Johan 14:2 - Tedim Bible

² Ka Pa’ inn sungah omna tampi a om hi. A om kei leh, no kiangah kong gen zo ding hi. Note om nading mun bawlkhol dingin ka pai ding hi.

Tedim Bible Revision 2017

² Noteʼ om nading mun a bawl khol dingin a pai ding ka hi hi. Ka Paʼ inn sungah om nading mun tampi om hi. A om lo ding hileh hih bangin thu kong gen kei ding hi.

Johan 14:2 Iomraidhean Croise

Luka 14:22

A nasempa in, ‘Topa aw, na cih mah bangin ka sap hangin omna a awng lai hi,’ a ci hi.

Johan 13:33

Ka tanote aw, keimah in note tawh tawlkhat bek ka omkhawm ding hi. Note in kei nong zong ding uh hi. ‘Ka paina munah nong tung zo kei ding uh hi,’ ci-in Judah mite kiangah ka cih mah bangin, tu-in note kiangah kong ci hi.

Johan 13:36

Simon Piter in, “Topa aw, koi lam pai ding na hi hiam?” a cih ciangin Zeisu in, “Ka paina lamah tu-in nong zui zo kei ding hi. Tu nung ciangin na hong zui ding uh hi,” a ci kik hi.

Johan 14:28

‘Ka ciah hangin no kiangah kong paikik ding hi,’ ka cihna thu na za uh hi. Nong it uh leh, Pa kiangah ciah ding ka hih ciangin na nuam ding uh hi. Bang hang hiam na cih uh leh, kei sangin Pa a lianzaw hi.

Johan 16:4

Amau hun a tun’ ciangin kong gensa hih thute na phawk kik nadingun tu-in kong genkhol hi.” “Acil panin hih thute note kiangah kong gen ngei kei hi. Bang hang hiam na cih uh leh, note tawh keimah ka omkhawm lai hi.

Johan 17:24

“Pa aw, kei nong piak mite in zong nong piaksa minthan’na a muh nadingun ka omna-ah na omkhawmsak dingin ka deih hi. Bang hang hiam na cih leh, lei pian’ ma-inah nong it hi.

Sawltak 9:16

Keima min hangah bangzah takin a thuak nading ke’n ka lak ding hi,” ci-in a gen hi.

2 KORIN NIHNA 5:1

Kote omna ahi leibuk in a siat leh, khut tawh kibawl lo Pasian’ bawlsa, a kisia ngei lo vantungah inn a om cih ka thei uh hi.

1 THESALONIKA MASA 5:9

Hehna thuak dingin Pasian in eite hong koih ahi kei hi. I Topa Zeisu Khazih hangin gupna i ngah nadingin hong koih a, eite i hing lai ahi zongin, i si zo ahi zongin Topa tawh i hin’ khawm nadingin, eite tangdingin sihna a thuak zo hi.

Hebru 11:10

Bang hang hiam na cih uh leh, a luah ding Pasian’ lamsa, bulpi kip a nei khuapi a lamen hi.

Hebru 13:14

Bang hang hiam na cih uh leh, eite in hih lai takah a kip ding khuapi i nei kei hi: tunung ciangin a hong piang ding khuapi i zong hi.

Hebru 6:20

Tua sungah Zeisu in Melkhizedek’ pawl ahi, a kip tawntung Siampi Ukpa a suah khit ciangin eite taang dingin a masa in a tum hi.

Hebru 9:8

A masa dei a om lai tengin Siangtho Bel Munah paina lampi a kilang nai kei hi ci-in Kha Siangtho in hih thu tawh a lak hi.

Mangmuhna 21:2

Tua lai takin Jerusalem khua thak ahi Khuapi Siangtho in a pasal ading a kizeemsa-in a om, a kipi mo bangin kiging kholin Pasian kiang vantung pan hong kiasuk ka mu hi.

Mangmuhna 3:12

A zo mi ka Pasian’ biakinnpi khuampi ka suaksak ding hi. Tunung ciangin tua mun panin pua lamah cikmah hunin a paikhia nawn kei ding hi. Tua mi tungah ka Pasian’ min ahi zongin, ka Pasian kiang vantung panin hong kumsuk ding Jerusalem khua thak ahi, ka Pasian’ khuapi min ahi zongin, keima min thak ahi zongin ka gelh ding hi.

Mangmuhna 3:21

Keimah in ka zawh khit ciangin ka Pa tawh tokhom tungah ka tut khawm bangin, a zo mi in kei tawh ka tokhom tungah tut khawm theihna thu ka pia ding hi.