Johan 10:27 - Tedim Bible

²⁷ Ka tuute in keima aw a ngai uh a, ka tuute ka thei a, keima nung hong zui uh hi.

Tedim Bible Revision 2017

²⁷ Keima tuute in ka aw za-in thei uh ahih manin kei hong zui uh hi.

Johan 10:27 Iomraidhean Croise

1 KUMPI MASATE 18:21

Tua ciangin mi khempeuh mai-ah Elijah hong pai-in, “Ngaihsutna kibang lo thu nih-ah bang tan vei kip loin om ding na hi uh hiam? Topa in Pasian ahih leh amah zui un; ahih hangin Baal pen Pasian ahih leh amah zui un,” a ci hi. Tua ciangin mite in kam khat beek dawng lo uh hi.

Isaiah 66:22

Ka bawl ding vantung thak leh leitung thak pen ahih leh keima mai-ah kip ding hi; tua mah bangin na suan na khakte uh leh na min uh kip ding hi, Topa in ci hi.

Mattiu 16:24

Tua ciangin Zeisu in, “Mi khatpeuh in kei hong zuih nop leh, a pumpi nial a, ama singlamteh pua-in hong zui ta hen.

Mattiu 17:5

A dot lai takin meii ngo khat in amau tuam a, “Hihpa in, ka lung hong damsak ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Mattiu 25:12

Topa in, ‘Ke’n aman takpi kong cih-inah, note kong thei kei hi,’ a ci hi.

Mattiu 7:23

Tua bang a hong gen uh ciangin, ‘Note cikmahin kong thei ngei kei hi. Mawhna a hihte aw, kei kiang panin taikhia un,’ ka ci ding hi.”

Marka 10:21

Zeisu in tua pa a et ciangin it a, “Na khat na sam lai hi. Pai in la, na neihsa teng zuakin mizawngte na pia in. Tua ahih leh, vantung gam sungah sum na nei ding hi. Tua khit ciangin ka nung hong zui in,” a ci hi.

Marka 8:34

Tua ciangin Zeisu in a nungzuite leh mihonpite a sap khit ciangin, “Mi khatpeuh in kei hong zuih nop leh, ama pumpi nial a, a singlamteh pua-in hong zui ta hen.

Luka 13:27

topa in, ‘Note kuami na hi uh hiam, ke’n kong thei kei hi. Mawhna ahih te aw, kei kiang pan paikhia un kong ci hi,’ ci-in hong gen ding hi.

Luka 9:23

Mi khempeuh kiangah Zeisu in, “Mi khatpeuh in kei hong zuih nop leh, a pumpi nial a, ama singlamteh ni simin pua-in hong zui ta hen.

Johan 10:14

Migi tuucing ka hi hi. Pa in kei hong thei-a kei in Pa ka theih bangin,

Johan 10:16

Hih tuukhumna sunga om lo tuute zong ka nei lai hi. Tua tuute zong ka hong paipih lai ding hi. Amaute in ka aw a ngai ding uh a, amaute hon’ khat suakin tuucing khat a om ding hi.

Johan 10:8

Ka mai-a hong paite khempeuh in guta buluhte ahi uh hi. Ahih hangin tuate’ aw tuute in a ngai kei uh hi.

Johan 12:26

Ka na hong semte in ka nung hong zui ta hen. Keima omna munah ka nasemte zong a om ding hi. Ka na hong semte Pa in a pahtawi ding hi.”

Johan 21:22

Zeisu in, “Kong paikik hun matengin hih mi a om nading ka ut leh, nang in bang phamawhsa na hi hiam? Nang na hih leh, ka nung hong zui in,” ci-in thu a pia hi.

Johan 5:25

Ke’n aman takpi kong cih-inah, a sisate in Pasian’ Tapa’ aw a zak nading uh a hun hong tung ding tham loin tu-in zong a tung zo hi. Tua aw a zate in a nungta ding uh hi.

Johan 8:12

Khatvei Zeisu in, “Keimah in hih leitung khuavak ka hi hi. Ka nung hong zuite in khuamial lakah pai loin nuntakna khuavak a ngah ding hi,” a ci hi.

Johan 8:43

Bang hangin ka thu thei lo na hi uh hiam? Ka thuhilhna ngai nuam lo na hih uh ciangin, ka thu na thei kei uh hi.

Sawltak 3:23

Tua kamsangpa’ thugenna a ngai lo khempeuhte in amau pawl lak pan kimangthangsak ding hi,’ a ci hi.

1 KORIN MASA 8:3

Mikhat in Pasian a it leh, Pasian in tua mi a thei hi.

Galati 4:9

Tu-in ahih leh, note in Pasian na thei khin uh tham loin, Pasian in note hong theih khit ciangin, thahat lo, nopna hong pia thei lo thungeek lamah, a bang hangin kihei kikin sila kaikik nuam na hi uh hiam?

2 TIMOTI NIHNA 2:19

Ahih hangin, “Topa in ama mite a thei hi,” ci-in ahi zongin, “Topa’ min a muangte in dik lohna pan paikhia hen,” ci-in ahi zongin ciamtehna a om, a to mahmah Pasian’ bulpi in, kipin a om hi.

Hebru 3:7

Tua ahih ciangin Kha Siangtho in a gen mah bangin “Tuni-in ama aw na zak uh leh, na lungsim uh na khuahsak kei un. Keimah hong dong hong ze-etin, Keima hih theih nate, kum sawmli tawntung mu-in, gampa lakah kei tawh kilem lohna bawlin, hong hehsak huna a om bangin om kei un.

Mangmuhna 14:4

Tua mite ahih uh leh, tangval ahi uh a, numei tawh khialhna nin a nei ngei lo ahi uh hi. Amaute in Tuuno paina teng a zui mite ahi uh hi. Pasian ading leh Tuuno ading a gah masa bel ahih nadingun mite lak pan a kilei mite ahi uh hi.

Mangmuhna 3:20

En in, kei in kongkhak kiangah ding-in kiu-in ka om hi. Mi khatpeuh in ka aw za-in kong khak hong hon’ leh, tua mi kiangah ka tum khit ciangin amah tawh an ne khawm, tui dawn khawmin ka om ding hi. Amah in kei tawh an ne khawm tui dawn khawmin a om ding hi.