Johan 12:34 - Tedim Bible

³⁴ Tua hi a, mihonpite in, “Khazih a om tawntung ding hi,’ ci-in Thukhamna sungah ka za zo uh hi. Tua bang ahih leh, ‘Mihing Tapa in kikhaina a thuak ding hi,’ bang hangin ci na hi hiam? Hih Mihing Tapa kua mi ahi hiam?” ci-in a dong uh hi.

Tedim Bible Revision 2017

³⁴ Tua ciangin mihonte in, “Khris nungta tawntung ding hi, ci-in Thukham sungah kigen hi. Bang hangin Mihing Tapa kikhai to ding ci na hi hiam? Hih Mihing Tapa kua ahi hiam?” a cih uh ciangin

Johan 12:34 Iomraidhean Croise

2 SAMUEL NIHNA 7:13

Amah in keima min dingin inn khat lam ding a, keimah in ama kumpigam tokhom a tawntungin ka kipsak ding hi.

Late 110:4

Topa in thuciam zo a, ama ngaihsutna kheel lo ding hi. “Melkhizedek bangin nang in a tawntungin siampi na hi hi,” a ci hi.

Late 72:7

Ama hun sungin thumanna pung hen la, khapi a bei mateng nopna om ta hen!

Isaiah 53:8

Nenniamna leh thukhenna tawh amah kipaikhiatpih hi; a hingte’ gam panin amah kikhenkhia-in, ama mite’ khialhna hangin amah in gimna thuak hi, ci-in ama khang mite kua in thei ahi hiam?

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Daniel 7:14

Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.

Daniel 7:27

Hih leitung kumpigam leh, vangliatna leh liatna khempeuh Sangpen Pasian mite tungah a kipia ding hi. Amau’ kumpi za in cikmah hunin bei ngeilo ding a, leitung ukna za a nei khempeuhte in a thu uh mangin amau’ na a sem ding uh hi.

Micah 4:7

Khebaite ka om sak lai ding a, a kipaikhia mite a thahat minamte ka hisak ding hi. Tua hun akipan a tawntungin, Zion Mual panin amaute ka uk paisuak ding hi.

Mattiu 16:13

Zeisu in Filippi-Kaisaria khua a tun’ ciangin, “Mite in kei, Mihing Tapa kua mi hi hong ci uh hiam?” ci-in a nungzuite a dong hi.

Mattiu 21:10

Jerusalem khuapi a tun ciangin, khua zangpi-in kising hehu uh a, “Hihpa in kua mi ahi hiam?” ci-in a dot uh leh,

Mattiu 8:20

Zeisu in, “Ngiate in kua nei uh hi. Vasate in zong bu a nei uh hi. Ahih hangin Mihing Tapa in ahih leh, a lutang ngak nading mun a nei kei hi,” a ci hi.

Johan 10:34

Zeisu in, “Note in pasiante na hi uh hi ka ci hi,’ ci-in note’ Thukhamna lai sungah kigelh hilo ahi hiam?

Johan 12:32

Keimah leitung pan hong kikhai ciangin mi khempeuh keima kiangah ka kai ding hi,” a ci hi.

Johan 15:25

Tua ahih ciangin, ‘Thu om loin kei hong mudah uh hi,’ ci-in amau Thukhamna sungah a kigelh bangin a tun’ nading ahi hi.”

Johan 8:28

Tua ahih ciangin Zeisu in, “Note in Mihing Tapa na khaitoh khit uh ciangin, tua pa ka hih leh ka deih bang hih loin ka Pa in hong sinsak bangin hih thu ka gen hi cih note’n na thei ding uh hi.

ROM (Romans) 3:19

Thukham in a gen thu khempeuh thukham nuai-ah a om mite kiangah a gen hi cih i thei hi. Tua ahih ciangin kam a vekpi kikham uh a, leitungmi khempeuhte in Pasian mai-ah mawhsakna a thuak ding uh hi.

ROM (Romans) 5:18

Tua ahih ciangin mi khat hangin mi khempeuh in daan thuak hen ci-in thu kikhenna a thuak uh mah bangin dikna tawh kipawl hihna khat hangin mi khempeuhte in nuntakna tawh kipawl dikkisakna a ngah uh hi.

Hebru 7:24

Zeisu ahih leh, a tawntung kip ahih ciangin a kikheel ngei lo siampi-za a ngah hi.