Johan 10:6 - Tedim Bible

⁶ Tua thugentehna Zeisu in a hilh hangin, amaute in a khiatna a thei kei uh hi.

Tedim Bible Revision 2017

⁶ Jesu in hih thu gentehna tawh thu a gen hangin amaute in Jesuʼ gen nop thu a theithei tuan kei uh hi.

Johan 10:6 Iomraidhean Croise

Late 106:7

Ka pate un Izipt gamah a om lai-un nangma nasepna lamdangte ngaihsun lo uh hi; nangma itna kip a tampite phawk lo uh a, San Tuipi-ah Sang Penpa hong lehdo uh hi.

Late 82:5

Amaute in thu-theihna ahi a, thutelna ahi zongin nei lo uh a, amaute khuamial sungah gamta uh hi; leitung bulpite khempeuh kiling hi.

Paunak 28:5

Mi sia-huaite in thutang cih mel thei lo uh a, Topa a biate in ahih leh a kicingin thei uh hi.

Isaiah 56:11

Uite in nakpi takin duhna lian nei uh a, amaute in kham hun cih nei ngei lo uh hi. Tuucingte in zong thu theihna nei lo uh hi; amaute khempeuh amau tum ciatin gamta uh a, a vekpi-un amaute’ ngah nading lam lam ciatah kihei uh hi.

Daniel 12:10

Mi tampite kisiansuahin a hoih leh a hoih lo lam a kikhentel ding hi. Mi gilote in bangmah thei tel thei lo uh ahih manin a gi kei semsem ding uh hi. Ahih hangin mi pilte in theih tel theihna a nei ding uh hi.

Mattiu 13:34

Zeisu in tuate khempeuh thugentehna tawh mihonpite a hilh hi. Thugentehna loin thu a hilh kei hi.

Mattiu 13:51

“Hih thu khempeuh note’n na thei uh hiam?” ci-in a dot ciangin, “Ka thei khin uh hi,” a cih uh leh,

Marka 4:34

Thugentehna loin thu a hilh kei hi. Ahih hangin thu khempeuh gam daihna-ah a nungzuite a hilh hi.

Johan 16:25

“Tua thute thugentehna tawh kong gen zo hi. Thugentehna tawh gen loin, Pa’ thu note kiangah a tel takin kong gen nading ahun hong tung ding hi.

Johan 16:29

A nungzuite in, “Tu-in thugentehna zang loin a tel takpi-in nong gen hi!

Johan 6:52

Tua ciangin Judah mite in, “Hih pa in ama sa nek dingin bangci hong piak thei ding ahi hiam?” ci-in khat leh khat a kiseel uh hi.

Johan 6:60

Tua ahih ciangin, ama nungzui tampite in hih thu a zak uh ciangin, “Hih thu a haksa mahmah hi, kua in theitel zo ding ahi hiam?” a ci uh hi.

Johan 7:36

‘Nong zon’ uh hangin nong mu kei ding uh hi,’ leh, ‘Ka omna mun na tung zo kei ding uh hi,’ a cihna in bang a cihnopna ahi hiam?” ci-in khat leh khat a kikum uh hi.

Johan 8:27

Amah in Pa thu a gen ahih lam a thei kei uh hi.

Johan 8:43

Bang hangin ka thu thei lo na hi uh hiam? Ka thuhilhna ngai nuam lo na hih uh ciangin, ka thu na thei kei uh hi.

1 KORIN MASA 2:14

Kha Siangtho a nei lo mi in Pasian’ Kha Siangtho’ thute a mang kei hi. Bang hang hiam na cih uh leh, tuate haina a sa a, tua thute Kha Siangtho bek tawh kikhentel thei ahih ciangin amah in a thei zo kei hi.

2 PETER NIHNA 2:22

‘Ui in ama luak a ne kik hi; vokpi in a kisil khit ciangin buan lakah a bual kik hi,’ ci-in a man thugentehna bangin tua mite tungah a piang zo hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.