Johan 13:27 - Tedim Bible

²⁷ Tua khomun kam khat a san’ khit ciangin Satan ama sungah a lut hi. Tua ciangin Zeisu in, “Na bawl nading thu a manlangin hih in,” a ci hi.

Tedim Bible Revision 2017

²⁷ Judas in tua an a nek khit phetin ama sungah Satan hong lut pah hi. Tua ahih manin Jesu in ama kiangah, “Na hih ding peuhpeuh hih pak in,” a ci hi.

Johan 13:27 Iomraidhean Croise

1 KUMPI MASATE 18:27

Sun ciangin Elijah in amaute zahpihin, “Amah in pasian ahih ciangin a gingin kiko un; amah in thu a lungngaih laitak, ahih kei leh mun dangah paikhia, ahih kei leh khualzin, ahih kei leh amah ihmu-in phot ding kisam hi kha thei ding hi,” a ci hi.

Late 109:6

Ama langah migilo khat pangsak in la, thusitna thuak dingin mawhna zong mipa khat paipihsak in.

Paunak 1:16

Amaute a sia-in gamta nuam vanvan uh a, mi thah ding haksa sa lo uh hi.

Thuhilh-sia 9:3

Mi khempeuh’ thumong kibang kim a, hih thu in leitunga thupiang lakah a man het lo khat ahi hi. Mihingte a nuntak lai teng, gitlohna leh a mawkna thu tawh a lungsim uh kidim a, theih kholh lohin mihingte si pak uh hi.

Daniel 2:15

Amah in Ariok kiangah, “Bang dinga kumpipa in hi zah taka thu khauh suaksak ahi hiam? ci-in a dong hi. Ariok in thu piang khempeuh a gen hi.

Mattiu 12:45

Tua ciangin pai a, amah sangin a gilo zaw dawi sagih va sam a, tua pa sungah a lut uh hi. Tua ahih ciangin, tuapa a pian’ nunung pen in a pian’ masak sangin a siazaw hi. Tua mah bangin hih a gilo khang mite zong ahi ding hi,” a ci hi.

Mattiu 4:10

Zeisu in “Satan aw, kihemkhia in. Na Topa Pasian na bia ding hi; ama na bek na sem ding hi,’ ci-in Lai Siangtho sungah kigelh hi,” a ci hi.

Marka 6:25

Numeino thakhatin kumpipa kiangah tum a, “Baptaizpa Johan’ lutang dalkuang sungah hong pia le-cin ka ut hi,” a ci hi.

Luka 22:3

Tua lai takin Satan in sawm-le-nihte lakah khat Iskariot kici Judah sungah a lut hi.

Johan 13:2

Dawimangpa in Simon’ tapa Judas Iskariot sungah Zeisu a lehheek nadingin lungsim a guan’ khit ciangin; nitak an a nek lai takun,

Johan 13:28

Bang hangin tua bang a gen hiam ci-in a sabuai-a tute kuamah in a thei kei uh hi.

Johan 6:70

Zeisu in, “sawm-le-nihte hong teel hilo ka hi hiam? Ahih hangin note lakah khat in dawi hilo ahi hiam?” a ci hi.

Sawltak 5:3

Piter in, “Ananias aw, nang in Kha Siangtho kheem a, lei na zuak a man kimkhat na seel nadingin Satan in nang lungsim bang tawh hong dimsak hiam?