Johan 14:19 - Tedim Bible

¹⁹ Tawlkhat khit ciangin leitung mite in kei hong mu lo ding uh hi. No na hih uh leh, nong mu ding uh hi. Keimah nungta ka hih ciangin, note zong na nungta ding uh hi.

Tedim Bible Revision 2017

¹⁹ Tawl khat khit ciangin leitung mite in kei hong mu nawn lo ding uh hi. Ahi zongin kei ka nuntak mah bangin note zong nungta ding na hih manun note in kei na hong mu ding uh hi.

Johan 14:19 Iomraidhean Croise

Johan 11:25

Zeisu in, “Keimah in thawhkikna leh nuntakna ka hi hi. Kei hong umte in a sih hangin a nungtakik ding hi.

Johan 12:35

Tua ciangin Zeisu in, “Khuavakna in note kiangah tawlkhat a om lai ding hi. Khuamial in no hong lap loh nadingin khuavak a om lai takin na pai un. Khuamial lakah a pai mi in a tun’na ding a thei kei hi.”

Johan 13:33

Ka tanote aw, keimah in note tawh tawlkhat bek ka omkhawm ding hi. Note in kei nong zong ding uh hi. ‘Ka paina munah nong tung zo kei ding uh hi,’ ci-in Judah mite kiangah ka cih mah bangin, tu-in note kiangah kong ci hi.

Johan 14:6

Zeisu in, “Keimah in lampi ka hi hi, thuman thutak ka hi hi, nuntakna lah ka hi hi. Kei hong suang loin kuamah in Pa kiang a tung zo kei ding hi.

Johan 16:16

“Tawlkhat khit ciangin nong mu kei ding uh hi. Tawlkhat khit ciangin na hong mu kik ding uh hi,” a ci hi.

Johan 16:22

Tua ahih ciangin tu-in na dah uh hangin a nung ciangin keimah in note kong mukik ding a, no na lungdam ding uh hi. Note lungdamna kuamah in hong sut zo kei ding hi.

Johan 6:40

Tapa mu a, a umte khempeuh in nuntak tawntungna a ngah nading in Pa’ deihna ahi hi,” a ci hi.

Johan 7:33

Tua ahih ciangin Zeisu in, “Note tawh tawlkhat bek ka om khit ciangin kei hong sawlpa kiangah ka ciahkik ding hi.

Johan 8:21

Tua ahih ciangin khatvei Zeisu in, “Kei ka ciah ding hi. Note in nong zon’ uh hangin nomau mawhna sungah na si ding uh hi. Ka paina mun nong tung zo kei ding uh hi,” a ci hi.

Sawltak 10:41

mi khempeuh’ mai hi lo, Pasian’ teel kholhsa a teci, kote bek mai-ah hong kilat nadingin thu a pia hi. Sihna pan a thawhkik khit ciangin amah tawh an ka nekhawm uh hi.

ROM (Romans) 5:10

Bang hang hiam na cih uh leh, eite in galte i hih lai takin ama Tapa in sihna a thuakna hangin eite in Pasian tawh kilem i hih leh, ama hin’na tawh gupna i ngah zaw ding hi.

ROM (Romans) 8:34

Mawhsakna thu a khenpa in kua ahi hiam? Sihna a thuak tham loin, sihna pan thokik a, Pasian’ ziat lamah omin, eite ading thu hong ngetsakpa in Khazih ahi hi.

1 KORIN MASA 15:20

Tu-in Khazih in misite lakah a gah masabel suak a, sihna pan a thokik zo hi.

1 KORIN MASA 15:45

Lai Siangtho sungah a kigelh mah bangin, “A masa bel Adam in a nungta mihing a suak hi,” kici hi. A nunung bel Adam in nuntakna a pia thei kha a suak hi.

Hebru 7:25

Tua ahih ciangin Zeisu hangin Pasian kiangah a naite’ taang a, a thuum dingin Topa in a nungta tawntung ahih ciangin, a tawntungin hong gum thei hi.

Mangmuhna 20:4

Tua lai takin kumpi tokhomte ka mu hi. Tokhom tungah a tu mite in thukhen theihna a ngah uh hi. Tua tham loin Zeisu’ teci pan’na hang leh Pasian’ thu hangin lu kitanna a thuak mite a nuntakna khate a kipan sahang leh sahang milim bia lo, ama ciamtehna a taltang tung leh khut tungah a nei lo mite nuntakna khate zong ka mu hi. Tua mite in kum tulkhat sung nungta-in, Khazih tawh a mang khawm uh hi.