Johan 12:48 - Tedim Bible

⁴⁸ Kei hong nolh a, ka thu a ngai lo mi in thukhen ding mi khat a nei hi. Ka hilhna thu in ni tawp Ni ciangin tua mi tungah thu a khen ding hi.

Tedim Bible Revision 2017

⁴⁸ Kei hong nialin ka thugen a sang lo mite in thukhen ding khat nei uh hi. Nitawp ni ciangin keima thugente pen amauteʼ thukhen ding ahi hi.

Johan 12:48 Iomraidhean Croise

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Mattiu 10:15

Ke’n aman takpi kong cih-inah, thukhen ni ciangin tua khua in, Sodom leh Gomorrah khuate sangin a thuakzaw ding hi.”

Mattiu 21:42

Tua ciangin Zeisu in: “‘Inn lamte’n a nilkhiat suang in, A nung ciangin innkiu suang a piang hi. Tua thu Pasian in bawl a, Eite mai-ah a lamdang hi,’ a cihna Lai Siangtho sungah note in khatvei beek sim ngeilo na hi uh hiam?

Mattiu 25:31

“Mihing Tapa in a minthan’na tawh, vantungmite tawh hong paikhop ciangin, minthan’na tokhom tungah hong tu ding hi.

Marka 12:10

Inn lamte’n a nilkhiat suang in, A nung ciangin innkiu suang a piang hi.

Marka 16:16

Thu um a, a kibaptaizte in gupna a ngah ding uh hi. A um lote in mawhna thutan’na a thuak ding uh hi.

Marka 8:31

Zeisu in, “Mihing Tapa in gimna tampi thuak ding a, upate, siampi liante, leh laitheite in nial ding uh a, amah in thahna thuakin ni thum khit ciangin a thokik ding hi,” ci-in tua a kipanin a nungzuite a hilh hi.

Luka 10:16

Note thu a ngaite in ka thu a ngai hi. Note hong nolhte in kei zong hong nolh hi. Kei hong nolhte in kei hong sawlpa zong a nolh hi,” ci-in Zeisu in a gen hi.

Luka 17:25

Ahih hangin a masa-in amah in gimna tampi thuakin, hih khang mite in hong nial ding uh hi.

Luka 20:17

Zeisu in amaute a et lai takin, “Tua ahih leh, ‘Inn lamte in a nilkhiat suang in anung ciangin innkiu suang a piang hi,’ ci-in a kigelh thu, bang cihnopna ahi hiam?

Luka 7:30

Ahih hangin, Farisaite leh laitheite in amau noptuam nadingin Pasian’ deihna a nial uh a, Johan’ baptaizna a sang kei uh hi.

Luka 9:22

“Mihing Tapa in gimna tampi thuak ding a, upate, siampi liante leh laitheite in nial ding uh a, amah in thahna zong thuak ding a, ni thum khit ciangin a thokik ding hi,” a ci hi.

Luka 9:26

Keimah hang ahi zongin, ka thu hang ahi zongin a maizum peuhmah, Mihing Tapa in ama phatna, Pa phatna leh a siangtho vantungmite’ phatna tawh hong pai ciangin, tua mi a maizumsak ding hi.

Johan 11:24

Martha in, “Ni tawp Ni-a thawhkikna-ah a thokik ding cih ka thei hi,” a ci hi.

Johan 5:45

Pa mai-ah hong mawhsak ding hi ci-in hong um kei un. Note hong mawhsak ding mi khat a om lai hi. Tua pa in kua mi ahi hiam ci-in na dot uh leh, na muanpa uh Moses ahi hi.

Johan 6:39

Kei hong sawlpa’ deihna in kei hong piak mite khempeuh khat beek ka man’suah loh nadingin Ni tawp ni ciangin ka thokik sak ding hi.

Johan 8:47

Pasian tawh a kipawlte in Pasian’ thu a ngai thei hi. Note in Pasian tawh kipawl lo na hih uh ciangin ka thu na ngai kei uh hi,” ci-in a gen hi.

Sawltak 17:31

Bang hang hiam na cih uh leh, amah in a sehkholhpa tawh leitung mite, thuman tawh thukhen nading ni a genkhol zo hi. Tua pa sihna pan a thawhkik ciangin a kitel zo hi ci-in mi khempeuh a thei sak zo hi,” ci-in Paul in a gen hi.

Sawltak 3:23

Tua kamsangpa’ thugenna a ngai lo khempeuhte in amau pawl lak pan kimangthangsak ding hi,’ a ci hi.

ROM (Romans) 2:16

Ka thuhilh Lungdamna Thu bangin Pasian in Zeisu Khazih tawh mite’ selsim lungngaihna a khen Ni ciangin tua bangin a khen ding hi.

2 KORIN NIHNA 4:3

Kote in ka hilh uh Lungdamna Thu in kisin ahih leh, a kisia ding mite tung bekah kisinin a om hi.

Hebru 10:25

Mi kimkhatte’ ngeina bangin khat leh khat kikhopna thu pelh loin, khat leh khat kihansuah ni. A Ni hong nai zo ahih thu na thei uh ahih ciangin na hahkat zaw un.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Hebru 4:12

Bang hang hiam i cih leh, Pasian’ thu in nungta a, vangliatna nei a, lang nih a hiam namsau sangin hiamzaw a, nuntakna leh kha ahi zongin, guh-le-tang leh guhngeek ahi zongin, khenin pailet thei a, lungsim ngaihsutnate leh hanciamnate khempeuh a thei thei hi.

1 PETER MASA 1:5

Tua luahna in a nunung bel hun ciangin hong kilat nadingin a kibawlkholsa-a om gupkhiatna i ngah nadingin i upmanin Pasian’ vangliatna in hong kipsak note ading, vantungah kikhol-a a om luahna ahi hi.

2 PETER NIHNA 3:3

Amasa bel-a theih ding akilawm thu in a nunung bel nite ciangin a kosia thei mite in amaute’ deihgawhna bang gamta-in:

2 PETER NIHNA 3:7

Tu-in a om van leh lei in Pasian bia lo mite kisiatna thukhen ni ading, tua thu hangin mei khul nadingin a kikoih khol zo hi.

1 SAMUEL MASA 10:19

Ahih hangin note in na tuahsiatnate uh leh na lungkhamnate uh khempeuh panin note a hong honkhia na Pasian uh tu ni-in na nial uh hi; note in, ‘Hi lo! kote tungah kumpi khat koih in,’ na ci uh hi. Tua ahih ciangin tu-in na minam nam uh leh a tul tulin Topa’ mai-ah kilak un,” a ci hi.

1 SAMUEL MASA 8:7

Tua ciangin Topa in Samuel kiangah, “Amaute in nang kiangah hong gen thu khempeuh ngai in; bang hang hiam cih leh amaute in nang hong nial hi lo a, amaute tungah kumpi hihna panin kei hong nial ahi uh hi.