Johan 11:35 - Tedim Bible

³⁵ Zeisu a kap hi.

Tedim Bible Revision 2017

³⁵ Tua ciangin Jesu zong a kap hi.

Johan 11:35 Iomraidhean Croise

Piancilna 43:30

Tua ciangin a lungsimin a sanggampa ngai lua ahih manin Josef manlangin paikhia a, a kah nading mun zong hi. Amah a inn dei sungah pai-in tua lai-ah kap hi.

JOB (Job) 30:25

A lungkham mite tawh kei kap khawmin, a cimawhte dahpih hilo ka hi hiam?

Late 119:136

Mite in nangma thu zui lo ahih manin ka khitui hawk luan’in a luang hi.

Isaiah 53:3

Amah pen mite in simmawhin nusia hi; gimna leh natna a thuak mi ahi hi; mite in en nuam loin a mai uh a humsan mipa bangin amah kisimmawh a, eite in amah i thusim kei hi.

Isaiah 63:9

Ama ompihna vantungmi in amaute honkhia hi. Ama itna leh ama hehpihna tawh amaute tankhia a, amah in a beisa hun lui khempeuh ah amaute domto-in a pua hi.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kapsim ding a, khitui luangin nakpi takin ka kap ding hi. Bang hang hiam cih leh Topa’ tuu honte sal dingin kikai zo hi.

Jeremiah 14:17

“Jeremiah aw, amaute’ kiangah hih bangin va ci in: ‘Sun-le-zanin ka khitui luangluang hen la, kang ngei kei ta hen; bang hang hiam cih leh ka mite in nakpi-in liamna a thuak uh a, nakpi takin a kisat hi.

Jeremiah 9:1

Aw, ka lu tuikhuk hi-in, ka mitte khitui nak hi tazen leh pawh, ka mite’ kithahlupna hangin a sun a zanin kapkap mai ning!

Kah la 1:16

Tua ahih manin ka mit sung pan khitui a dim letin a luang hi. Hong hehnem ding leh hong hanthawn ding kuamah a om kei hi. Galte in hong zo khin a, ka mite a cimawh uh hi.

Luka 19:11

Tua thu a zak lai takun Jerusalem khuapi tawh kinai tung ta a, Pasian’ Gam a manlangin hong tung ding hi ci-in mite in a up man-unah, thugentehna khat Zeisu in a hilh hi.

Luka 19:41

Zeisu in a naih ciangin khuapi mu-in kap a,

Johan 11:33

Mari akipan amah tawh hong paikhawm Judah mite a kap uh Zeisu in a muh ciangin, a sin sungah khuisa-a lungmangin,

Johan 11:34

“Koiah, na vui uh hiam?” ci-in a dot leh, “Topa, hong pai in la, hong en in,” a ci uh hi.

Hebru 4:15

Bang hang hiam na cih uh leh, eite siampi ukpa in eite hat lohna hong hehpih zo lo mi ahi kei hi; eite thuak mah bangin ze-etna apawl apawl a thuak ngei mi, ahih hangin— mawhna khialhna nei lo ahi hi.