Johan 10:25 - Tedim Bible

²⁵ Zeisu in, “Kong hilh khit hangin na um kei uh hi. Ka Pa’ min tawh ka bawl nalamdangte in ka teci ahi hi.

Tedim Bible Revision 2017

²⁵ Jesu in, “Hong gen khin napi ing-in Topa ka hihna thu na hong um kei uh hi. Ka Paʼ thu tawh na ka septe in hong kilangsak khinzo hi.

Johan 10:25 Iomraidhean Croise

Johan 10:32

Zeisu in, “Pasian kiang pan ka ngah thupha tampi kong lak zo hi. Tua thu lakah bang thu hangin suang tawh deeng dingin hong kipan na hi uh hiam?” ci-in a dong hi.

Johan 10:37

Kei in ka Pa’ ut bangin ka gamtat kei leh, hong um kei un.

Johan 10:38

Ahih hangin, ka gamtat leh, kei nong um kei uh zongin ka bawlna thu um un. Tua bangin na up uh leh, Pa in kei sungah om a, kei in Pa sungah ka om cih thei-in na ciamteh ding uh hi,” a ci hi.

Johan 11:47

Tua ahih ciangin siampi liante leh Farisaite in upa vaihawmte kikhawmsak uh a, “Eite in bangci hih ding i hi hiam? Hih mi in nalamdang tampi a lak hi.

Johan 12:37

Tua zah nalamdang tampi amaute mai-ah a lah hangin, amau in a um kei uh hi.

Johan 14:11

Pa sungah ka om a, Pa in kei sungah a om thu hong um in. Ahih kei leh zong ka bawl nalamdangte’ thu ngaihsunin hong um un.”

Johan 20:30

Hih laibu sungah a kigelh lo lim dang tampi zong Zeisu in a nungzuite mai-ah a lak hi.

Johan 3:2

Tua pa zan lai takin Zeisu kiangah pai a, “Rabbi aw, nangmah in Pasian kiang pan hong pai thuhilhpa na hi cih kote in ka thei uh hi. Bang hang hiam na cih leh, na bawl nalamdangte Pasian in nangmah tawh a omkhawm kei leh, kuamah in a bawl thei kei ding hi,” a ci hi.

Johan 7:31

Mihonpi lakah mi tampite in amah um uh a, “Khazih hong pai ciangin hih pa’ lah sangin nalamdang zaw a lak ding hiam?” a ci uh hi.

Johan 8:12

Khatvei Zeisu in, “Keimah in hih leitung khuavak ka hi hi. Ka nung hong zuite in khuamial lakah pai loin nuntakna khuavak a ngah ding hi,” a ci hi.

Johan 8:24

Tua ahih ciangin, nomau mawhna sungah na si ding uh hi kong ci hi. Bang hang hiam na cih uh leh, keimah in tua pa ka hih lam na up kei uh leh, nomau mawhna sungah na si ding uh hi,” a ci hi.

Johan 8:56

Na pa uh Abraham in keima ni a mu nuam hi. A mu-a a lungdam mahmah hi,” a ci hi.

Johan 8:58

Zeisu in, “Ke’n aman takpi kong cih-inah, Abraham’ pian’ ma-in kei ka om hi,” a ci hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Sawltak 2:22

“No Israel mite aw, hih thu na ngai ta un. No na theih uh mah bangin Pasian in Nazareth mi Zeisu tungah vangliatnate leh nalamdangte leh lungman’nate, note lakah hong hih theihna tawh Pasian in note kiangah tua Zeisu a dik hi ci-in a lak hi.