Johan 10:28 - Tedim Bible

²⁸ Keimah in amaute nuntak tawntungna ka pia a, cikmah ciangin a kisia kei ding uh hi. Kuamah in ka tuute ka khut sung pan hong sut zo kei ding hi.

Tedim Bible Revision 2017

²⁸ Tua ahih manin amaute tungah nuntak tawntungna pia ka hih manin si ngei nawn lo ding uh a, keima khut sung panin kuamah in amaute hong sut zo lo ding uh hi.

Johan 10:28 Iomraidhean Croise

JOB (Job) 17:9

Mite’ zahtak-a kinei mite in, amau’ ngaihsutna man sa semsem uh hi. Thuman sem mite in thahat semsem ding hi.

Late 31:5

Nangma khut sungah keimah kong ki-ap hi; Topa, a thuman Pasian aw, keimah nong tan zo hi.

Late 37:28

Bang hang hiam cih leh Topa in thutang deih a, a mi siangthote nusia lo ding hi. Thuman mi kikemcing den ding a, ahi zongin migilo’ tate kipuaseh ding hi.

Paunak 24:16

Mihoihte, sagih vei dong a puk hangin thokik kik thei a, migilote ahih leh tuahsiatna tuakin kithallot hi.

Paunak 4:18

Ahi zongin thuman mite’ zuih lampi ahih leh, sun dong a taang pha semsem zing khuavak tung tawh kibang hi.

Isaiah 27:3

Keimah, Topa in tua lo hongpa ka hi a, a hun hunin tui ka buak hi. Khatpeuh in a suksiat loh nadingin sun leh zan-in ka hong a,

Isaiah 45:17

Ahih hangin Israel pen Topa in tawntung hotkhiatna tawh honkhia hi; nang in cikmah hunin maizumna na thuak kei ding hi.

Isaiah 54:17

nangmah do nading a, a kibawl hiam peuhmah mavang lo ding a, thukhenna sungah nangma langa a pang mi khempeuh na nial gawp zo ding hi. Hih in, Topa’ nasemte’ gamluah leh keima kiang pan-in amaute’ dikna a kilahna ahi hi, Topa in ci hi.”

Isaiah 55:3

Ka mite aw, ka thu ngai un la, kei kiangah hong pai un; nuntakna na ngah theih nadingun hong za un; David tungah ka kamciam mah bangin, keima itna kip ahi tawntung thuciamna note tawh ka bawl ding hi.

Jeremiah 23:4

Amaute don ding makaite ka koih ding a, lau nawn lo, lungkham nawn loin khat beek a mangthang nawn kei ding uh hi, Topa in kong ci hi.

Jeremiah 31:3

gamlapi pek panin Topa ka kilang hi. Keimah in nang tawntung itna tawh kong it a, tua ahih manin nang’ tungah kong thuman tawntung hi.

Jeremiah 31:34

Kuamah in midangte leh a sanggamte uh’ kiangah, ‘Topa thei in,’ ci-in a kihilh nawn kei ding uh hi: bang hang hiam cih leh Topa in kong cih-inah, amaute a neupen panin a lianpen dongin, a vekpi-un kei a hong thei ding uh hi. Bang hang hiam cih leh amaute’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.

Jeremiah 32:40

Amaute’ tungah a tawntungin hoihna ka bawl det nadingin amaute tawh tawntung thuciamna khat ka bawl ding hi. Kei’ kiang panin a kiheikhiat loh nadingun amaute’ sungah kei hong zahtakna lungsim ka koih ding hi.

Marka 13:22

Bang hang hiam na cih uh leh, kamsang zuautheite leh Khazih zuautheite hong piang ding uh a, a teelsate nangawn a kheem zawh leh, a kheem nadingun lim leh nalamdang a lian hong lak ding uh hi. Na kikeem ta un.

Luka 23:46

Zeisu in, “Ka Pa aw, ka kha nangma khut tungah ka pia hi,” ci-in nakpi-in a kiko khit ciangin a si hi.

Johan 10:29

Amaute hong pia ka Pa in na khempeuh sangin lianzaw ahih ciangin, ka Pa’ khut pan kuamah in a sut zo kei ding hi.

Johan 11:25

Zeisu in, “Keimah in thawhkikna leh nuntakna ka hi hi. Kei hong umte in a sih hangin a nungtakik ding hi.

Johan 14:19

Tawlkhat khit ciangin leitung mite in kei hong mu lo ding uh hi. No na hih uh leh, nong mu ding uh hi. Keimah nungta ka hih ciangin, note zong na nungta ding uh hi.

Johan 17:2

Nang in Ta’ khut sungah na piaksate khempeuh, nuntak tawntungna a piak nadingin mi pawl khempeuh uk nading thu Ta na pia hi.

Johan 18:9

‘Kei na hong piak mite khat beek a mangthang kei hi,’ a cihna thu a tun’ nadingin Zeisu in, “Kei hong zong na hih uh leh, hih mite paikhia ta hen!” a ci hi.

Johan 3:36

Tapa thu a umte khempeuh in nuntak tawntungna a nei hi. Ahih hangin Tapa a um lo mi in nuntakna a ngah kei ding hi, Pasian’ hehna in tua pa tungah a om hi.

Johan 4:14

Ahih hangin ke’n ka piak tui a dawnte in a tawntungin a dangtak nawn kei ding hi. Ke’n ka piaksa tui in tua mi sungah nuntak tawntungna tuikhukin a piang ding hi,” a ci hi.

Johan 5:24

“Ke’n aman takpi kong cih-inah, keima thu za a, keimah hong sawlpa a um mi in, nuntak tawntungna ngah zo ahih ciangin, thukhenna a thuak kei hi; sihna pan paikhia a, nuntakna-ah a tung zo hi.

Johan 6:27

A sia thei an ngah nadingin hahkat kei un; Mihing Tapa in no hong piak ahing tawntung nuntak tawntungna an na ngah nadingun hahkat un. Bang hang hiam na cih uh leh, Pasian’ ciamtehna a ngahpa in tua Tapa ahi hi,” a ci hi.

Johan 6:37

Pa in kei hong piakte khempeuh kei kiangah hong pai ding uh hi. Ka kiangah hong pai mite ka hawlkhia ngei kei ding hi.

Johan 6:47

Vantung pan hong paipa in Pa a mu zo hi. Ke’n aman takpi kong cih-inah, a hong umte in nuntak tawntungna a nei uh hi.

Johan 6:68

Simon Piter in, “Topa aw, kote in kua kiangah pai ding ka hi uh hiam?

Sawltak 7:59

Suang tawh a den’ lai takun Stefen in Pasian kiangah thungenin, “Topa aw, ka kha hong la ta’n,” a cih khit ciangin,

ROM (Romans) 5:17

Mi khat a khial ahih maninah, tua mi hangin sihna in a uk leh, Zeisu Khazih kici mi khat hangah hehpihna thu kicing a, dikna leh hehpihna a ngah mite in nuntakna a ukzaw ding uh hi.

ROM (Romans) 5:2

Tua Topa hangin eite omna hehpihna sungah upna hangin tum theihna thu i ngah hi; Pasian’ vangliatna lamenin lungdamin i om hi.

ROM (Romans) 5:21

Tua ahih ciangin mawhna in sihna a pian’sak mah bangin hehpihna in i Topa Zeisu Khazih hangin dikna piangsak a, nuntak tawntungna hong ngah sak hi.

ROM (Romans) 5:9

Tua ahih ciangin ama si tawh dikkisakna i ngah khit ciangin tua Topa hangin Pasian’ hehna tawh i kipelh zaw ding hi.

ROM (Romans) 6:23

Bang hang hiam na cih uh leh, sihna in mawhna’ thaman ahi hi. Ahih hangin i Topa Khazih Zeisu hanga nuntak tawntungna in man kipia lo Pasian’ letsong ahi hi.

ROM (Romans) 8:1

Tua ahih ciangin si-le-sa deihna bangin kalsuan loin Kha deih bangin a kalsuan, Khazih sungah a om mite in mawhna thukhenna tawh a kipelh zo uh hi.

ROM (Romans) 8:29

Pasian’ Tapa in unau tampite lakah a upa bel a suah nadingin Pasian in nidang lai-a a theihkhol mite, a Tapa’ lim tawh kibang a suahsak nadingin, nidang lai-in a ciamteh khol hi.

Thu-hilhkikna 33:3

Hi taktak hi, amah in a mite it a, ama tungah a ki-ap mite khempeuh a khut sungah om hi; tua ahih ciangin amaute in na khephung ah hong kun uh a, nang tung panin lamlahna ngah uh hi.

Filippi 1:6

Tua bang ka phatna-ah note tungah a pha nasep hong panpa in Zeisu Khazih’ Ni dongin a kicingin hong bawlin, hong zosak ding hi ci-in ka lungkim hi.

2 THESALONIKA NIHNA 2:13

Ahih hangin Pasian in a it ute naute aw, note in Kha Siangtho’ sian’thosakna tawh, thuman thutak na upna uh tawh, gupna na ngah nadingun Pasian in a masa belin note hong teel ahih ciangin kote in hih ding a kilawm bangin, note’ hangin Pasian’ hehpihna ka phat tawntung uh hi.

1 TIMOTI MASA 1:16

Ahih hangin nuntak tawntungna ngah ding, a nung ciangin a um ding mite’ zuih ding lim ka hih nadingin mawhna a lianbel a nei keima tungah, Khazih in ama thuakzawhna lungsim khempeuh hong lah nadingin kei hong hehpih zo hi.

2 TIMOTI NIHNA 1:12

Tua thu hangah hih gimnate zong ka thuak hi. Ahih hangin ka zum kei hi. Bang hang hiam cih leh, ka uppa ka thei a, ama kiangah ka piak nate zong tua Ni dongin a kem zo ding hi ci-in ka um hi.

Hebru 7:25

Tua ahih ciangin Zeisu hangin Pasian kiangah a naite’ taang a, a thuum dingin Topa in a nungta tawntung ahih ciangin, a tawntungin hong gum thei hi.

1 PETER MASA 1:5

Tua luahna in a nunung bel hun ciangin hong kilat nadingin a kibawlkholsa-a om gupkhiatna i ngah nadingin i upmanin Pasian’ vangliatna in hong kipsak note ading, vantungah kikhol-a a om luahna ahi hi.

1 JOHAN MASA 1:2

Tua nuntakna hong kilang zo a, kote in zong ka mu zo uh a, Pa tawh omkhawm ngei-in, kote kiangah hong kilangsa tua nuntak tawntungna thu, note kiangah teci pangin kong hilh uh hi.

1 JOHAN MASA 2:19

Tua mite in eite kiang pan a paikhiat uh hangin nidang lai-inah eite tawh a kipawl kei uh hi. Bang hang hiam na cih uh leh, eite tawh kipawl uh hi leh, eite tawh a omkhawm ding uh hi. Tua mite in eite tawh a kipawl loh thu a kilat nading eite kiang pan a paikhia uh hi.

1 JOHAN MASA 2:25

Eite a hong piak thuciamna in nuntak tawntungna kiciamna ahi hi.

1 JOHAN MASA 5:11

Tua teci pan’na in, Pasian in eite nuntak tawntungna hong pia a, tua nuntakna in Tapa sungah a om hi.

Juda 1:1

Zeisu Khazih’ sila leh Jeim’ sanggampa keimah Juda in, Pa Pasian hangin itna ngahin, Zeisu Khazih adingin kikemin, sapna a ngah mite kiangah ka hong zasak hi.

Juda 1:21

nuntak tawntungna ngah nadingin i Topa Zeisu Khazih’ hehpihna na ngak lai takun, Pasian’ itna sungah na pumpi uh kemin om un.

Juda 1:24

Note na kipuk loh nadingun hong kemin, mawhna om loin, lungdam mahmahin note ama’ minthan’na mai-ah hong koih thei, i Topa Zeisu Khazih hangin eite’ Honpa Pasian khat bek tungah minthan’na, thupitna, vangliatna leh ukzawhnate tu-ma hun khempeuh, tu laitak leh a tawntungin om ta hen! Amen.

1 SAMUEL MASA 2:9

“Amah in a thuman ama mite kalsuanna cing ding a, ahih hangin migilote khuamialna sungah kikhiasuk ding hi; bang hang hiam cih leh thatang hatna tawh mi gualzo lo ding hi.