Johan 14:11 - Tedim Bible

¹¹ Pa sungah ka om a, Pa in kei sungah a om thu hong um in. Ahih kei leh zong ka bawl nalamdangte’ thu ngaihsunin hong um un.”

Tedim Bible Revision 2017

¹¹ Pa tawh pum khat ka hihna thu hoihtakin hong um un. Na hong up nai kei uh leh zong ka nalamdang bawlnate hangin hong um beek un.

Johan 14:11 Iomraidhean Croise

Johan 10:25

Zeisu in, “Kong hilh khit hangin na um kei uh hi. Ka Pa’ min tawh ka bawl nalamdangte in ka teci ahi hi.

Johan 10:32

Zeisu in, “Pasian kiang pan ka ngah thupha tampi kong lak zo hi. Tua thu lakah bang thu hangin suang tawh deeng dingin hong kipan na hi uh hiam?” ci-in a dong hi.

Johan 10:38

Ahih hangin, ka gamtat leh, kei nong um kei uh zongin ka bawlna thu um un. Tua bangin na up uh leh, Pa in kei sungah om a, kei in Pa sungah ka om cih thei-in na ciamteh ding uh hi,” a ci hi.

Johan 14:10

Pa sungah ka om a, kei sungah Pa a om cih um lo na hi hiam? Note kiangah kong gen thu in keima thu hong hilh ka hi kei hi. Kei sunga teeng ka Pa in na hong sem ahi hi.

Johan 14:20

Pa sungah kei om a, kei sungah note na om uh leh, note sungah kei ka om tua ni ciangin na thei ding uh hi.

Johan 5:36

Ahih hangin Johan’ teci pan’na sangin teci pan’na a lianzaw ka nei hi. Bang ahi hiam na cih uh leh, nasepna ka zawh nading ka Pa in hong piak tu-a ka sepna thute in, Pa in kei hong sawl ahihna thu keima ading teci hong pang uh hi.

Sawltak 2:22

“No Israel mite aw, hih thu na ngai ta un. No na theih uh mah bangin Pasian in Nazareth mi Zeisu tungah vangliatnate leh nalamdangte leh lungman’nate, note lakah hong hih theihna tawh Pasian in note kiangah tua Zeisu a dik hi ci-in a lak hi.

Hebru 2:4

Tua teci a pang mite tawh Pasian in lim tawh ahi zongin, a lamdang nate tawh ahi zongin, nalamdang tuamtuamte tawh ahi zongin, ama deihna bang a hawmsak Kha Siangtho piak thupha tawh ahi zongin teci a pang khawm hi.