Johan 10:31 - Tedim Bible

³¹ Tua ahih ciangin Judah mite in suang tawh deeng dingin suang a tawm kik uh hi.

Tedim Bible Revision 2017

³¹ Tua ciangin Jew mihonte in amah deng dingin suang tawm leuleu uh ahih manin

Johan 10:31 Iomraidhean Croise

Paikhiatna 17:4

Tua ahih ciangin Topa' tungah Moses kiko a, “Hih mite bang cih ding ka hi hiam? Suang tawh kei hong deeng dingin amaute kithawi uh hi,” a ci hi.

Mattiu 12:14

Tua lai takin Farisaite paikhia a, “Amah bangci leeng susia thei ding i hi hiam?” ci-in a vaihawm uh hi.

Mattiu 21:35

Tua lo khawh lawhte in a nasemte a mat khit uh ciangin, khat sat, khat that, khat suang tawh a deeng uh hi.

Mattiu 23:35

Tua ahih ciangin, mipha Abel’ si pan akipan biakna innpi leh biakna tau kikal a, na thah uh, Barakhiah’ tapa Zekhariah’ si dongin leitungah a kibuasa miphate’ si khempeuh in, note tungah hong tung ding uh hi.

Johan 1:19

Judah mite in, “Nang kua na hi hiam?” ci-in Johan dong dingin siampite leh Levite Jerusalem khua panin a paisak uh hi.

Johan 10:24

Tua lai takin Judah mite in Zeisu kimkotin hong kikhawm uh a, “Bang tanvei ko hong lungkhamsak ding na hi hiam? Nang Khazih na hih leh, tangtakpi-in hong gen in,” a ci uh hi.

Johan 10:32

Zeisu in, “Pasian kiang pan ka ngah thupha tampi kong lak zo hi. Tua thu lakah bang thu hangin suang tawh deeng dingin hong kipan na hi uh hiam?” ci-in a dong hi.

Johan 11:8

A nungzuite in, “Rabbi aw, Judah mite in tu nangawnin nang suang tawh deen’ dingin hong zong uh ahih ciangin, tua lam pai kik ding na hi hiam? a ci uh hi.

Johan 5:18

Tua ahih ciangin amah in Sabbath ni siasak tham loin, Pasian nangawn “Ka Pa hi” ci-in Pasian bangin kibawl hi ci-in, Judah mite in Zeisu a that nuam semsem zaw uh hi.

Johan 8:59

Tua ahih ciangin amaute in Zeisu suang tawh deeng dingin suang tawm uh a, ahih hangin Zeisu bu-in biakna innpi sung pan a paikhia hi.

Sawltak 7:52

No na pute na pate un a bawlsiat loh kamsang kua ahi hiam? ‘Midik Pa hong pai ding ci-a a genkholh mite a that uh hi. Tu-in tua Midik Pa a heekte, a thatte na suak zo uh hi.

1 SAMUEL MASA 30:6

David nakpi takin lungkham hi; bang hang hiam cih leh mi khempeuh a tanute a tapate uh hangin a lungsim uh na lua ahih manin suang tawh amah den’ ding gen uh hi. Ahih hangin David in amahmah Topa a Pasian sungah kithakhauhsak hi.