Johan 13:18 - Tedim Bible

¹⁸ Note khempeuh kong ci nuam kei hi. Ka teel mite ka thei hi. ‘Keima an a ne mi in a khetul tawh hong peek hi,” ci-a Lai Siangtho thu a tun’ nading ahi hi.

Tedim Bible Revision 2017

¹⁸ “Hih bangin ka hong genna in note khempeuh hong huam kim lo hi. Ka teel sa mite ka thei hi. Lai Siangtho in, ‘Ka an a ne pa in kei hong langpang hi,’ a cihna thu a tun ding kisam hi.

Johan 13:18 Iomraidhean Croise

Late 41:9

Ka muan’, ka lawm itpa, keima an a nepa nangawn in, a khetul tawh keimah hong peek hi.

Jeremiah 41:2

Nethaniah’ tapa Ishmael leh tua mi sawmte in, Babilon kumpipa in gam uk ding a, a koih Ahikam’ tapa, Shafan’ tupa Gedaliah pen namsau tawh a sat uh a, a thatlum uh hi.

Mattiu 10:36

Mi khat adingin ama innkuanpihte mah a gal hong suak ding hi.

Mattiu 26:21

An a nek lai takun Zeisu in, “Ke’n aman takpi kong cih-inah, note lakah khat in kei hong lehheek ding hi,” a ci hi.

Mattiu 26:23

Zeisu in, “Kei tawh kuang sungah an ka sawk khawmpihpa in kei hong lehheek ding hi.

Marka 14:17

Nitak ciangin Zeisu in Sawm-le-nihte tawh hong paikhawm uh hi.

Marka 14:18

Tu-a an a nek lai takun Zeisu in, “Ke’n aman takpi kong cih-inah, note lakah kei tawh an a ne khawm khat in kei hong lehheek ding hi,” a ci hi.

Marka 14:20

Zeisu in, “Sawm-le-nihte lakah khat, kei tawh ankuang ka sawk khawmpihpa ahi hi.

Luka 22:21

Ahih hangin kei hong lehheekpa’ khut in sabuai tungah keima khut tawh a omkhawm hi.

Johan 13:21

Tua bangin Zeisu in a gen khit ciangin, a lungmang mahmah a, “Note khat in hong lehheek ding hi,” ci-in a tel gen hi.

Johan 13:22

Kua a cihna hiam ci-in a nungzuite kimuangmawh ciatin, khat leh khat a ki-en uh hi.

Johan 13:26

Zeisu in, “Ama ading khomun kam khat ka diah khit ciangin ka piakpa ahi hi,” a cih khit ciangin, khomun kamkhat diah a, Simon’ tapa Judas Iskariot a pia hi.

Johan 15:16

Note in kei nong teel kei uh hi; no kong teel hi. Note pai-in, a tampi na gah khit uh ciangin, na gah uh a kip nadingin kong koih zo hi; tua ciangin ka min tawh thu na nget khempeuh uh Pa in hong pia ding hi.

Johan 15:19

Note in leitung mite tawh na kipawl uh leh, leitung mite in amau mipawl note hong it ding uh hi. Ahih hangin leitung mite lak pan note kong teelkhia hi; leitung mite tawh na kipawl kei uh a, tua ahih ciangin leitung mite in no hong mudah uh hi.

Johan 15:25

Tua ahih ciangin, ‘Thu om loin kei hong mudah uh hi,’ ci-in amau Thukhamna sungah a kigelh bangin a tun’ nading ahi hi.”

Johan 17:12

Amaute tawh ka omkhawm lai takin nong piaksa mite nangma min tawh ka kipsak zo a; amaute ka kem zo hi. Lai Siangtho a tun’ nadingin, amaute lakah kisiatna’ tapa khat longal kuamah a kisia kei hi.

Johan 18:32

Tua bang a cihna in, Zeisu in bangci a sih ding ci-in lim lak a, a genkholh mah bangin a tun’ nading ahi hi.

Johan 19:24

Tua ahih ciangin, “Hih puan balkeek kei ni. Kua in ngah ding hiam lai-ai i saan ding hi,” ci-in, Lai Siangtho sungah a kigelhna thu a tun’ nadingin galkapte a kikum uh hi. Tua thu in: “Amaute khat leh khat in ka puan a hawm uh hi; Ka puan tungah lai-ai a saan uh hi,” ci-in a kigelh hi. Galkapte in tua thu a bawl uh hi.

Johan 19:36

Bang hang hiam i cih leh, “A guh khat beek a kikuaitan kei ding hi,” ci-a Lai Siangtho sungah a gen bangin a tun’ nadingin hih teng a kibawl hi.

Johan 21:17

Zeisu in, “Johan’ tapa Simon aw, kei na hong it hiam?” ci-in thumveina a dong hi. “Nang in kei na hong it hiam?” ci-in thumvei a dot man-inah Piter dah a, “Topa aw, nang in na khempeuh na thei a, ke’n nang kong it na thei hi,” a cih ciangin Zeisu in, “Ka tuute na vak in.

Johan 6:70

Zeisu in, “sawm-le-nihte hong teel hilo ka hi hiam? Ahih hangin note lakah khat in dawi hilo ahi hiam?” a ci hi.

Sawltak 1:16

“Ute naute aw, Zeisu a man mite lam hilhpa Judas Iskariot thu Kha Siangtho in David’ kam sung panin thu hong genkholh Lai Siangtho sungah a om thu a tun’ nading a om hi. Bang hang hiam na cih uh leh, amah in kote tawh kisimkhawm a, thuhilhna za a ngah zo hi.

Sawltak 1:2

a tunglam a kilaktoh ni dong matengin a bawlsa leh a thuhilh khempeuh, a masa lai sungah ka gelh zo hi.

2 KORIN NIHNA 4:5

Kote in komau thu ka hilh kei uh hi. Zeisu Khazih in Topa ahi hi cih ahi zongin, kote in Zeisu Khazih ading note’ sila ka hi uh hi, cih ahi zongin ka hilh uh hi.

Hebru 4:13

Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

Mangmuhna 2:23

Ama tate zong ka that ding hi. Tua ahih ciangin keimah in lungsung sinsung a zong kawikawi thei Topa ka hih thu, pawlpi khempeuh in a thei ding uh hi. Note khempeuh zong na gamtatna uh tawh kituakin ka hong thukkik ding hi.