Johan 10:8 - Tedim Bible

⁸ Ka mai-a hong paite khempeuh in guta buluhte ahi uh hi. Ahih hangin tuate’ aw tuute in a ngai kei uh hi.

Tedim Bible Revision 2017

⁸ Keima hun ma-in a hong pai mite ahihleh guta buluhte ahih manun tuute in amaute don lo uh hi.

Johan 10:8 Iomraidhean Croise

Jeremiah 23:1

Topa in a gen-inah: “Ka mite sisak a, a kikhenthang sak gam ukte in gimna ngah ta hen!” a ci hi.

Ezekiel 34:2

“Ezekiel aw, keima tuuhon ahi Israel mite a cingte mawhsakna thu gen in. Amaute kiangah thu gen khol in la, Topa Pasian ahi keima thugen, amaute kiangah hih bangin gen in: Israel mi a cing note aw, gimna na thuak ding uh hi. Nomau mahmah na kivak uh a, tuute na don kei uh hi.

Zefaniah 3:3

A uliante, a hawk thei humpinelkai gilkial bang a, a thukhente, keivom gilkial bang uh hi. Zing khuavak mateng a saguh nek a nusia nuam lo, a huaiham gamsate tawh kibang uh hi.

Zekhariah 11:16

Ka tuuhonte a cing dingin tuucing khat ka koih a, ahi zongin ka tuu a sia dingte huh loin, a mangthangte zong loin, a liamte bawl loin, a cidamte zong an vak lo hi. Amah in tuu thau pente’ sa ne-in, a khecinte nangawn hawkkhiatsak zawsop hi.

Johan 10:1

“Ke’n aman takpi kong cih-inah, tuukhumna sungah kongpi lam pan lut lo a, lamdang pan kahto-a a lut mi in guta buluh ahi hi.

Johan 10:27

Ka tuute in keima aw a ngai uh a, ka tuute ka thei a, keima nung hong zui uh hi.

Johan 10:5

Ahih hangin midang nung a zui kei ding uh a; a kiang pan a taikhia ding uh hi. Bang hang hiam na cih uh leh, midangte’ aw a thei kei uh hi,” ci-in Zeisu in a hilh hi.

Sawltak 5:36

Bang hang hiam na cih uh leh, tuma-in Thudas kici mi khat tho a, ‘Kei in mi mawk ka hi kei hi’ ci-in mi zali bang in a belh khit uh ciangin amah kithat a, ama thu umte khempeuh kikhen thangin a kisia uh hi.