Johan 12:3 - Tedim Bible

³ Tua lai takin Mari in tampi a man mard paknamtui thawl khat la a, Zeisu’ khe nuhin a sam tawh a nul hi. Tua paknamtui in inn sung teng a zeel hi.

Tedim Bible Revision 2017

³ Tua laitakin Mary in a manpha mahmah nard sathau namtui thawl khat hong paipih a, Jesuʼ khe a nuh khit ciangin a sam tawh a nulsak hi. Tua inn sung khempeuh sathau namtui gim hong nam hi.

Johan 12:3 Iomraidhean Croise

Paunak 27:16

Tua bang numei kikho thei lo a, a kikham thei lo huihnung, leh i khut-a sathau tawi nop tawh kibang hi.

Solomon la 1:12

Ka kumpipa a lupna tungah a om lai takin ka paknamtui hong kizeel hi.

Solomon la 1:3

Na omna khempeuh nam vuauvuau a, na min kizaza a, nang hong ngai lo om lo hi.

Solomon la 4:10

It luat, ka lawm ngaih aw, nang tawh kingaih, nuam mahmah hi. Na itna in leenggahzu sangin khumzaw a, na paknamtui in paknamtui dang khempeuh sangin namtuizaw hi.

Luka 10:42

Ahih hangin sapna khat bek a om hi. Mari in ahih leh, na hoih khat a teel zo hi. Tua na in ama tung pan kilakhia lo ding hi,” ci-in a gen hi.

Luka 7:46

Ka lu sathau nong nilhsak kei hi. Amah in ahih leh, ka khe paknamtui tawh hong nilhsak hi.

Johan 11:2

Cinapa Lazaras’ sanggamnu Mari in Zeisu’ khe sathau nuh a, a sam tawh a nulsaknu hi.

Johan 11:28

Tua bang a cih khit ciangin Martha ciah a, a sanggamnu kiangah, “Sia hong tung zo a, nang hong sam hi,” ci-in a ko sim hi.

Johan 11:32

Tua ahih ciangin, Mari in Zeisu omna munah tung a, Topa a muh ciangin a khe mai-ah bokin, “Topa aw, nang om lecin ka sanggampa a si kei ding hi,” a ci hi.

Johan 19:39

Nidanga zan lai taka Zeisu kiangah a pai Nikodemas in pound zakhat a khai mirrah leh aloes kihel paknamtui a paipih hi.