Johan 13:7 - Tedim Bible

⁷ Zeisu in, “Tu lai taka ka bawlna thu na thei kei hi. Tu nung ciangin na thei ding hi,” a ci hi.

Tedim Bible Revision 2017

⁷ Jesu in, “Tu-a ka gamtatna thu na theih loh hangin nidang ciangin na thei ding hi,” a ci hi.

Johan 13:7 Iomraidhean Croise

Jeremiah 32:43

Nangmah in hih gam in mihing leh ganhing’ teen’ lohna gam simtham hi a, Khaldea mite’ khut sungah kipia ding hi, ci-a na gen hangin hih gamah lo kilei kik ding hi.

Daniel 12:12

Ni tulkhat leh zathum leh sawmthum leh nga dong muan’ huai taka a ngak zo kenkante in thupha a ngah ding uh hi.

Daniel 12:8

A thugen ka za a, ahih hangin tel takin ka thei kei hi. Tua ahih ciangin, “Topa aw, bang ci bangin beina a hong piang ding hiam?” ci-in ka dong hi.

Johan 12:16

Tua thute a cilin a nungzuite in a theih loh uh hangin, Zeisu in minthan’na a ngah khit ciangin Topa thu tua bangin kigelh a, ama tungah tua bangin a bawl ding hi a cihna thu a phawk uh hi.

Johan 13:36

Simon Piter in, “Topa aw, koi lam pai ding na hi hiam?” a cih ciangin Zeisu in, “Ka paina lamah tu-in nong zui zo kei ding hi. Tu nung ciangin na hong zui ding uh hi,” a ci kik hi.

Johan 13:6

Tua ahih ciangin Simon Piter kiang a tun’ ciangin Piter in, “Topa aw, kei’ khe zong sil ding na hi hiam?” a ci hi.

Johan 14:26

Ahih hangin ka min tawh Pa in hong sawl ding Huhpa a kici Kha Siangtho in na khempeuh hong hilh ding a, no kiangah kong gen khempeuh hong phawkkik sak ding hi.