Johan 12:2 - Tedim Bible

² Tua ciangin tuasan takah nitak an a vak uh hi. Martha in an a vak hi. Lazaras in Topa tawh an ne pawlte lakah a om hi.

Tedim Bible Revision 2017

² Amaute in nitak an na vak uh a, Lazaras ahihleh Jesu tawh an ne-in tukhawmin, Martha pen an pia-in a manlah hi.

Johan 12:2 Iomraidhean Croise

Solomon la 4:16

Saklam huih aw, hong nungsuk in la, khanglam huih aw, hong nungto in. Ka huan sung teng hong namtui sak un. Ka ngaihno, ka huan ah hong paisak un la, a gah limcipente hong ne sak un.

Mattiu 26:6

Bethani khua-ah miphak Simon’ inn sungah Zeisu a om lai takin,

Marka 14:3

Bethani khua-ah miphak Simon’ inn sungah Zeisu om a, an a nek lai takin numei khat in a manpha mahmah, nard paknamtui suangngo thawl khat a suk khap khit ciangin, Topa’ lu tangah a nilhsak hi.

Luka 12:37

Topa hong ciah ciangin, ngakin a om nasemte in thupha a ngah ding uh hi. Ke’n aman takpi kong cih-inah, topa in a kawng gakin tua naseemte an ne dingin tusak a, hong pai-in amaute a vak ding hi.

Luka 14:12

A sampa kiangah Zeisu in, “Sun an ahi zongin, nitak an ahi zongin na vaak ciangin, na lawmte ahi zongin, na u na nau ahi zongin, na beh na phung ahi zongin, sumhau na inn veengte ahi zongin na sam kei in. Tua bangin na sap leh, amaute in nang hong sam kikin, nang hong thuk ding uh hi.

Luka 22:27

Kua lianzaw hiam: sabuai ah tupa lianzaw hiam? Nasempa lianzaw hiam? Sabuai ah a tupa lianzaw hilo ahi hiam? ahih hangin note lakah nasempa mah bangin ka om hi.

Luka 5:29

Levi in ama innah lawmvakna pawi a bawl hi. Siahdongte leh midang tampite in amaute tawh an ne-in a tu khawm uh hi.

Mangmuhna 3:20

En in, kei in kongkhak kiangah ding-in kiu-in ka om hi. Mi khatpeuh in ka aw za-in kong khak hong hon’ leh, tua mi kiangah ka tum khit ciangin amah tawh an ne khawm, tui dawn khawmin ka om ding hi. Amah in kei tawh an ne khawm tui dawn khawmin a om ding hi.