Johan 11:19 - Tedim Bible

¹⁹ Martha leh Mari’ sanggampa si ahih ciangin, a hehnem dingin Judah mite tampi a hong pai uh hi.

Tedim Bible Revision 2017

¹⁹ a upa uh Lazaras a sihna hangin Martha le Mary a hehnem dingin Jew mi tampi zong hong pai uh hi.

Johan 11:19 Iomraidhean Croise

Piancilna 37:35

A tapate leh a tanute khempeuh in amah hehnem dingin kipan uh hi; ahih hangin amah in hehnep ding nial a, “Hi lo hi, a kapsa-in ka tapa' kiang Leinuai-ah ka pai ding hi,” ci hi. Tua ahih ciangin ama' hangin a pa kap hi.

2 SAMUEL NIHNA 10:2

Tua ciangin David in, “Keima tungah a pa thuman takin hong gamtat bangin Nahash’ tapa Hanun’ tungah thuman takin ka gamta ding hi,” a ci hi. Tua ahih ciangin David in a pa’ hangin amah a hehnem dingin a nasemte sawl hi. David nasemte Ammon mite’ gamah va tung uh hi.

1 KHANG TANGTHU MASATE 10:12

a thahat mi khempeuh ding-in Saul’ luanghawm leh a tapate’ luanghawmte sut khia-in Jabesh ah paipih uh hi. Tua ciangin amaute in Jabesh a, tawsaw nuai-ah amaute’ guh vui uh a, ni sagih sung an tang uh hi.

JOB (Job) 2:11

Job’ lawmte thum, Teman khuami Elifaz, Shuah gammi Bildad, leh Na-amah gammi Zofar-te in Job’ thuak gimna thu teng a zak uh ciangin a inn ciat panun amah hehnem ding leh a hanthawn dingin kituahin hong paikhawm uh hi.

JOB (Job) 42:11

Tua ciangin Job’ sanggam pasalte, a sanggam numeite, leh a lawm ngeite a innah hong hawh uh a, a innah pawi bawlin lungdamin omkhawm uh hi. Topa in ama tungah a tun’sak gimnate hangin a khasiatpihnate uh genin hanthawn uh hi. Amaute in sum leh kham zungbuh khatciat tawh va pha uh hi.

Thuhilh-sia 7:2

Pawi simna sangin si galna hoihzaw hi; sih ding bek a ngak ahihna mihing khempeuh in a phawk ding kilawm hi.

Isaiah 51:19

Nang tungah siatna leh maiman’na, kialpi leh namsau hih gentheihna thu nih hong tung zo hi—kua in nang hong dahpih ding ahi hiam? kua in nang hong hehnem ding ahi hiam?

Kah la 1:16

Tua ahih manin ka mit sung pan khitui a dim letin a luang hi. Hong hehnem ding leh hong hanthawn ding kuamah a om kei hi. Galte in hong zo khin a, ka mite a cimawh uh hi.

Kah la 1:2

Amah zan khuavakin kap a, a khitui a biang tungah a tak kauhkauh hi. Amah a it ngeite khempeuh a hehnem ding khat beek a om nawn kei hi. A kipawl pihte khempeuh in kheemin, tu in a langpan’ khin ta uh hi.

Kah la 1:21

Ka tauna hong ngai in, hong hehnem ding kuamah dang a om nawn kei hi. Gimna nong thuaksak manin ka galte lungdam lua uh hi. Na ni ciam ni hong tungsak in la, kei thuak bangin ka galte zong thuaksak in.

Kah la 1:9

A kihhuaina teng kimu khia pah hi napi, gimna thuak ding ahih lam bang mah a awlmawh thei tuan kei hi. Tua ahih manin gimna a thuakna lian lua mahmah a, kuamah in a hehnem zo kei hi. A galte in zo ahih manin Topa kiangah hehpihna a ngen hi.

Kah la 2:13

Ka it Jerusalem khuapi aw, bang ci ding ka hi hiam? Bang hong ci hehnep thei ding ka hi hiam? Nang thuak banga thuak kuamah a om kei hi. Na tuahsiatna in tuipi cia pha a, a lamet huai bangmah a om nawn kei hi.

Luka 10:39

Tua numei in Mari a kici sanggam numei khat a nei hi. Tua Mari in Zeisu khe kiangah tu-in ama thu a ngai hi.

Luka 10:42

Ahih hangin sapna khat bek a om hi. Mari in ahih leh, na hoih khat a teel zo hi. Tua na in ama tung pan kilakhia lo ding hi,” ci-in a gen hi.

Johan 1:19

Judah mite in, “Nang kua na hi hiam?” ci-in Johan dong dingin siampite leh Levite Jerusalem khua panin a paisak uh hi.

Johan 11:1

Mari leh a sanggamnu Martha omna Bethani khua-ah Lazaras kici mi khat cina-in a om hi.

Johan 11:31

Tua ciangin dahna hehnem dinga inn sungah Mari tawh a omkhawm Judah mite in, amah tho meengmeenga a paikhiat a muh uh ciangin, amah kap dingin hanah a pai ding hi ci-in a nung a zui uh hi.

Johan 11:33

Mari akipan amah tawh hong paikhawm Judah mite a kap uh Zeisu in a muh ciangin, a sin sungah khuisa-a lungmangin,

Johan 11:36

Tua ahih ciangin Judah mite in, “En un, amah in bangzah takin Lazaras a it hiam!” a ci uh hi.

Johan 11:45

Tua ahih ciangin Mari kiangah hong pai Judah mi tampite in Zeisu’ bawlna a muh uh ciangin a um uh hi.

Johan 11:8

A nungzuite in, “Rabbi aw, Judah mite in tu nangawnin nang suang tawh deen’ dingin hong zong uh ahih ciangin, tua lam pai kik ding na hi hiam? a ci uh hi.

ROM (Romans) 12:15

Mi lungdamte tawh kibangin na lungdam khawm un. A kapte tawh na kap khawm un.

2 KORIN NIHNA 1:4

Kote in Pasian’ hehpihna thupha hangah komau hehnepna hong piak mah bangin, gimna pawl khempeuh a thuakte a hehnem thei dingin gimna khempeuh sungah Pasian in kote hong hehnem hi.

1 THESALONIKA MASA 4:18

Tua ahih ciangin hih thute tawh note khat leh khat na kihehnem un.

1 THESALONIKA MASA 5:11

Tua ahih ciangin note in na hihsa uh bangin, khat leh khat kihansuah un la, khat leh khat kikipsak un.

1 SAMUEL MASA 31:13

Amaute in a guhte la-in Jabesh khua sunga makeng kung nuai-ah vui uh a, ni sagih sung an tang uh hi.