Johan 11:55 - Tedim Bible

⁵⁵ Judah mite’ Paisan pawikham ding nai a, mi tampi in a kisian’thosak nadingun Paisan pawi ma-in gam khempeuh panin Jerusalem khua-ah a paito uh hi.

Tedim Bible Revision 2017

⁵⁵ Jew miteʼ Paisan Pawi hun hong nai ciangin, tua pawi kipat ma hun sungin biakna vai-in kisiansuahna a bawl dingin gam sung khuate panin Jerusalem khuapi ah mi tampi hong pai uh hi.

Johan 11:55 Iomraidhean Croise

Piancilna 35:2

Tua ahih ciangin Jakob in a innkuanpihte leh amah tawh a omte khempeuh' kiangah, “Note' lakah a om gamdang pasiante koih khia un la, nomau kisian’suahin, na puante uh kheek un;

JOB (Job) 1:5

Tua banga a pawi bawl uh vial khat a kikhit ciangin Job in a tapate samin amaute sian’suah a, zingsangin tho baihin a ta phazah tawh kizui-in meihal biakna pia hi; bang hang hiam cih leh Job in, “Ka tate khialin, a lungsim sung uh ah Pasian samsia kha thei ding uh hi,” a ci hi. Hih bangin Job in hih tawntung hi.

Late 26:6

Topa aw, mawh baan’lohna ka lahna-in ka khutte ka sil a, biakna pia-in na biakna tau kim-ah ka pai hi;

Paikhiatna 19:10

Topa in Moses' kiangah, “Mite' kiangah pai in la tu ni leh zingciang sung teng amaute siangthosakin, amau’ puante amau mah sawp sakin,

Gamlak-vakna 9:10

“Israel mite tungah hih bangin gen in. Note lakah mi khatpeuh ahi a, na suan na khakte uh khatpeuh ahi zongin si luang lawn’na hangin a nin ahi a, khualzinin gamlapi-ah a om ahi zongin, Topa adingin Paisan pawi kham veve ding hi.

Gamlak-vakna 9:6

Misi luang a lawn’na uh hangin a nin mi pawlkhat om uh a, tua ni-in amaute in Paisan pawi kham thei lo uh hi; tua ni-in amaute Moses leh Aaron mai-ah pai uh hi;

Mattiu 26:1

Zeisu in tua thu khempeuh a hilh khit ciangin a nungzuite kiangah,

Mattiu 26:2

“Ni nih khit ciangin Paisan pawikhamna hong tung ding cih na thei uh hi. Tua lai takin Mihing Tapa in singlamteh tungah thah dingin kipia ding hi,” a ci hi.

Marka 14:1

Ni nih khit ciangin, Paisan pawi leh silngo om lo khomun pawikhamna tung ding hi. Tua lai takin siampi liante leh laitheite in zuauthu tawh Zeisu man-a a thah theih nading lampi a zong uh hi.

Luka 22:1

Paisan kici silngo om lo khomun pawikham ding a nai zo hi.

Johan 12:1

Tua ahih ciangin Zeisu in Paisan pawikham nading ni guk a sap lai takin a sisa a thawhkiksakpa Lazaras omna Bethani khua-ah a pai hi.

Johan 13:1

Paisan pawikham ma-in Zeisu in leitung pan Pa kiangah a ciah ding hun tung cih a theih ciangin, leitungah a om ama mite it ahih ciangin a tawp dongin a it hi.

Johan 18:28

Tua ahih ciangin amau in Kai-afas kiang pan mang innah a paipih uh hi. Tua laitak in zingsang tung ahi hi. Amaute in Paisan pawi a nek theih nadingun kisian’suah nuam uh ahih manin mang inn sungah a tum kei uh hi.

Johan 2:13

Judah mite’ Paisan pawikham hun ahih ciangin, Jerusalem khua-ah Zeisu a paito hi.

Johan 2:6

Judah mite ngeina bangin, siangtho biakna adingin tua munah seeng nih seeng thum bang a ta thei leibeel guk a kikoih hi.

Johan 5:1

Tua nung ciangin Judah mite’ pawikhamna a tun’ lai takin, Zeisu Jerusalem khua-ah a paito hi.

Johan 6:4

Tua lai takin Judah mite’ Paisan pawikham hun a nai zo hi.

Sawltak 21:24

Tua mite la in la, amaute tawh na kisiangtho sak in la, amaute a sam met nadingin dangka na sik ding hi. Tua bang na hih leh, mi khempeuh in nangma thu a zak uh ahi lo thu hi a, Thukham thu tangin khial loin na om hi cih a thei ding uh hi.

Sawltak 21:26

Tua ciangin Paul in tua mite paipih a, zingsang ciangin amaute tawh a kisian’thosak khit ciangin biakna innpi sungah pai-in, tuate khempeuh ading biakna a piak khit dongin, kisian’thosakna ni a cing sak hi.

Sawltak 24:18

Tua hehpihna ka piak lai takin biakna innpi sungah mi kikhawm lo, gamlum lo, siangtho takin ka bawl Asia gam panin a hong pai Judah mi kimkhatte in hong mu uh hi.

1 KORIN MASA 11:28

Mi khat in a pumpi a kiteldot khit ciangin khomun ne in, hai dawn ta hen.

Jeim 4:8

Pasian kiangah nai un. Tua bang na hih uh leh, nomau kiangah a hong nai ding hi. Mawhneite aw, na khut uh siangthosak un. Lungka mite aw, na lungsim uh na siangthosak un.

1 SAMUEL MASA 16:5

Amah in, ‘Thu hoih hi; Topa tungah biakna pia dingin kong pai hi; note ki-ap un la, biakpiakna-ah kei tawh hong pai un,” a ci hi. Amah in Jessi leh a tapate ap-in, biakpiakna-ah amaute sam hi.