Johan 13:8 - Tedim Bible

⁸ Piter in “Ka khe cikmah hunin na sil kei ding hi,” a cih ciangin Zeisu in, “Nang kong sil kei leh, kei tawh na kipawl thei kei ding hi,” ci-in a gen hi.

Tedim Bible Revision 2017

⁸ Peter in, “Nang peuhmah ka khe ka hong silsak ngei buang kei ding hi,” a cih ciangin, “Na khe hong silsak kei leng, kei tawh na kipawl thei nawn kei ding hi,” a ci hi.

Johan 13:8 Iomraidhean Croise

Piancilna 42:38

Ahih hangin amah in, “A sanggampa si a, amah bek om ahih manin note tawh ka tapa hong paisuk lo ding hi. Note’ pai nading na khualzinna uhah ama' tungah siatna tung khazenzen leh, dahna tawh ka sam kangte Leinuai-ah na paipih suk ding uh hi,” ci hi.

2 SAMUEL NIHNA 20:1

Tu-in tua lai-ah Benjamin mi, Bikhri’ tapa Sheba min nei, mi ginalo khat hong om kha hi; amah in peengkul tumin, “David sungah tanh i nei kei hi, Jessi’ tapa’ sungah gamh i nei kei hi; mi khempeuh na inn ciat uh-ah ciah un, Israelte aw,” a ci hi.

1 KUMPI MASATE 12:16

Kumpipa in amau’ thu a ngaih lohna Israelte khempeuh in a muh uh ciangin mite in kumpipa dawng uh a, “David sungah kote in bang ngah nei ka hi uh hiam? Jessi tapa sungah gamhluah ka nei kei uh hi. Israelte aw, na inn ciat uhah ciah un. Rehoboam in ama ading vaihawm tawm hen,” a ci uh hi. Tua ahih ciangin Israelte a inn ciat uhah kihem uh hi.

Late 51:2

Ka khialhna panin kei hong silsiang kiuhkeuh in la, ka mawhna panin hong siangsak in!

Late 51:7

Puknah tawh hong nul in, kei ka siang ding hi; hong sil in, vuk sangin ka ngozaw ding hi.

Ezekiel 36:25

Note tungah tui siangtho kong theh ding a, na milim biakna uh leh note hong ninsak na dang khempeuh panin kong siangsak ding hi.

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.

Mattiu 16:22

Tua lai takin Piter in Zeisu sam sim a, “Topa aw, hih thu bangin piangsak kei ta in! Hih thu in nangma tungah a tung kei ding hi,” ci-in seel ding a kipat ciangin,

Mattiu 21:29

a ta upa bel in, ‘Kei kuan kei ning,’ a cih hangin, a nung ciangin kisikkik a, a kuan hi.

Mattiu 26:35

Piter in, “Nang tawh ka si khawm zongin, nangmah kong nial ngei kei ding hi,” a ci kik hi. A nungzuite khempeuh in zong tua mah bangin a ci uh hi.

Johan 13:6

Tua ahih ciangin Simon Piter kiang a tun’ ciangin Piter in, “Topa aw, kei’ khe zong sil ding na hi hiam?” a ci hi.

Johan 13:9

Tua ciangin Simon Piter in, “Topa aw, ka khe bek hong sil kei in, ka khut leh ka lu zong hong silsak in,” a ci hi.

Johan 3:5

Zeisu in, “Ke’n aman takpi kong cih-inah, mi khatpeuh in tui leh Kha Siangtho tawh a suakkik kei leh, Pasian’ Gam sungah a tum thei kei ding hi.

Sawltak 22:16

Tu-in zong bang ngak na hi hiam? Tho in, kibaptaiz in la, Pasian kiangah thugenin, na mawhna na kisawpsiang ding hi,’ hong ci hi.

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

Efesa 5:26

Tua pawlpi in siangtho-in mawhsakna om lo ahih ciangin,

Thu-hilhkikna 12:12

Topa na Pasian uh mai-ah note leh na tapate leh na tanute, na nasem pasalte uh leh na nasem numeite uh, leh note neih bangin tanh ahi a, luah ahi zongin a nei lo na khua sunga om Levi mite tawh lungdam khawm un.

Kolose 2:18

Lutang suang loin, pumpi ci-le-sa tawh kipawl ama lungsim tawh kisathei mawkin, ama theih loh a muh loh thute kantelin lungsim kiniamsakna-ah ahi zongin, vantungmi biakna-ah ahi zongin, nuamsa-a a om mi khat nangawn note lungdamna kisutsak kei un.

Kolose 2:23

Tua bang ngeina in ut thu biakna, lung kiniamsakna, pumpi bawlsiatna tawh kipawl pilna a nei bangin a om hangin, pumpi deihna zuih loh nading, khaam nadingin a kiman’na khat beek a om kei hi.

Titu 3:5

eite gamtatna pha hang hi loin ama hehpihna bangin nihvei suahna tawh kipawl sawp siangna tawh ahi zongin, Kha Siangtho’ hong bawlphat thakna tawh hong gum hi.

Hebru 10:22

eite in lungsim kisuan’na om loh nadingin kitheh a, tui siangtho tawh i pumpi i kisil khit ciangin up khialhna om lo, upna kipin dikna tawh a dim lungsim nei-in Pasian kiangah nai ni.

Mangmuhna 7:14

“Topa aw, nang na thei hi,” ka ci kik a, tua upa in, “Tua mite in gimna lianpi sung pan hong pusuakkhia mi ahi uh hi. Amau puante zong Tuuno’ sisan tawh kisawp siang a, a kipaaksak uh hi.