Johan 13:5 - Tedim Bible

⁵ Tua ciangin kuang sungah tui sungin a nungzuite’ khe silsak a, a kawng a, a ten’ dial tawh a nul hi.

Tedim Bible Revision 2017

⁵ Tua ciangin kuangpi sung khat ah tui sung a, a nungzuiteʼ khe silsakin a kawng ah a teen a mainulpi tawh a nul keusak dingin a kipan hi.

Johan 13:5 Iomraidhean Croise

Piancilna 18:4

-

Piancilna 19:2

“Ka tote aw, kong thum hi, na nasempa’ inn lamah hong kihei un la, hong giak un, na khete uh sil un; tua ciangin zingsangin tho baihin na pai nading lam uhah pai pan un,” ci hi. Amaute in, “Hi lo hi; khua sung tualpi-ah ka giak ding uh hi,” ci hi.

Piancilna 43:24

Mipa in Josef' innah amaute paipihin, amaute tui pia-in, amaute in a khe uh sil khinin, amah in amaute’ late gan-an a piak khit ciangin,

2 KUMPI NIHNATE 3:11

Tua ciangin Jehoshafat in, “Ama tung tawnin Topa tungah thu i dot theih nadingin hih lai-ah Topa’ kamsang om lo ahi hiam?” a ci hi. Tua ciangin Israel kumpipa’ nasemte khat in dawngin, “Elijah’ khut, tui a buak zel, Shafat’ tapa Elisha om hi,” a ci hi.

Late 51:2

Ka khialhna panin kei hong silsiang kiuhkeuh in la, ka mawhna panin hong siangsak in!

Paikhiatna 29:4

Aaron leh a tapate kikhopna buk kongkhak-ah na paipih ding a, amaute tui tawh na sil ding hi.

Isaiah 1:16

Note kisil tawm un la, a siangtho-in kibawl un; keima muhna-ah na gamtat siatnate uh paikhia un; siatna na bawlte uh khawl un la,

Ezekiel 36:25

Note tungah tui siangtho kong theh ding a, na milim biakna uh leh note hong ninsak na dang khempeuh panin kong siangsak ding hi.

Siampi Laibu 14:8

A kisiangsak ding mipa in a puante sawpin, a mul khempeuh met khia-in, tui sungah amahmah kisilin, amah in a siang hi ding hi; tua khit ciangin amah giahphual ah hong ciah ding a, ahih hangin ama puanbuk pua lamah ni sagih sung om ding hi.

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.

Luka 7:38

a nung lam pan a khe kiangah ding-in kap a, a khe khitui tawh kawtsakin, a sam tawh a nul hi. Ama khe zong nam a, paknamtui tawh a zut hi.

Luka 7:44

Tua ciangin numei lam kihei a, “Nang in hih numei na mu hiam? Na innah kong lut lai-in khe sil nading tui nong pia kei hi. Hih numei in ka khe khitui tawh kawtsak a, a sam tawh a nul zo hi.

Johan 13:10

Zeisu in, “A kisilsate in khe longal sil ding a deih kei hi, a pumpi a siang hi. No na sian’ uh hangin na vekpi-un na siang kim kei uh hi,” a ci hi.

Johan 13:6

Tua ahih ciangin Simon Piter kiang a tun’ ciangin Piter in, “Topa aw, kei’ khe zong sil ding na hi hiam?” a ci hi.

Johan 13:8

Piter in “Ka khe cikmah hunin na sil kei ding hi,” a cih ciangin Zeisu in, “Nang kong sil kei leh, kei tawh na kipawl thei kei ding hi,” ci-in a gen hi.

Johan 19:34

Ahih hangin galkap khat in a pang teipi tawh sun a, si leh tui thakhatin a luangkhia hi.

Sawltak 22:16

Tu-in zong bang ngak na hi hiam? Tho in, kibaptaiz in la, Pasian kiangah thugenin, na mawhna na kisawpsiang ding hi,’ hong ci hi.

1 KORIN MASA 6:11

Note kimkhat in nidang lai-inah tuate bangin na om uh zongin, tu-in Topa Zeisu Khazih’ min leh i Pasian’ Kha Siangtho tawh na kisilsiang uh a, siangthona leh dikkisakna na ngah uh hi.

Efesa 5:26

Tua pawlpi in siangtho-in mawhsakna om lo ahih ciangin,

1 TIMOTI MASA 5:10

na pha sem a, maipha a ngah, a tate a khoi thei, zin a do thei, mi siangthote’ khe a sil thei, gimna thuakte a hehnem thei, nasepna a pha khempeuh a sem thei numei ahih leh, tua numei a min na khum ta in.

Hebru 10:22

eite in lungsim kisuan’na om loh nadingin kitheh a, tui siangtho tawh i pumpi i kisil khit ciangin up khialhna om lo, upna kipin dikna tawh a dim lungsim nei-in Pasian kiangah nai ni.

1 JOHAN MASA 1:7

Amah in khuavak sungah a om mah bangin eite zong khuavak sungah i om leh, khat leh khat kihothei-in, a Tapa Zeisu’ si in eite mawhna khempeuh hong sawpsiang hi.

1 JOHAN MASA 5:6

Tui leh sisan tawh hong pai Topa in Zeisu Khazih ahi hi. Tui bek tawh hi loin, tui tawh ahi zongin, sisan tawh ahi zongin a hong pai hi.

Mangmuhna 7:14

“Topa aw, nang na thei hi,” ka ci kik a, tua upa in, “Tua mite in gimna lianpi sung pan hong pusuakkhia mi ahi uh hi. Amau puante zong Tuuno’ sisan tawh kisawp siang a, a kipaaksak uh hi.

Thukhente 19:21

Tua ahih ciangin amah in a innah ciahpih in late gan-an pia hi; amaute in a khe uh silin, ne-in dawn uh hi.

1 SAMUEL MASA 25:41

Tua ciangin amah ding-in lei-ah a mai kun a, “En un, na nasemnu in ka topa’ nasemte’ khe a silsak ding nasem ahi hi,” a ci hi.