Johan 11:28 - Tedim Bible

²⁸ Tua bang a cih khit ciangin Martha ciah a, a sanggamnu kiangah, “Sia hong tung zo a, nang hong sam hi,” ci-in a ko sim hi.

Tedim Bible Revision 2017

²⁸ Tua khit ciangin Martha a inn ah va tai-in a naunu Mary va huausim a, “Siapa hong pai a, nang hong sam hi,” a ci hi.

Johan 11:28 Iomraidhean Croise

Zekhariah 3:10

Tua ni ciangin note khempeuh in leenggui leh theikungte hau-in nuam na sa ding uh a, na veengte ciat un hong nekpihin hong lungdampih nadingun na sam ding uh hi, Vanglianpen Topa in ci hi,” a ci hi.

Mattiu 26:18

Zeisu in, “Khua sungah hih bang mi khat kiangah pai un la, ‘Sia in, Ka hun a nai zo hi. Nangma innah ka nungzuite tawh Paisan pawi ka ne ding hi, ci-in hong vaikhak hi,’ va ci un,” a ci hi.

Marka 10:49

Zeisu ding-in, “Tua pa vasam un,” a ci hi. Amaute in mittawpa sam uh a, “Nuam in la, tho in, nang hong sam hi,” a ci uh hi.

Marka 14:14

Tua mi nung zui un la, koimah peuh ci loin a lutna inn neipa kiangah, ‘Sia in, Keimah in ka nungzuite tawh Paisan Pawi ka nek nadingin na zin tun’na inndei koi lai-ah a om hiam? a ci hi,’ na ci un.

Luka 22:11

inn neipa kiangah, ‘Sia in, Keimah in ka nungzuite tawh Paisan pawi ka nek nadingin zin tun’na inndei koi lai-ah a om hiam? a ci hi,’ ci-in na gen un.

Johan 1:41

Amah in a u Simon zong masa a, “Messiah ka mu zo uh hi,” ci-in Zeisu kiangah a paipih hi. Messiah a khiatna in ‘Khazih’ cihnopna ahi hi.

Johan 1:45

Filip in Nathanael zong a, “Moses in Pasian’ Thukhamna Lai Siangtho sung leh kamsangte in lai sungah a gelhkholhsa Nazareth mi Josef’ tapa Zeisu ka mu zo uh hi,” a ci hi.

Johan 10:3

Kongcingpa in ama ading hon’ thei a, a tuute in ama kam a ngai uh hi. Amah in tuute a minin sam a, pua lamah a paipih hi.

Johan 11:20

Zeisu hong paina thu Martha in a zak ciangin a dawn dingin a pai hi. Mari ahih leh, inn sungah tu-in a om lai hi.

Johan 11:29

Tua thu a zak ciangin Mari thakhatin tho a, Zeisu va dawn hi.

Johan 11:30

Tua lai takin Zeisu khua sungah a lut nai kei hi; Martha’ dawnna munah a om lai hi.

Johan 13:13

Note in keimah ‘Sia’ leh ‘Topa’ nong ci uh hi. Tua thu aman hi, nong cih uh bangin ka hi hi.

Johan 20:16

Zeisu in, “Mari aw,” a cih ciangin Mari kihei a, Hebru kamin, “Rabboni aw,” a ci hi. Rabboni a khiatna in ‘Topa’ a cihnopna hi.

Johan 21:7

Tua lai takin Zeisu’ it nungzuipa in Piter kiangah, “Topa ahi hi,” a ci hi. Topa ahih lam Simon Piter in a theih ciangin, puanak tungsilh guak tawh tuili sungah a tuaksuk hi.

1 THESALONIKA MASA 5:11

Tua ahih ciangin note in na hihsa uh bangin, khat leh khat kihansuah un la, khat leh khat kikipsak un.

Hebru 12:12

Tua ahih ciangin thanem-a a om khutte leh tha a nei lo khukte na khauhsak un.