Johan 13:19 - Tedim Bible

¹⁹ Hih thute hong tun’ ciangin tua pa ka hih lam na theih nadingun, hong tun’ ma-in no kiangah kong genkhol hi.

Tedim Bible Revision 2017

¹⁹ Hih thu hong tun taktak ciangin, ‘Kei kua ka hihna,’ na hong theih nadingun a hun ma-in a hong ma gen ka hi hi.

Johan 13:19 Iomraidhean Croise

Isaiah 41:23

Note pen pasiante na hihna uh ka theih nadingun tu khit ciang-a hong piang ding thute kote tungah hong gen un; kote lungkia-in ka lau nadingun phatna ahi a, siatna ahi zongin khat peuhpeuh hong bawl dih un.

Isaiah 43:10

“Note in keima tecite na hi uh hi,” Topa in ci a, “Kei pen Amah ka hihna thu, nangmah in thei-in keimah nong up nading leh na theihtel theih nadingin kong teelsa ka nasempa na hi hi. Kei’ ma-in pasian om lo a, kei’ khit ah zong kuamah om lo ding hi.

Isaiah 48:5

note in, ‘Ka milim un hihte bawl a, a kisui ka milim leh a kisung ka milim un thu pia hi,’ na cih theih loh nadingun tanglai-a kipanin hih thute note tungah kong gen a, tuate hong pian’ ma-in note tungah kong zasak khol hi.

Malakhi 3:1

Hih banga na thu genna uh tawh kisai-in Vanglianpen Topa in hong dawng a, “Ka pai nading lampi a bawl khol dingin ka kamtaipa ka sawl ding hi. Tua ciangin na ngakngak uh Topa a biakinn sungah thakhat thu-in hong pai ding hi. Na muh nop uh kamtaipa hong pai-in ka thuciamna hong taangko ding hi,” a ci hi.

Mattiu 11:3

“Nangmah in a hong pai dingpa taktak na hi hiam? Ahih kei leh, midang khat ka lamen lai ding uh hiam?” ci-in a dong sak hi.

Mattiu 24:25

En un, tua thu kong genkhol zo hi.

Luka 21:13

Tuate in note’ teci pan nading ahi hi.

Johan 1:15

Johan in ama ading teci pangin a kikona in, “Ka nungah hong paipa in kei om ma-in om ahih ciangin, kei sangin a lianzaw hi, kong cihna in hih pa ahi hi,” ci-in a kiko hi.

Johan 14:29

Tua thu a tun’ ciangin na up nadingun, hong tun’ ma-in kong genkhol zo hi.

Johan 16:4

Amau hun a tun’ ciangin kong gensa hih thute na phawk kik nadingun tu-in kong genkhol hi.” “Acil panin hih thute note kiangah kong gen ngei kei hi. Bang hang hiam na cih uh leh, note tawh keimah ka omkhawm lai hi.

Johan 4:26

Zeisu in, “Nang tawh a kiho keimah in Messiah ka hi hi,” a ci hi.

Johan 8:28

Tua ahih ciangin Zeisu in, “Note in Mihing Tapa na khaitoh khit uh ciangin, tua pa ka hih leh ka deih bang hih loin ka Pa in hong sinsak bangin hih thu ka gen hi cih note’n na thei ding uh hi.

Johan 8:58

Zeisu in, “Ke’n aman takpi kong cih-inah, Abraham’ pian’ ma-in kei ka om hi,” a ci hi.