Johan 12:17 - Tedim Bible

¹⁷ Lazaras han sung pan samkhia a, sihna pan a thawhkiksak lai takin, Zeisu tawh a omkhawm mihonpite in teci a pang uh hi.

Tedim Bible Revision 2017

¹⁷ Jesu in han sung panin Lazaras samin, sihna panin a thawhsakkik a mu mihonte in tua thu mah gen belin a nei uh hi.

Johan 12:17 Iomraidhean Croise

Johan 1:19

Judah mite in, “Nang kua na hi hiam?” ci-in Johan dong dingin siampite leh Levite Jerusalem khua panin a paisak uh hi.

Johan 1:32

Tua lo adang Johan teci pan’na in, “Kha Siangtho vantung pan vakhu bangin hong kumsuka, tua pa tungah a tuang ka mu hi.

Johan 1:34

Keimah in ka mu zo a, hih pa in Pasian’ Tapa hi ci-in teci ka pang zo hi,” ci-in Johan in a gen hi.

Johan 11:31

Tua ciangin dahna hehnem dinga inn sungah Mari tawh a omkhawm Judah mite in, amah tho meengmeenga a paikhiat a muh uh ciangin, amah kap dingin hanah a pai ding hi ci-in a nung a zui uh hi.

Johan 11:42

Nang in keima thu nong ngai niloh cih ke’n ka thei hi. Ahih hangin kei na hong sawl ka hih hong um mihonpite in a up nadingun, amau ading tua thu ka gen hi,” a ci hi.

Johan 12:9

Tuasan takah Zeisu a om Judah mite in a theih uh ciangin, amaute in Zeisu hang bek hi lo, a sisa a thawhkiksak Lazaras zong en dingin a hong pai uh hi.

Johan 19:35

Tua thu a mu mi in teci a pang hi. Ama teci pan’na thu aman hi. Note in na up theih nadingun ama genna thu aman hi ci-in a thei hi.

Johan 21:24

Hih thu khempeuh ading teci pang a, a gelhpa in tua nungzuipa ahi hi. Ama teci pan’na aman hi ci-in kote in ka thei uh hi.

Sawltak 1:22

kote tawh a tawntung a kikhawl mite sung panin khat in kote tawh Zeisu’ thawhkikna thu teci a suak ding hi,” a ci hi.

Sawltak 5:32

Komau in hih thu khempeuh ah teci ka hi uh hi. Topa Pasian in ama thu a mangte a piaksa Kha Siangtho in zong teci ahi hi,” ci-in a dawng uh hi.

Mangmuhna 1:2

Tua Johan in ama muhna khempeuh tawh kizomin Pasian’ thu ahi zongin, Zeisu Khazih’ teci pan’na thu ahi zongin teci a pang hi.