Johan 14:12 - Tedim Bible

¹² “Ke’n aman takpi kong cih-inah, kei hong um mi in ka bawl bang nate bawlin tua sangin a lianzaw a bawl ding hi. Bang hang hiam na cih uh leh, Pa kiangah ka ciah ding hi.

Tedim Bible Revision 2017

¹² A mantakin ka hong genin ah, kei hong umte in keima sep nate mah sem ding hi. Pa kiangah kei ciah ding ka hih manin keima sep sangin zong a lian zaw sem lai ding uh hi.

Johan 14:12 Iomraidhean Croise

Mattiu 21:21

Zeisu in, “Ke’n aman takpi kong cih-inah, note in um khial loin upna taktak na neih uh leh, hih theikung tungah ka hih bangin na bawl thei uh tham loin, hih mual kiangah, ‘Na omna pan na kinkhia in la, tuipi sungah na kipaai in,’ ci le-uh teh na cih uh mah bangin a piang ding hi.

Marka 11:13

Teh a nei theikung a gamla pan mu a, tua kung tungah gah a mu kha ding hi, ci-in va pai a, a tun’ ciangin a teh longal bangmah a mu kei hi. Bang hang hiam i cih leh, a gah hun ahi kei hi.

Marka 16:17

Thu um mite tungah hih na lamdang a piang ding hi: Keima min tawh dawite a hawlkhia ding uh a, kamthakin a pau ding uh hi;

Johan 14:28

‘Ka ciah hangin no kiangah kong paikik ding hi,’ ka cihna thu na za uh hi. Nong it uh leh, Pa kiangah ciah ding ka hih ciangin na nuam ding uh hi. Bang hang hiam na cih uh leh, kei sangin Pa a lianzaw hi.

Johan 16:7

Ke’n aman takpi kong cih-inah, kei ka ciah leh, note’ ading a pha zaw ding hi. Bang hang hiam na cih uh leh, kei ka ciah kei leh, Huhpa in note kiangah hong pai lo ding hi. Ahih hangin ka ciah leh, tua pa note kiangah kong sawl ding hi.

Johan 4:37

Tua ahih ciangin, ‘Mi khat in a vawh hi; midang in a at hi,’ a cihna thu a man hi.

Johan 5:20

Bang hang hiam na cih uh leh, Pa in Ta it a, a hihna khempeuh Tapa a musak hi. Note in lamdang nasak nadingun hih sangin a lianzaw nate Tapa a musak ding hi.

Johan 7:33

Tua ahih ciangin Zeisu in, “Note tawh tawlkhat bek ka om khit ciangin kei hong sawlpa kiangah ka ciahkik ding hi.

Johan 7:39

Tua bang a cihna in a umte’ ngah ding Kha Siangtho a cihna ahi hi. Bang hang hiam i cih leh, Zeisu in minthan’na ngah nai lo ahih ciangin Kha Siangtho a kipia nai kei hi.

Sawltak 10:46

Bang hang hiam i cih leh, tua mite in kamtuam tawh pau-in, Pasian’ min a phat uh cih a za uh hi.

Sawltak 16:18

Tua bangin ni tampi a hih hi. Paul in lungdam lo a, kihei-in, “Zeisu Khazih’ min tawh ama sung pan na paikhia in, thu kong pia hi,” a cih ciangin tua dawi in thakhatin a taikhia hi.

Sawltak 19:12

Paul’ pumpi tung pan mainulna puan ahi zongin, kawnggak ahi zongin, khatpeuh peuh cinate kiangah a puak uh ciangin cinatna dam a, dawi gilote a paikhia uh hi.

Sawltak 2:33

Tua ahih ciangin amah in Pasian’ ziat lamah pahtawina ngah a, Pa kiangah Kha Siangtho kiciamna a ngah khit ciangin, no na muh na zak uh nate hong bua zo hi.

Sawltak 2:41

Tua thu a mang mite in kibaptaiz uh a, tua ni-in mi tulthum bang a kibehlap uh hi.

Sawltak 4:16

“Hih mite tungah bang i ci hih ding hiam? Amaute tung tawnin nalamdang lian a kilak zo hi ci-in Jerusalem khua mi khempeuh in a thei uh a, eite in i nial zo kei hi.

Sawltak 4:33

Sawltakte in Topa Zeisu’ thawhkikna thu vangliatna tawh teci a pang uh a, amaute khempeuh in hehpihna thupha tampi a ngah uh hi.

Sawltak 4:4

Ahih hangin thuhilhna a za mi tampite in um uh a, pasal teng tulnga bang a pha uh hi.

Sawltak 5:15

Tua ahih ciangin Piter lam a pai lai takin khatpeuh peuh ama liim in a liah nadingin, mi cinate a puakhia uh a, a lupna puan tungah lam kiangah a koih uh hi.

Sawltak 6:7

Pasian’ thu kizel-in, Jerusalem khua-ah thu-um mi hong tam semsem a, siampite tampi in zong upna thu hong mang ta uh hi.

Sawltak 8:7

Bang hang hiam i cih leh, dawivei mi tampite pan dawite in nakpi-in kiko-in a pusuak uh hi. A pum langkhat a si mi leh khebai mi tampi in damna a ngah uh hi.

Sawltak 9:34

Piter in, “Aineas aw, Zeisu in nang hong damsak zo hi. Tho in la, na lupna na phah in,” a cih ciangin amah in thakhatin a tho hi.

Sawltak 9:40

Piter in tua mi khempeuh a paikhiatsak khit ciangin khukdin’in thungen a, si-luang lam kihei-in, “Tabitha aw, tho in,” a ci hi.

ROM (Romans) 15:19

lim leh nalamdang vangliatna leh Kha Siangtho’ vangliatna lakin keima tungah a bawl nate bek ka gen ngam hi. Tua ahih ciangin Jerusalem khua panin Ilirikum gam dongin, kimkot mun khempeuh ah, Khazih’ Lungdamna Thu a vekpi-in ka hilh khin zo hi.