Johan 12:42 - Tedim Bible

⁴² Tua bang ahih hangin upa vaihawm tampite nangawn in Zeisu a up uh hangin, biakna innpi sung pan Farisaite in a hawlkhiat ding a lau manunah a kilangin a mang kei uh hi.

Tedim Bible Revision 2017

⁴² Tua bang hitaseleh Jew mi ulian tampi in Jesu a um uh hi. Ahi zongin Farisi mite in kikhopna inn panin a hawlkhiat ding lau uh ahih manin a kilangin gen khia ngam lo uh hi.

Johan 12:42 Iomraidhean Croise

Paunak 29:25

Midangte kihtakna in hong lunghimawhsak a, Topa muan’na in hong lungmuangsak hi.

Isaiah 51:7

“Thumanna a thei, na lungsim sung uhah keima thu a vom mite aw, ka thu ngai un; mihingte’ kosiatna kihta kei un la, amaute’ simmawhna hangin lungkia kei un.

Isaiah 57:11

Nang zuau-in, kei hong phawk loin, kei nong ngaihsut loh nadingin na kihtak hih pasiante bang ahi hiam? Sau veipi sung pau loin ka om hit-hiat manin kei hong zahtak lo na hi hiam?

Isaiah 66:5

Ama thu ah lau-in a liing mite aw, Topa’ thu za un: Kei tungah note nong cihtakna hangun na mipihte pawlkhat un note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

Jeremiah 38:19

Kumpipa Zedekiah in Jeremiah kiangah, “Khaldea mite’ kianga a tai Judah mite ka kihta hi. Amaute’ khut sungah kei hong kipia leh amaute in kei hong bawlsia ding uh hi,” a ci hi.

Mattiu 10:32

“Mite mai-ah kei hong mang hong ngai peuhmah, vantungah ka Pa mai-ah zong ka ngai ding hi.

Luka 12:8

“Ke’n kong cih-inah, mite mai-ah kei hong mang hong ngai khempeuh, Mihing Tapa in Pasian’ vantungmite mai-ah a ngai ding hi.

Luka 23:13

Pilat in siampi liante, upate leh mite sam a,

Luka 6:22

Mite in Mihing Tapa hangin note muhdah uh a, hong hawlkhiat uh a, hong kosiat uh a, na min uh hong siatsak ciangin, thupha na ngah ding uh hi.

Johan 11:45

Tua ahih ciangin Mari kiangah hong pai Judah mi tampite in Zeisu’ bawlna a muh uh ciangin a um uh hi.

Johan 12:11

Bang hang hiam i cih leh, amah hangin Judah mi tampite paikhia uh a, Zeisu a um uh hi.

Johan 16:2

Amau in kikhopna innsung pan note hong hawlkhia ding uh hi. Ahi hi; hong that mite khempeuh in Pasian’ na ka sem hi ci-in a ki-um ding uh hi.

Johan 19:38

Tua nung ciangin, Arimathea khua Josef in Judah mite a kihtak manin a kilang loin Zeisu’ thu a zui mi hi a; Zeisu’ luang a paipih nadingin Pilat kiangah a ngen hi. Pilat in thu a pia hi. Tua ahih ciangin tua pa hong pai a, Zeisu’ luang a paipih hi.

Johan 3:2

Tua pa zan lai takin Zeisu kiangah pai a, “Rabbi aw, nangmah in Pasian kiang pan hong pai thuhilhpa na hi cih kote in ka thei uh hi. Bang hang hiam na cih leh, na bawl nalamdangte Pasian in nangmah tawh a omkhawm kei leh, kuamah in a bawl thei kei ding hi,” a ci hi.

Johan 7:13

Ahih hangin Judah mite a kihtak manunah kuamah in a tel takin a gen ngam kei uh hi.

Johan 7:31

Mihonpi lakah mi tampite in amah um uh a, “Khazih hong pai ciangin hih pa’ lah sangin nalamdang zaw a lak ding hiam?” a ci uh hi.

Johan 9:22

A nu leh pate in Judah mite a kihtak manunah tua bangin a gen uh hi. Bang hang hiam i cih leh, “Zeisu in Khazih ahi hi a ci mi khempeuh biakna innpi pan kihawlkhia ding hi,” ci-in amaute in a vaihawm zo uh hi.

Johan 9:34

Amaute in, “Nangmah in na suah akipan khialhna tawh kidim hi napi-in, kote thu hong hilh ding na hi hiam?” ci-in tua pa biakna innpi pan a hawlkhia uh hi.

Sawltak 5:41

Tua ciangin sawltakte in Zeisu’ min hanga zumhuaina thuak dinga kilawm a kisak manun ah lungdamin, upa vaihawmna pan a paikhia uh hi.

ROM (Romans) 10:10

Dikkisakna ngah nadingin lung sungah ki-um hi. Gupna ngah nadingin kam tawh kipulak hi.

1 JOHAN MASA 4:15

Zeisu in Pasian’ Tapa ahi ci-a mang mi khempeuh in Pasian sungah om a, Pasian zong tua mi sungah a om hi.

1 JOHAN MASA 4:2

Pasian’ Kha Siangtho theih nadingin Zeisu Khazih mipum bangin hong pai zo hi ci-in a mang kha khempeuh in Pasian tawh kipawl hi.