Johan 10:3 - Tedim Bible

³ Kongcingpa in ama ading hon’ thei a, a tuute in ama kam a ngai uh hi. Amah in tuute a minin sam a, pua lamah a paipih hi.

Tedim Bible Revision 2017

³ Tua ahih manin tuukong cing pa in a kong hon a, a tuute a min ciatin a sap ciangin a tuute in a thu mang a, amah in tuukulh panin a tuute a pusuahkhiat pih hi.

Johan 10:3 Iomraidhean Croise

Late 80:1

Tuuhon bangin Josef a paipih, Israel Tuucingpa aw, ngai in! Nang, Kherubte tunga tu-pa aw,

Paikhiatna 33:17

Topa in Moses' kiangah, “Nangma gensa hih thu mahmah keimah in ka hih ding hi; bang hang hiam cih leh ka muhna-ah nang in maipha na ngah zo a, na min-in nang kong thei hi,” a ci hi.

Paunak 27:23

Na tuuhonte hoih takin thei in la, na bawnghonte hoih takin kem in.

Solomon la 8:13

Huan sunga om ka ngaihno aw, ka lawmte in hong ngai dide ahih manin, nangma aw zong, hong zasak dih in. Nungak:

Isaiah 40:11

Amah in tuucingpa bangin a tuuhonte an vak ding a, amah in a tuunote a khut sungah kaikhawmin, amah in tuate a ang sungah pua ding a, no ngeek a neite pen dam takin paipih ding hi.

Isaiah 42:16

Amau’ theih loh lampi ah mittawte ka paipih ding a, amau’ theih ngei loh sul zuihpih-in ka kha ding hi. Amau’ mai-ah khuamial pen khuavak suaksakin, a phokna munte a tam-in ka bawl ding hi. Hihte pen keima hih ding nate hi a, tuate sem loin ka nusia kei ding hi.

Johan 10:14

Migi tuucing ka hi hi. Pa in kei hong thei-a kei in Pa ka theih bangin,

Johan 10:16

Hih tuukhumna sunga om lo tuute zong ka nei lai hi. Tua tuute zong ka hong paipih lai ding hi. Amaute in ka aw a ngai ding uh a, amaute hon’ khat suakin tuucing khat a om ding hi.

Johan 10:4

Ama tuute khempeuh a khah khit ciangin a mai-ah pai a, tuute in a zui uh hi. Bang hang hiam na cih uh leh, amaute in ama aw a thei uh hi.

Johan 10:9

Keimah in kongpi ka hi hi. Mi khat in kei tung tawnin a lut leh, gal tawh kipelh ding a, sungtum pusuakin an nek ding lonona mun a mu ding hi.

Johan 6:37

Pa in kei hong piakte khempeuh kei kiangah hong pai ding uh hi. Ka kiangah hong pai mite ka hawlkhia ngei kei ding hi.

Johan 6:45

‘Pasian in tuate a hilh ding hi,’ ci-in Pasian’ kamsangte’ lai sungah a kigelh hi. Pa kiangah thu ngai a, a kisin mite khempeuh keima kiangah hong pai uh hi.

ROM (Romans) 8:30

Pasian in a ciamtehsa mite a sam hi. A sapsa mite zong a diksak hi. A diksak mite vangliatna a pia hi.

1 KORIN MASA 16:9

Bang hang hiam na cih uh leh, lawhcin’ nadingin alian kongkhak a mansa-in kei ading a kihong hi. Hong langpan mi zong tampi a om uh hi.

Filippi 4:3

Lawm naseppih taktak aw, tua numeite huh dingin ka hong thuum hi. Bang hang hiam na cih uh leh, amaute in kei leh Klement-a kipan nuntakna laibu sungah min kikhum adang ka naseppihte tawh Lungdamna Thu ka hilh khawmna-ah hong huhin, a hahkat mi ahi uh hi.

Kolose 4:3

Keimah in Khazih’ thu thuk hangin thongkiatna ka thuak a, tua thu thukna gen dinginah Pasian in thuhilhna kongkhak, kote ading a hong hon’ nading ahi zongin, tua thu thukna hilh ding a kilawm mah bangin ka hilh theih nading uh ahi zongin, kote ading thu hong ngetsak un.

2 TIMOTI NIHNA 2:19

Ahih hangin, “Topa in ama mite a thei hi,” ci-in ahi zongin, “Topa’ min a muangte in dik lohna pan paikhia hen,” ci-in ahi zongin ciamtehna a om, a to mahmah Pasian’ bulpi in, kipin a om hi.

1 PETER MASA 1:12

Amaute’ thuhilh nasepnate in amaute ading hi lo, note ading ahi ci-in amaute kiangah a kilang hi. Vantung pan hong sawl Kha Siangtho tawh note kiangah Lungdamna Thu hong hilh mite in tua nate note kiangah tu-in hong hilh uh hi. Tua nate vantungmite in zong a en nuam uh hi.

1 JOHAN MASA 4:6

Eite i hih leh, Pasian tawh i kipawl hi. Pasian a thei mite in eite thu a thei uh hi. Pasian tawh a kipawl lo mi in eite thu a ngai thei kei uh hi. Tua bangin thuman thutak kha leh zuau kha eite in i thei thei hi.

3 JOHAN THUMNA 1:14

A sawt loin nang tawh kimu-in, khat leh khat kihopihin i kikup khop ding ka lamen hi.

Mangmuhna 20:15

Nuntakna laibu sungah a min om lo mi peuhmah tua mei li sungah a khiasuk hi.

Mangmuhna 3:20

En in, kei in kongkhak kiangah ding-in kiu-in ka om hi. Mi khatpeuh in ka aw za-in kong khak hong hon’ leh, tua mi kiangah ka tum khit ciangin amah tawh an ne khawm, tui dawn khawmin ka om ding hi. Amah in kei tawh an ne khawm tui dawn khawmin a om ding hi.

Mangmuhna 7:17

Bang hang hiam na cih uh leh, tokhom laizangah a om Tuuno in amaute’ tuucing suak a, amaute nuntakna ciktui omna-ah lam a hilh ding hi. Pasian in zong amaute mittang pan khitui khempeuh a nul siang ding hi,” ci-in hong gen hi.