOHAN MASA 5:3

Bang hang hiam na cih uh leh, Pasian’ itna in ama thupiaknate zuihna ahi hi. Pasian’ thupiaknate zong a haksa lua ahi kei hi.

2 JOHAN NIHNA 1:6

Ama thupiaknate bangin i thuman’na in ki-itna ahi hi. Note in thupiakna tawh kituak a, na gamtat nadingun a cil panin no na zak uh mah bangin ama thupiakna in tua bang deihna ahi hi.

Mangmuhna 21:22

Tua khuapi sungah biakinnpi ka mu kei hi. Bang hang hiam na cih uh leh, Vanglianpen Topa Pasian leh Tuuno in tua khuapi biakinnpi ahi uh hi.

Mangmuhna 21:3

Kumpi tokhom sung pan zong, “En in, Pasian buk mite lakah om a, amah in amaute tawh a omkhawm ding hi. Amaute in zong Topa’ mipawlte suakin, Pasian mahmah in amaute tawh omkhawmin amaute Pasian ahi ding hi.

Mangmuhna 22:3

Hamsiatna cikmah hunin omkik lo ding hi. Pasian leh Tuuno’ silate in Topa bia-in,