Johan 12:36 - Tedim Bible

³⁶ “Khuavak in note tawh a omkhawm lai takin khuavak’ tate na suah nadingun khuavak na um un,” ci-in a gen hi. Tua thu teng Zeisu in a gen khit ciangin, paikhia-in a bu hi.

Tedim Bible Revision 2017

³⁶ Khuavak mite na suah theih nadingun khuavak na neih hun sungun tua khuavak um un,” a ci hi. Jesu in hih thu teng a gen khit ciangin pai khia-in amaute kiang panin a bu hi.

Johan 12:36 Iomraidhean Croise

Isaiah 60:1

Jerusalem khuapi aw, tho in la, sun nitaang bang in! Topa minthan’na in nangma tung hong taan’ zo hi.

Mattiu 21:17

Tua lai takin, amaute paisanin khua sung pan paikhia a, Bethani khua tungin tua san takah a giak hi.

Mattiu 5:14

Note in leitung khuavak na hi uh hi. Mual dawnah a om khua kiliah zo lo hi.

Luka 16:8

Thuman lo sumkempa in pilna tawh ahih ciangin a topa in a phat hi. Bang hang hiam na cih uh leh, leitung’ tate in amau khang lakah khuavak’ tate sangin a pil zaw uh hi.

Johan 1:7

Mi khempeuh in ama hangin thu um dingin teci pang a, khuavakna thu teci pang dingin a hong pai hi.

Johan 11:54

Tua ahih ciangin Judah mite lakah a kilangin Zeisu a pai nawn kei hi. Tua mun panin paikhia-in, gammang tawh kinai Efraim kici khua-ah pai a, a nungzuite tawh a omkhawm hi.

Johan 12:37

Tua zah nalamdang tampi amaute mai-ah a lah hangin, amau in a um kei uh hi.

Johan 12:46

Kei hong um mi in khuamial lakah a om loh nadingin kei khuavakin leitungah kong pai hi.

Johan 3:21

Ahih hangin thuman a gamta mi in ama gamtatna Pasian’ deihna tawh kituak cih a kilatsak nadingin khuavakna-ah a pai hi,” ci-in a gen hi.

Johan 8:12

Khatvei Zeisu in, “Keimah in hih leitung khuavak ka hi hi. Ka nung hong zuite in khuamial lakah pai loin nuntakna khuavak a ngah ding hi,” a ci hi.

Johan 8:59

Tua ahih ciangin amaute in Zeisu suang tawh deeng dingin suang tawm uh a, ahih hangin Zeisu bu-in biakna innpi sung pan a paikhia hi.

Efesa 5:8

Bang hang hiam na cih uh leh, nidang lai-inah note in khuamial na hi uh hi; tu-in na hih uh leh, Topa sungah khuavak na hi uh hi. Tua ahih ciangin khuavak’ tate bangin na gamta un.

1 THESALONIKA MASA 5:5

Bang hang hiam na cih uh leh, note khempeuh in khuavak’ tate, sun lai’ tate na hi uh hi. Eite in zan tawh ahi zongin, khuamial tawh ahi zongin a kipawl i hi kei hi.

1 THESALONIKA MASA 5:8

Eite i hih leh, sun lai tawh kipawl mite i hih ciangin ei mahmah kikepna nei-in, upna leh itna tawh kipawl awmdalna ahi zongin, bulhin, gupkhiatna’ lametna tawh kipawl siklukhu ahi zongin khu-in om ni.