Johan 11:40 - Tedim Bible

⁴⁰ Zeisu in, “Nang na up leh, Pasian’ minthan’na na mu ding hi, hong ci zo hilo ka hi hiam?” a ci hi.

Tedim Bible Revision 2017

⁴⁰ Jesu in, “Na up nakleh Pasianʼ vangliatna na mu ding hi, ci-in hong gen khin hi lo ka hi hiam?” a ci hi.

Johan 11:40 Iomraidhean Croise

2 KHANG TANGTHU NIHNATE 20:20

Tua ciangin zingsangin amaute tho baihin Tekoa gamlakah paikhia uh hi; amaute a paikhiat lai takin Jehoshafat ding-in, “Judah leh Jerusalem a, teengte aw, ka thugen za un! Topa na Pasian uh um un, tua hi leh note na kip ding uh hi; ama kamsangte um un, tua hi leh na mavang ding uh hi,” a ci hi.

Late 63:2

Tua ahih ciangin na vangliatna leh na minthan’nate mu dingin biakinn sungah nangmah kong en hi.

Late 90:16

Na nasemte tungah na nasepna leh, amau tate tungah na minthan’na vang hong kilangsak in.

Paikhiatna 16:7

Topa’ tunga na phunna uh amah in za khin ahih manin zingsang ciangin Topa’ minthan’na na mu ding uh hi. Bang hang hiam cih leh kote’ tungah na phun theih nadingun kote in a bang hi mawk ka hi uh hiam?” a ci uh hi.

Mattiu 17:20

Zeisu in, “Na upna uh a neu hang hi. Ke’n aman takpi kong cih-inah, note in ankamtang khat cia bang upna nei le-uh teh hih mual kiangah, “Kinkhia in,’ na cih uh leh, kikhin ding hi.

Marka 9:23

Zeisu in, “Na bawl theih leh,’ na ci hiam? A um mi ading ahi thei lo a om kei hi,” a ci hi.

Johan 1:14

Thu in mi bangin hong suak a, hehpihna leh thuman thutak tawh kidimin eite lakah a om hi. Pa in a Ta khat bek a piaksa minthan’na bangin ama minthan’na ka mu uh hi.

Johan 11:4

Zeisu in tua thu a zak ciangin, “Hih cinatna in sih nading natna ahi kei hi. Pasian’minthan’ nading leh Pasian’ Tapa’ minthan’na a kilah nading hi,” a ci hi.

Johan 12:41

Isaiah in Zeisu’ minthan’na mu khol ahih ciangin tua bangin ama thu a genkhol hi.

Johan 9:3

Zeisu in, “Hih pa’ mawhna hang ahi zongin, a nu leh pa’ mawhna hang ahi zongin ahi kei hi. Pasian’ nasepna ama tungah a kilat theih nadingin mittaw-in a suak hi.

ROM (Romans) 6:4

Tua ahih ciangin sihna ah baptaizna-in Zeisu tawh i kivui khawm hi. Khazih in Pa’ vangliatna tawh sihna pan hong thawhkik mah bangin eite in zong hin’na thak i zuih theih nading ahi hi.

2 KORIN NIHNA 3:18

Eite khempeuh in mai sitna om loin limlang i et mah bangin Topa’ minthan’na mu-in, Kha Siangtho ahi Topa in hong sawl mah bangin eite minthan’na khang semsemin ama meel sun-in i kikheel hi.

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.