Johan 12:29 - Tedim Bible

²⁹ A kimkot a, ding mihonpite in hih thu a zak uh ciangin, “Van ging hi,’ a ci uh hi. Kimkhat in, “Vantungmi khat in amah tawh kiho hi,” a ci uh hi.

Tedim Bible Revision 2017

²⁹ Tua kiim a ding mihonte in a awging za uh a, “Van ging bang hi,” a ci uh hi. Pawl khatte in, “Vantungmi in amah hopih hi,” a ci uh hi.

Johan 12:29 Iomraidhean Croise

JOB (Job) 40:9

Kei zahin nang hat na hi hiam? Kei’ awging zahin nang aa ging zo ding ahi hiam?

Paikhiatna 19:16

A ni thum ni zingsang ciangin vangingte leh khuaphialepte omin, mual tungah meii sahpi om a, nakpi takin a ging peengkul kitum ahih manin giahphual-a om mi khempeuh liing uh hi.

Paikhiatna 20:18

Tu-in mite khempeuh in vangingte, khuaphialepte, peengkul aw leh mual meikhu thu a theihtel uh ciangin, mite lau-in liing uh hi; amaute a gamla-ah ding uh a,

Ezekiel 10:5

Kherubte’ khazap ging pen biakinntual puanung ciang dongah kiza a, Vanglian Pasian a pau ciangin a awging tawh kibang hi.

Sawltak 9:7

Saul tawh a paikhawm mite in tua aw a zak uh hangin kuamah mu loin, pau thei loin, ding-in a om uh hi.

Mangmuhna 11:19

Vantungah a om Pasian’ biakinnpi kihongin thuciamna singkuang biakinnpi sungah a kimuh khit ciangin khuaphelepte, kam aw gingte, vangingte, zinliingte, nakpi gialkiatnate a piang uh hi.

Mangmuhna 14:2

Tua lai takin vantung pan tui tampi ging bang ahi zongin, vanging bang ahi zongin aw khat ka za hi. Ka zak aw in gawsem tumte’ gawsem tum aw tawh kibang hi.

Mangmuhna 6:1

Tuuno in ciamtehna sagih laka khat a hon’ ka mu hi. Tua lai takin ganhing lite-ah khat in vanging aw bang aw tawh, “Hong pai in,” hong cih ka za a,

Mangmuhna 8:5

Tua nungciangin vantungmi in kuang la-in biakna tau pan mei tawh a dimsak khit ciangin leitungah a khiatsuk leh, vanging, aw-ging, khuaphelepte leh zinliingte a piang hi.