Johan 14:15 - Tedim Bible

¹⁵ “Kei nong it uh leh, ka thupiakna na mang ding uh hi.

Tedim Bible Revision 2017

¹⁵ Tua ciangin Jesu in, “Kei na hong it uh leh ka thupiakte zong na zui ding uh hi.

Johan 14:15 Iomraidhean Croise

2 KUMPI NIHNATE 18:6

Bang hang hiam cih leh amah in Topa kip takin len hi; amah zuihna panin kihemkhia lo a, Topa in Moses a thupiak thupiaknate zui hi.

Mattiu 10:37

Kei hong it sangin a nute a pate a it zaw mi in, kei tawh kituak lo hi. Kei hong it sangin a tapa a tanu a it zawte in, kei tawh kituak lo hi.

Johan 8:42

Zeisu in, “Pasian in note’ Pa ahih takpi leh, note in kei nong it ding uh hi. Bang hang hiam na cih uh leh, keimah in Pasian kiang pan hong pusuakin kong pai hi. Keima ut bangin kong pai kei hi, Amah in kei hong sawl hi.

1 KORIN MASA 16:22

Mi khat peuhmah in Topa a it kei leh, tua mi in hamsiatna thuak ta hen. Topa hong pai hi!

Galati 5:6

Bang hang hiam na cih uh leh, Khazih Zeisu sungah vunatna in phattuamna a om kei hi, vunat lohna in zong phattuamna a om kei hi; itna tawh nasep theihna upna bek in phattuamna a om hi.

Efesa 6:24

Kisia lo itna tawh i Topa Zeisu Khazih a it mite khempeuh tungah hehpihna thupha om ta hen.

1 PETER MASA 1:8

Tua Topa note in na muh ngeiloh uh hangin na it uh hi. Tu-in zong na muh theih loh uh hangin umin, vangliatna tawh kipawl a kigen thei lo nopna lungsim tawh lungdamin, na kha uh gupkhiatna ahi note upna’ tupna mun na ngah uh hi.

2 JOHAN NIHNA 1:6

Ama thupiaknate bangin i thuman’na in ki-itna ahi hi. Note in thupiakna tawh kituak a, na gamtat nadingun a cil panin no na zak uh mah bangin ama thupiakna in tua bang deihna ahi hi.