Johan 12:16 - Tedim Bible

¹⁶ Tua thute a cilin a nungzuite in a theih loh uh hangin, Zeisu in minthan’na a ngah khit ciangin Topa thu tua bangin kigelh a, ama tungah tua bangin a bawl ding hi a cihna thu a phawk uh hi.

Tedim Bible Revision 2017

¹⁶ Tua hun laitakin a nungzuite in hih thu a khiatna thei lo uh hi. Ahi zongin Pasianʼ pianzia nei-in Jesu a thawhkik khit ciangin Lai Siangtho in amah a gen ahihna le ama adingin hih bangin a piang ahihna thu a nung phawk uh hi.

Johan 12:16 Iomraidhean Croise

Marka 16:19

Tua ciangin Topa Zeisu in amaute kiangah a gen khit ciangin, vantungah kila to a, Pasian’ ziat lamah a tu hi.

Marka 9:32

A nungzuite in tua thu a theih loh uh hangin a dong kik ngam kei uh hi.

Luka 18:34

Amaute in hih thu khat beek a thei kei uh hi. Hih thu heem gen ahih ciangin a cihnopna a thei kei uh hi.

Luka 24:25

Zeisu in, “Kamsangte hong genkholh thu khempeuh up nadinga pilna nei lote aw,

Luka 24:45

Tua lai takin Lai Siangtho a theih nadingun amaute lungsim a hon’sak hi.

Luka 9:45

Amaute in tua thu a thei kei uh a, a theih loh nadingun a kiseel hi. A cihnopna zong amaute in a dong ngam kei uh hi.

Johan 12:23

Zeisu in, “Mihing Tapa in minthan’na a ngah hun hong tung zo hi.

Johan 14:26

Ahih hangin ka min tawh Pa in hong sawl ding Huhpa a kici Kha Siangtho in na khempeuh hong hilh ding a, no kiangah kong gen khempeuh hong phawkkik sak ding hi.

Johan 16:4

Amau hun a tun’ ciangin kong gensa hih thute na phawk kik nadingun tu-in kong genkhol hi.” “Acil panin hih thute note kiangah kong gen ngei kei hi. Bang hang hiam na cih uh leh, note tawh keimah ka omkhawm lai hi.

Johan 17:5

Pa aw, leitung a om ma-in nangma kiangah ka neihsa minthan’na tawh tu-in nangma kiangah kei hong minthangsak in.”

Johan 2:22

Tua ahih ciangin, sihna pan a thawhkik ciangin hih thute a nungzuite in phawkkik uh a, Lai Siangtho leh Zeisu thu a um uh hi.

Johan 7:39

Tua bang a cihna in a umte’ ngah ding Kha Siangtho a cihna ahi hi. Bang hang hiam i cih leh, Zeisu in minthan’na ngah nai lo ahih ciangin Kha Siangtho a kipia nai kei hi.

Sawltak 2:33

Tua ahih ciangin amah in Pasian’ ziat lamah pahtawina ngah a, Pa kiangah Kha Siangtho kiciamna a ngah khit ciangin, no na muh na zak uh nate hong bua zo hi.

Sawltak 2:36

Tua ahih ciangin note in singlamteh tungah na thah uh Zeisu pen Pasian in Topa leh Khazih a suaksak hi ci-in Israel mi khempeuh in a man takpi thei ta uh hen,” a ci hi.

Sawltak 3:13

Abraham, Isaak leh Jakob’ Pasian, i pu i pate’ Pasian in ama Sila Zeisu a min thangsak zo hi. Note in tua Topa pen gam vaihawmte tungah pia-in, Pilat in khah ding a sawm hangin ama maitang ah tua pa na nial uh hi.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Hebru 8:1

Tu-a-kigensa thute a bulpi in tua bang siampi ukpa i nei a, Amah in vantung vanglianpi tokhom ziat lamah tu-in a om hi.