Johan 11:15 - Tedim Bible

¹⁵ note in na up nadingun tuasan takah om lo ka hih ciangin ka lungdam hi. Ahih hangin tu-in ama kiangah va pai ni,” ci-in a tel gen hi.

Tedim Bible Revision 2017

¹⁵ Ahi zongin note in na up theih nadingun tua lai ah kei om kha lo ka hih manin note kong khualna-in ka nuam mahmah hi. Ahi zongin tu-in ama kiangah va pai ni,” a ci hi.

Johan 11:15 Iomraidhean Croise

Piancilna 26:24

Tua zan mahin ama' tungah Topa kilang a, “Keimah in na pa Abraham’ Pasian ka hi hi; lau kei in, bang hang hiam cih leh ka nasempa Abraham’ huhau-in nang tawh kong om a, nang leh na suan-le-khakte thupha hong pia-in kong pungsak ding hi,” ci hi.

Piancilna 39:5

Amah in a inn sung uk leh a neih khempeuh a uk-in a bawla kipan Topa in Josef hangin Izipt mipa’ innkuan thupha pia hi; inn sung hita leh lo sung hita leh a neih khempeuh tungah Topa’ thupha om hi.

Late 105:14

amah in amaute kuamah nen’niamsak lo hi; amaute hangin amah in kumpite thuhilhin,

Isaiah 54:15

Mi khatpeuh in kidona a pian’sak leh, tua pen keima kiang pan hilo hi; note tawh kidona a piangsak peuhmah note’ hangin puk ding hi.

Isaiah 65:8

Topa in hih bangin ci hi: Leenggahzu pen leenggah bom panin kingah a, mite in, ‘Tuate kimang thei ahih ciangin susia kei un,’ a cih mah bangun kei zong a minam bupin susia loin, keima na hong semte ka suakta sak ding hi.

Johan 11:14

Tua ahih ciangin Zeisu in, “Lazaras a si zo hi,

Johan 11:16

Didimas kici Thomas in nungzui a lawmte kiangah, “Ei zong Topa tawh sihna thuakkhawm dingin pai ni,” a ci hi.

Johan 11:4

Zeisu in tua thu a zak ciangin, “Hih cinatna in sih nading natna ahi kei hi. Pasian’minthan’ nading leh Pasian’ Tapa’ minthan’na a kilah nading hi,” a ci hi.

Johan 12:30

Zeisu in, “Hih aw in kei ading hong pai ahi kei hi, note’ adinga hong pai ahi hi.

Johan 17:19

Amaute zong thutak tawh a kisian’thosak nadingun, keimah ka kisiangthosak hi.”

Johan 2:11

Zeisu in a masapen hih nalamdang Galile gam Kana khua-ah bawl a, ama minthan’na kilangsakin a nungzuite in zong amah a um uh hi.

2 KORIN NIHNA 4:15

Bang hang hiam na cih uh leh, hehpihna in mite hangin khang a, Pasian’ minthan’na ading hehpihna phatna a kicin’ nadingin na khempeuh note ading ahi uh hi.

2 TIMOTI NIHNA 2:10

Tua ahih ciangin a kiteel mite in zong a tawntung minthan’na tawh Khazih Zeisu sungah gupna a ngah nadingun na khempeuh ka thuak hi.

1 JOHAN MASA 5:13

Pasian’ Tapa’ min a um note in nuntak tawntungna na ngahna thu uh na theih nadingun, hih thute kong gelh zo hi.